Mishiraachechinaꞌo 17:11 - Kafa Linguistics Project

¹¹ Areenaꞌo Tasaloonqi katemooch beetinaꞌoyee gamini mullechinaꞌone; ebich “Bi gettiibeeti mooyo iberoo tunehe?” iibee qemi qemona Yaafe Macaafoon galliibee, Phawuloosi yibbaatoon ibere mulloona waayoyich dakii beeheete.

Mishiraachechinaꞌo 17:11 ပူးပေါင်းရင်းမြစ်များ

Iyoobi 23:12

Bi getoochee keyaano taane; bi geto bullin ta mullooch kotiyaꞌa quyeto taane.

Shoddo 119:100

Ne geteenaꞌoyich deꞌa ta iyaa beetoyich, geeneenaꞌoyee beshoon shalligiyoye.

Shoddo 119:148

Ne qaaroon kichii kindii gaboyich, xumo bullin ta aafooch shininno yexaanoone.

Shoddo 119:97

Ne getoon am shaahoon shunnehote; heeyo bullin kichaa kindiyaa gabiyoye.

Shaahiyoo 1:5

Mullechi asheenaꞌo waayeree beshoon mullechinaꞌo boonoshi tunemmoyich, mooyon goommii deqqechinaꞌoo ariyoon aroochee boonoshi danemmoyich tuniiheete.

Shaahiyoo 8:10

Birewoyee ta ciicoon deꞌote; xalle aachoyee ariyoon kaacote.

Shaahiyoo 9:9

Mullechon dojjibe; shalligoon daakkemmone. Cadiqe ashoon dojjibe; ariyoon daakkemmone.

Isiyaasi 34:16

Eboshichon Doono Yeerichi macaafoochee qaawiree shemmebote; ebi areenaꞌoochee ikkolla aalleyaachemmone; eboshiichee addaaraalli ikkolla daneyaachemmone; ebiyoo Doono Yeeri bi noonoona bi gettitoyich, wotta bi Ayaano boonoshin kicemmo bi tunetoyichiye.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Erimiyaasi 2:21

Ta neen, kaacheti woyine, ibere xalle yaree tuniiꞌa bechiyoye; aabichii duubaꞌa kubbi woyinoon tunenne?

Maatiyoosi 13:23

Qeemi showooch holliti yaroon shaahii beetinaꞌo, Yeerichi qaaroon waayeꞌi shalligii beetinaꞌone. Boonoshiyoo aafoon aafemminaꞌone; ikkoo balle aafoon, ikkoo shiche aafoon, ikkoo shaashe aafoon aafemmone” iye.

Luqaasi 11:3

Heeyi koshon qemi qemona nooch imbe!

Luqaasi 16:29

“Tunebaani Abrahami ‘Muusinaa keemechinaꞌona kooriti macaafeenaꞌo boonoshich beetinaꞌone; are macaafeenaꞌooch kooreeton waayebeete’ iye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 3:21

Tunetaa iberoo tuneti mooyon shuuneebeeto, Yeeri gettiton bi shuuno bekkemmoyich, bekko beetooch kechii beetone” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Mishiraachechinaꞌo 11:1

Arooba mishiraachechinaꞌonaa Yihudee showooch beeti maneenaꞌona Aageteenaꞌo Yeerichi qaaroyich boonoshi deꞌa geton waayeheete.

Mishiraachechinaꞌo 17:1

Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

1 Tasaloonqi 1:6

Wotta wodde iritoo ittoshi toommooch bi shaggitaanona, Yaafe Ayaano ittoshich immiti emiroona mishiraachee qaaroon iberiiꞌi, noonnaa Doono Yesuus Kiristoosinochi qocoon dabbito ittoshine;

1 Tasaloonqi 2:13

Wotta kuxaanoon Yeerin no galletaabeeti bare mooyo beete: No waanee ittoshi waayeti Yeerichi qaaroon ittoshi iberiihooba, ittoshi mulloon Yesuusi toommooch tooꞌiiti ittoshi waanaa shuuneebeeti ebi qaaroon ittoshi iberiito, Yeerichi qaaroommonalli ashi qaaroommon toonoone; iberoochaa Yeerichi qaaroone.

2 Tasaloonqi 2:10

Ebiyoommon wotta, boonoshi wodemmi iberee qaaroon shunniꞌi deꞌon qayona aallemminaꞌon dachemmi baribare gonde shuunoon shuunoonane.

Yaaqobi 1:21

Ebich tiyaariibeeti shuunoo bullinaa gonde qoco bullinon bayiichi, ittoshi kashoon wodiyoon hakkiibeeti, Yeeri ittoshi mullooch bechiti qaaroyich ittoshi qelloon yittiiree deꞌa getote.

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.