Mishiraachechinaꞌo 17:10 - Kafa Linguistics Project

¹⁰ Xum bekkech kittinnee maneenaꞌo Phawuloosinaa Sillaasinon Beeriya daachiiheete. Boonoshiyoo arooch shaggiꞌi, Ayihudeenaꞌo kiceebeeti kexooch giyiyeete.

Mishiraachechinaꞌo 17:10 ပူးပေါင်းရင်းမြစ်များ

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 17:1

Phawuloosinaa Sillaasina Amfipoolisi katemoonaa Apilooni katemoonon besheꞌi, Tasaloonqa hammiyeete; aroochoo Ayihudeenaꞌo kiceebeeti kexo beehe.

Mishiraachechinaꞌo 17:2

Phawuloosi bare Ayihudeenaꞌo kiceebeeti kexooch bi gimoommon, andoo hini Ayihudeenaꞌo kiceeti kexooch giyiye. Keejje shabaatta bedoon shambetoon boonoshina tookkii Yaafe Macaafoochee malleteebee asheenaꞌoyich gettiye.

Mishiraachechinaꞌo 17:4

Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.

Mishiraachechinaꞌo 17:6

Tunetaa qaawii mucceꞌi tiyii, Yaasooninaa bare kittinnee maneenaꞌona daggoochee ikkikkeenaꞌon katemee ukkireenaꞌo waan geechii deebiyeete. Cookeebee, “Showoo bullin shuurikkii beetinaꞌo eboshi hini katemooch wotta waatinaꞌone;

Mishiraachechinaꞌo 20:4

Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Mishiraachechinaꞌo 9:25

Tunebaani Yesuusichi dabbeenaꞌo xumoona Sawulin daammiꞌi, mokkooch geddii xaqqee uxeree gutte daggeexi aahoona beshiiꞌi woderoona kindiiheete.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Saameeli 20:42

Yonaataaniyoo Daawitin “ ‘Neennaa taanna daggooch, ne yaroonaa ta yaroona daggoochoo bulli yemeenoon Doono Yeeri tunebe’ iyaꞌa Doono Yeerichi shigoona wogoon no giyetoyee, illa diggoona hambe” iye. Aroochee Daawiti tiyii hammiye. Yonaataaniyoo katemooch wottehe.