Mishiraachechinaꞌo 16:6 - Kafa Linguistics Project

⁶ Aroochee Phawuloosinaa biinna tookkii beetinaꞌona Isiyee showooch Yeerichi qaaroon boonoshi getaachemmoyich, Yaafe Ayaano boonoshin bi bajjitoyich, qajjiꞌi Firigee showoonaa Galaatee showoona besheheete.

Mishiraachechinaꞌo 16:6 ပူးပေါင်းရင်းမြစ်များ

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Mishiraachechinaꞌo 10:19

Areegaata Pheexiroosi koteꞌi bi beeggiti yaaꞌoon gabii bi beetaa, Yaafe Ayaano “Ebiyoche, keejje asheenaꞌo neen qaawii beeteete.

Mishiraachechinaꞌo 11:12

Yaafe Ayaano taach ‘Ne mulloon guttiyaanoon boonoshina tookki hambe’ iꞌi gettiye. Hini shiritte maneenaꞌo wotta Yoopphee taanna tookkii waaheete; shaggaꞌa uroochi kexooch giyehone.

Mishiraachechinaꞌo 16:7

Misiyee showee gaꞌooch shaggiꞌi, Bitaaniya hamma tiyiyeete; tunetaa Yesuusichi Ayaano arooch boonoshi hammemmoyich daaggaanoone.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 20:16

Phawuloosi “Isiyee showooch meeti aaboon koteyaache” iꞌi Efesooni katemoon besheꞌi hamoyich kuxxiye. Ebiyoo bi hakkeegaata, Baaraachee aabooba Yerusaalem heeyon bi gabitoyich afaafineꞌiniye.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 20:4

Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine.

Mishiraachechinaꞌo 21:27

Asheenaꞌo xallemmi shabaatte qemo ceenn beddaahaa, Isiyee showoochee waati Ayihudeenaꞌo Phawuloosi yaafee kexooch bi beemon beeggiꞌi, asheenaꞌo bullin haachishii Phawuloosi toommooch tiijjiꞌi biin yechiyeete.

Mishiraachechinaꞌo 6:9

Arooba Qereni katemoonaa Iskindiri katemoonoochee, Kiliqee showoonaa Isiyee showoonoochee waati Ayihudeenaꞌo Guuchittinoochee Kechiti Ayihudeenaꞌo Kiceebeeti Kexo getteebeeti kexooch kicee beeheete. Eboshi daggoochee ikkikkeenaꞌo tiyiꞌi Isxifanoosina tookkii taggeheete.

Mishiraachechinaꞌo 8:29

Arooba Filipphoosin Yaafe Ayaano “Gaari toommooch beeti uro waan giddebe” iye.

Roomi 16:5

Ebi Phirisqilinaa Aqilinochi kexooch kiceebeeti kittinnee guuphoyich ta diggiyoon getote. Isiyee showoochee Kiristoosi toommooch mulloon tooꞌiyoona qaabboo tuneti, ta shunnaabeeti Aphenexoosich ta diggiyoon getote.

1 Qorontoosi 12:11

Ebi bullin shuuneebeeto, are ikke Yaafe Ayaano baachiye. Are Yaafe Ayaano bi hajjee daaggoonane kittinneenaꞌoyich boonoshi qelli qelloona wojjoon bi qoodii beeto.

1 Qorontoosi 16:1

Andoo Yerusaalemi kittinneenaꞌoyich gijjee buushee mooyon, Galaatee showooch beeti kittinnee guuphinaꞌoyich ta getteti getoommon, ittoshiyoo ebiyoommon wotta tuniibote.

1 Qorontoosi 16:19

Isiyee showooch beeti kittinnee guuphinaꞌo ittoshin diggii beetinaꞌone. Aqilinaa Phirisqilina, boonoshi kexoochoo kiceebeeti kittinneenaꞌo no Doonochi shigoona gaawichii ittoshin diggii beetinaꞌone.

2 Qorontoosi 1:8

No maneenaꞌote! Isiyee showooch no beehooba, no toommooch shaggiti iritoon ittoshi ariyemmoyich qaawaabeeto noone. Ebi no toommooch shaggiti iritoo no hakkoyee beshii bi getaa, “Illa wodaachone” iyaꞌa qitoyich no kuxxemmi wottooniye noon bi maggeto.

Galaati 1:2

wotta taanna tookkii beeti maneenaꞌo bulli waanee, Galaatee showooch beeti kittinnee guuphinaꞌoyich:

Galaati 3:1

Hini mullaalli Galaatee asheenaꞌote! Yesuus Kiristoosi masqalee toommooch bi yooddeyoo ittoshi aafooch xalla bekketone. Ishigaata ittoshin qaaxeꞌi moomito konine?

2 Ximootiyoosi 1:15

Isiyee showooch beeti kittinneenaꞌo bulli ta waanee boonoshi shokoon ariibeeto neene; Fugeloosinaa Herimogeneesina are shokitinaꞌo daggeexinaꞌone.

2 Ximootiyoosi 4:10

Deemaasi hini alemoon shunniꞌi taan qajjii Tasaloonqa hammitone; wotta Qerqiisiyoo Galaatee showooch, Titoosiyoo Dalimaatee showooch boonoshi hammiichaa,

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

1 Pheexiroosi 1:1

Yesuus Kiristoosichi mishiraachechi Pheexiroosi waanee, Faantoosee showooch, Galaatee showooch, Qephadooqee showooch, Isiyee showoonaa Bitaaniyee showoonooch beeti katemoo bulliich shiqqoo tunee shaceꞌi beeti, Yeerina kaacheti asheenaꞌoyich,

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,