Mishiraachechinaꞌo 16:34 - Kafa Linguistics Project

³⁴ Ebiyee gubb, Phawuloosinaa Sillaasinon bi kexooch daammiꞌi, maayoon boonoshich giddiihe. Biinnaa bi kechi asheenaꞌo bullina boonoshi mulloon Yesuusi toommooch boonoshi tooꞌitoyich, emiroona wucwucciyeete.

Mishiraachechinaꞌo 16:34 ပူးပေါင်းရင်းမြစ်များ

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Luqaasi 19:6

Ebich Zakiyoosi kaatee kindiꞌi emiriibee Yesuusin bi kexooch daammiꞌi iibbiihe.

Luqaasi 5:29

Aroyee gubb Lewi bi kexooch oogeti gifiroon Yesuusich qanniihe. Arooba Yesuusinaa Lewina tookkiꞌi madooch koteti gabiyee guudeenaꞌonaa bare asheenaꞌona meetinaꞌone.

Mishiraachechinaꞌo 11:14

Biyoo neennaa ne kechi asheenaꞌona wodemmi gommon gettemmone” iꞌi bi getaa waayehoye’ iꞌi nooch gettiye.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Mishiraachechinaꞌo 16:35

Dechara Roomechi nallechinaꞌo “Are asheenaꞌon biishe” iꞌi cuyee kechi quyecho waan ginechinaꞌon wocheheete.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Mishiraachechinaꞌo 8:39

Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 5:11

Tunebaani ebi ikkeeto baach toonoone; and no Doono Yesuus Kiristoosichi gommona no shuneti Yeerina wotta geeciyone.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Filipphisiyoosi 4:17

Ta ishichaabeeto, ittoshi deꞌittinoyich gaacoon ittoshi danemmoyich qaawoonalli, ittoshi gijjee wojjoon qaawoona toonoone.

Filipphisiyoosi 4:4

Bulli aaboon Doono Yesuusina emiribote; daakkaꞌa gettoye, emiribote!

Filimooni 1:7

Ta manoocho, yaafeenaꞌo mulloon ne kashiitoyich, ebi ne shunoona oogichaa emirito taane; oogetonoo goggeto taane.

1 Yowannisi 3:18

Ta shuni bushiisheenaꞌote! Ibere maacoona no shunoon shuunoona bekkiibonalli, qaaroona woyee yibbaatoona baach shunaayone.