Mishiraachechinaꞌo 16:31 - Kafa Linguistics Project

³¹ Boonoshiyoo “Ne mulloon Doono Yesuusi toommooch tooꞌiibe; neennaa ne kechi asheenaꞌona wodemmo ittoshine” iyeete.

Mishiraachechinaꞌo 16:31 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Maariqoosi 16:16

Mulloon ta toommooch tooꞌiiꞌi aacona afaalleemmo wodemmone; tunebaani tooꞌiyaano toommooch nalleyemmone.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Yowannisi 3:36

Bi mulloon bi Bushoo toommooch tooꞌiibeeto, bulli yemeenee kashechone; bi Bushoo toommooch tooꞌiyaano, Yeerichi kaaree shiixxoo bi toommooch tunehalli, bulli yemeenee kashoon daneyaachemmone” iye.

Yowannisi 6:40

Yeerichi Bushoo taan ciinniꞌi bi mulloon ta toommooch tooꞌiibeeto bulli, bulli yemeenee kashoon bi danemmoyich ta Nihoochi daaggoo ebine; tawoo ciireexi aabooba qitoochee biin tiijjemmo taane” iye.

Yowannisi 6:47

Iberoon ittoshich gettoye: Bi mulloon ta toommooch tooꞌiibeeto, bulli yemeenee kashechone.

Mishiraachechinaꞌo 15:11

Tunebaani no boonoshichoommon Doono Yesuusichi wojjoona wodemmo no tunoon iberiibeeto noone” iye.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Mishiraachechinaꞌo 16:32

Aroochee biinnaa bi kechi asheenaꞌo bullinoyich Doono Yesuusichi qaaroon gettiyeete.

Mishiraachechinaꞌo 18:8

Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.

Mishiraachechinaꞌo 4:12

“Wodoo baroo koni waaneenona daneyaache; noon wodiyoon hakkemmo, asheenaꞌoyich Yeer waanee icheti shigo shimaayoyee desh baroo aalloone” iye.

Mishiraachechinaꞌo 8:36

Tookkii gommo hammiibee aaco beetooch shaggiyeete; uro tiyiꞌi, “Ebiyoche, hiniich aaco beete; aacona ta afaalleyaachemmoyich, taan bajjemmi mooyo amoone?” iꞌi echehe.

Roomi 11:16

Bukeeti koshoochee shiichiꞌi tiijjeeti ikke xeko yaafoo bi tunegaata, echeti kosho bulli wotta yaafoone. Xeppho Yeerich yaafeeto bi tunegaata, ateenaꞌo wotta biich yaafeetinaꞌone.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:22

Tunebaani Yaafe Macaafo asho bulli axaaxoyich hajjeeꞌi axaaxoona cucheto bi tunoon xallayiꞌi gettitone. Ebich Yesuus Kiristoosi toommooch mullee tooꞌiyoona daneebeeti, Yeeri gibenikkiti wojjoon boonoshi mulloon bi toommooch tooꞌii beetinaꞌoyich immii beetone.

Galaati 3:26

Ittoshi mulloon Kiristoos Yesuusi toommooch ittoshi tooꞌiyee naboona ittoshi bulli Yeerichi bushiishoo ittoshine.