Mishiraachechinaꞌo 16:26 - Kafa Linguistics Project

²⁶ Aroochee diqq cuyee kexo shuurimmi wottoon, oogeti showee qewo tunehe. Bekkech cuyee kechi kelleenaꞌo bulli qecheeheete; cuchetinaꞌo bullichi cuyo biishehe.

Mishiraachechinaꞌo 16:26 ပူးပေါင်းရင်းမြစ်များ

1 Taateenaꞌo 13:28

Aroochee hammiꞌi, gommooch yacheeꞌi beeti dubenoon, wotta kuroonaa daaheroona dubenee gaꞌooch neexeꞌi beetinaꞌon danehe. Daaheroo dubenoon maataanoone; kuroonoo tiishaanoone.

Shoddo 102:20

Ebiyoo, qoppeenaꞌochi gaashiron waayoyich, qitooch nalleetinaꞌon biichii gawukkoyichiye.

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 68:6

Yeeri shiqqoon shiishecho tuniyemmone; qoppeenaꞌo biicheree emiroona boonoshi beeyemmoyich tuniyemmone; tunebaani hukkechinaꞌo michiibeeti barahooch beeyemminaꞌone.

Shoddo 79:11

Qoppeenaꞌochi gaashiro ne aafooch bede; boonoshi toommooch qitoo nalleetinaꞌon kupphe ne mochoona wodiibe.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Maatiyoosi 28:2

Diqqoona oogeti showee qewo tunehe; Doonochi maraakoo shimaayoochee kindii xaqqoon maashee oppee kelloochee gederikkiꞌi aree toommooch kotehe.

Mishiraachechinaꞌo 12:10

Kellechinaꞌo quyeebeeti gutte xaaꞌoon besheꞌi, maach kichiibeeti xuuree shaaqqooch shaggiyeete. Aroo bi aalla qecheetaa, kechiꞌi ikke gommona besheheete. Tookkii hammii boonoshi beetaa, maraakoo biyee bariꞌi hammiye.

Mishiraachechinaꞌo 12:7

Bekkech Doonochi maraakoo bekkehe; cuyee kexoochoo bekko bekkehe. Hini are maraakoo Pheexiroosin shuurikkii tiijjiꞌi, “Kaate tibe” iye. Bekkech Pheexiroosi cucheti sansalato bi kishoochee holliye.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.