Mishiraachechinaꞌo 16:14 - Kafa Linguistics Project

¹⁴ Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 16:14 ပူးပေါင်းရင်းမြစ်များ

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Solomooni 5:4

Shiiqqi shaaqqee aahoona bi kishoon deejjiye; ta mullo biich qewehe.

Isiyaasi 50:5

Nuggishoo Doono Yeeri ta waamon qechitone; tawoo hukkecho toono taane; gubboo wotteyaano taane.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Yowannisi 12:20

Ebi baarooba Yeerich goyinneya Yerusaalem hammiti asheenaꞌo daggooch ikkikke Giriikeenaꞌo beeheete.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 11:21

Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 13:43

Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 16:40

Phawuloosinaa Sillaasinoo cuyee kexoochee kechiꞌi, Liidi kexooch giyiyeete. Arooch beeti kittinnee maneenaꞌon kupphiiꞌi tiyii, katemoon gawukkii hammiyeete.

Mishiraachechinaꞌo 18:7

Aroochee Ayihudeenaꞌo kiceebeeti kexoochee kechiꞌi, Titiyoos Yusxoosi getteebeeti, Yeerich qeyiibeeti uroo kexooch giyiye; bi kexoo Ayihudeenaꞌo kiceebeeti kechi gaꞌoochiye.

Roomi 9:16

Ebich maaroo danemmo maariibeeti Yeer waaneenalli, ashi daaggoona woyee ashi qiiccoona toonoone.

Yaaꞌoo 1:11

Taachoo ishichiye: “Ne beeggaa beeton macaafooch kooriree Efesooni, Semirineesi, Phergaamooni, Tiyaxirooni, Sarideesi, Filaadelifinaa Lodooqinooch beeti shabaatte kittinnee guuphinaꞌoyich woche daachiibe” iye.

Yaaꞌoo 3:20

Ebiyoche, kellooch neexaachaa kelloon qoppaabeeto taane; koniyoona ta qaaroon waayeꞌi bi kelloon bi qechigaata, bi waan giyemmo taane; biinna tookki gifiroon maayemmo taane; biyoo taanna tookki maayemmone.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye: