Mishiraachechinaꞌo 15:8 - Kafa Linguistics Project

⁸ Arooba ashi mulloon ariibeeti Nuggishoo, nooch Yaafe Ayaanoon bi imoommon, boonoshich wotta Yaafe Ayaanoon bi imona boonoshin bi hoxee qayon miixehe.

Mishiraachechinaꞌo 15:8 ပူးပေါင်းရင်းမြစ်များ

1 Taateenaꞌo 8:39

ne beeyi xaaꞌoo tuneti shimaayoochaa waayebe; maarishoo gete. Asho bullichi mulloon ariyaabeeto ne baach ne tunetoyich, bi mulloon ne ariibeeti asho bullich bi shuuni shuunoommon qoce.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

1 Kiinoo 29:17

Ta Nuggishoocho, mulloon haattaabeeto ne tunoonaa kaamittinoon shunnaabeeto ne tunoonon ariyaabeeto taane. Tawoo ebi bullin ta immeto gaawe daaggoonaa kaame mulloonane. Andoo hiniich beeti ne asheenaꞌo gaawe boonoshi daaggoona emiroona boonoshi imon beeggeto taane.

Shoddo 44:21

mullooch aacheeti mooyon bi arii beetoyich, Yeeri ebin xalla kichi beegaacheshe?

Erimiyaasi 11:20

Mulloonaa eengoonon haattiibeeti, kaachiinoo nalliibeeti Beshe Mawe Doono Yeero, ta mooyon neech arichiiho; boonoshi toommooch ne gaaccemmi nichoon beegone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 20:12

Cadiqe ashoon phiree beeggaabeeti, mulloonaa gaboonon ciinnaabeeti, Beshe Mawe Doono Yeero! Ta taggoon neech ta waayiitoyich boonoshi toommooch nichoon ne kichoon beegone.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Yowannisi 5:37

Wotta taan wocheti Nihoo Yeeri taachon miixetone; tunebaani bi qaaroon cir waayeyaano ittoshine; bi aafoonoo beegaano ittoshine.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 10:47

“Hini asheenaꞌo toommooch wotta noochoommon Yaafe Ayaano kinditone; illa aacona boonoshi afaalleyaachemmoyich, konine boonoshin bayon hakkemmo?” iye.

Mishiraachechinaꞌo 14:3

Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe.

Mishiraachechinaꞌo 15:28

Ebi ittoshich qaawiibeeti mooyinaꞌoyee damba bare magge mooyon ittoshi toommooch no minjaachemmoyich, Yaafe Ayaanoonaa noonna gabito noone.

Mishiraachechinaꞌo 2:4

Boonoshi bulli Yaafe Ayaanoona ceenniyeete; bekkech Yaafe Ayaano boonoshich hakkoon imaa boonoshi ariyaani noonoona yibbaateheete.

Mishiraachechinaꞌo 4:31

Boonoshi corootitoyee gubb, boonoshi kiceeti xaaꞌoo shuuriye. Bulliyoo Yaafe Ayaanoona ceenniyeete; aroochee Yeerichi qaaroon aafoon kuppheꞌi gettiyeete.

Hibireena'o 2:4

Yeeriyoo wotta worganikkiti malletoonaa gaakkechi shuunoonon, baribare gaakkechi mooyonoo bi shuunoona, bi qelloona bi daaggitoommon, Yaafe Ayaanee wojjoonoo qoodoona boonoshina tookkii miixetone.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.