Mishiraachechinaꞌo 15:5 - Kafa Linguistics Project

⁵ Areegaata Fariseenaꞌo daggoochee boonoshi mulloon Yesuusi toommooch tooꞌiitinaꞌo arooch beeheete. Boonoshi daggoochee ikkikkeenaꞌo tiyiꞌi, “Aageteenaꞌon dokiriyoonaa ‘Muusichi Sheeroon ceechibote’ iꞌi getona ittoshich qaawiihe” iyeete.

Mishiraachechinaꞌo 15:5 ပူးပေါင်းရင်းမြစ်များ

Maatiyoosi 3:7

Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:24

“Ikkikke asheenaꞌo no waanee kechiꞌi, boonoshich no getaanoon gettiibee ittoshin iritiiꞌi ittoshi mulloon boonoshi guttiyoon waayeto noone.

Mishiraachechinaꞌo 21:20

Hini are geeneenaꞌo ebin waayeꞌi Yeerin galleteheete. Phawuloosichoo ishichiyeete: “Manoocho, Ayihudeenaꞌo daggoochee boonoshi mulloon Yesuusi toommooch tooꞌiitinaꞌo ambiche humeenaꞌo gaata beeggaabeeto neene; boonoshi bulli Muusichi Sheeroyich qanaatee beetinaꞌone.

Mishiraachechinaꞌo 24:14

Tunebaani ta gettaabeeti mooyo ebine: ‘Xumme gommone’ boonoshi ii beeti gommon dabboona no qaabbechinaꞌochi Nuggishoyich maddaabeeto taane; Muusichi Sheeroonaa keemechinaꞌochi macaafoonooch kooreeto bullin iberiibeeto taane.

Mishiraachechinaꞌo 24:5

“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.

Mishiraachechinaꞌo 28:22

Tunebaani bulli xaaꞌooch beeti asheenaꞌo hini ne beeti guuphon boonoshi oonon ariibeeto noone. Ebich ne gaboo amo gaata ne getaa waayoyich qaawaabeeto noone” iyeete.

Mishiraachechinaꞌo 5:17

Arooba qeeshee guudoonaa biinna tookkii beeti Saduuqee guuphi asheenaꞌo bullina oogeti qanaatoona mishiraachechinaꞌo toommooch tiyiyeete.

1 Qorontoosi 7:18

Koniyoona Yeeri biin bi ceegiyooba dokireeto bi tunegaata, bi dokireyoon nookkaaye; baroo wotta Yeeri biin bi ceegiyooba dokireyaano bi tunegaata, ebiyee bekk dokireyaaye.

Galaati 2:11

Aroochee Pheexiroosi Antsooka bi waahooba, bi tuniiti mooyo tato tuno bi qajjitoyich, xalla biin ittibatehoye.

Galaati 2:14

Tunebaani mishiraachee qaaree iberee kaame gommona boonoshi hammi qayon ta ciinnehooba, kittinneenaꞌo bulli aafooch Pheexiroosin “Ne Ayihudee asho tunaachaa, Ayihudoommon tuneyaanoon Aagetoommon beeto neene; illa Aageteenaꞌo Ayihudeenaꞌochi doyoommon boonoshi beeyemmoyich aabichaꞌa xuqqenne?