Mishiraachechinaꞌo 15:4 - Kafa Linguistics Project

⁴ Yerusaalem boonoshi shagaa, kittinnee guuphi asheenaꞌo, geeneenaꞌonaa mishiraachechinaꞌona boonoshin iibbiiheete. Hini wocheetinaꞌo Yeeri boonoshina tookkii tuneꞌi bi tuniiti mooyo bullin yibbaateheete.

Mishiraachechinaꞌo 15:4 ပူးပေါင်းရင်းမြစ်များ

Maatiyoosi 10:40

“Ittoshin shunniibeeto taan shunnii beetone; taanoo shunniibeeto taan deejjiti Yeerin shunnii beetone.

Mishiraachechinaꞌo 11:30

Gijjoon kiciꞌi, “Barnabaasinaa Sawulina kishoona kittinnee guuphi geeneenaꞌoyich shage” iꞌi daachiiheete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:3

Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 15:6

Aroochee mishiraachechinaꞌonaa geeneenaꞌona hini mooyon beegga kiceeheete.

Mishiraachechinaꞌo 16:4

Ebiyee gubb, tookkii katemeenaꞌona besheebee, Yerusaalem beeti mishiraachechinaꞌonaa kittinnee guuphi geeneenaꞌona “Yeer waan wottetinaꞌo eboshin quyebeete” iꞌi boonoshi maacciton boonoshi quyemmoyich ciiccii beeheete.

Mishiraachechinaꞌo 18:27

Are Aphiloosi Akaayee showooch hamma bi gabaa, kittinnee maneenaꞌo bulli hambe iꞌi kupphiiheete. Biin boonoshi iibbiyemmoyich, kittinneenaꞌoyich wochoon kooriꞌi daachiiheete. Arooch shaggiꞌi tiyii, Yeer waanee boonoshi daneti wojjoona Yesuusi toommooch mulloon tooꞌiiꞌi arooch beetinaꞌon oogichii gaachehe.

Mishiraachechinaꞌo 21:17

Yerusaalem no shaggemmona, kittinnee maneenaꞌo emiroona noon iibbiiheete.

Mishiraachechinaꞌo 21:19

Phawuloosi boonoshin bi diggiitoyee gubb, bi shuuneti shuunoona Yeeri Aageteenaꞌo daggooch bi tuniiti mooyon yaaroona gettiye.

Roomi 15:18

Aageteenaꞌo Yeerich deꞌa boonoshi gettemmoyich, Kiristoosi bi qaaroonaa bi shuunoona, worganikkiti malletoonaa gaakkechi shuunoonochi giidoona, Yaafe Ayaanee giidoona ta waanaa tuneꞌi bi shuuneti mooyoyee beshe bare amoonolla getoyich aafoon kuppheyaache. Ebich Yerusaalemee tiijjaꞌa Iliriqoonee showooch beddaahaa guuddaꞌa Kiristoosichi mishiraachoon ikkeenolla echiyaanoon gettaa bechito taane.

Roomi 15:7

Ebich Yeeri oogemmoyich Kiristoosi ittoshin bi waan bi katichoon shalligibee ebiyoommon tuniibotalli, ittoshinaa ittoshina ikkoo baroon shiqqiyaaye.

1 Qorontoosi 15:10

Tunebaani and ta tuneton tunooch taan bechito Yeerichi wojjoone; Yeeri taach bi immiti wojjoo duubo toonoone. Ebich bare mishiraachechinaꞌo bulliyee beshoon aajjaabee shuuneto taane; tunebaani aajjiꞌi shuuneto, taanna tookkii beeti Yeerichi wojjoani, ta toono taane.

2 Qorontoosi 5:19

Yeeri Kiristoosina shuuneebee alemee asheenaꞌon biinna tookkii shunii beehe; boonoshi xuꞌoonoo haddaanoone; noochoo shuniyee wochoon immiye.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Qolaasiyaasi 4:10

Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.

2 Yowannisi 1:10

Ittoshi waan waammo koniyoona bi tunegaata, ebiyoommi doyoon yechiꞌi bi womo qayigaata, ittoshi kexooch giijjiyaahote; biin diggiyaahote.