Mishiraachechinaꞌo 15:32 - Kafa Linguistics Project

³² Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 15:32 ပူးပေါင်းရင်းမြစ်များ

Daaneeli 11:1

“Ta, ta qelloona biin gaachaꞌa kupphiito taane. Ebi bi tuneto, Meedee asho Daariyoosi taateti ikkinnee natoobane.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 11:27

Aroobee yemeenooch keemechinaꞌo Yerusaalemee Antsooka hammiyeete.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:27

Hini koorichooch kooreeton boonoshi noonoona ittoshich boonoshi gettemmoyich, Yihudinaa Sillaasinon daachiito noone.

Mishiraachechinaꞌo 15:3

Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 15:31

Boonoshiyoo shemmeꞌi areexi ciicoona oogichii emiriyeete.

Mishiraachechinaꞌo 15:41

Biyoo Sillaasina tookkii kittinnee guuphinaꞌo kiceebeeti xaaꞌoo bulliich hammii shaggii boonoshin kupphiibee, Sooriyee showoonaa Kiliqee showoonon beshee beehe.

Mishiraachechinaꞌo 18:23

Arooch giisheche aaboon bi kotetoyee gubb, kechii Galaatee showoonaa Firigee showoo bullinon guuddiꞌi, Yesuusi dabbeenaꞌo bullin kupphiihe.

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 20:2

Are showoona hammiibee, kittinneenaꞌon wodde qaaroona ciicciibee, besheꞌi Giriikee showooch shaggiye.

Roomi 12:6

Yeeri nooch immiti wojjoommon baribare wojjoo nooch beetone; keemoon keemmi wojjoo bi tunegaata, no mullee tooꞌiyoommon keemoon keembone.

Roomi 12:8

Ciico bi tunegaata, ciicona kupphebone; imo bi tunegaata, mulloochee tiijjiree imbone. Kittinneenaꞌon yaabiibeeti asho bi tunegaata, kuppheree yaabibe; bareenaꞌoyich ariqqeebeeto bi tunegaata, emiribee deꞌittinoon bekkiibe.

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

1 Qorontoosi 14:29

Gutte woyee keejje keemechinaꞌo geteete; bareenaꞌo wotta are getteeti qaaroon kichi kindiree gabibeete.

1 Qorontoosi 14:3

Tunebaani keemoon keemmiibeeto ashoon eenniyoyich, kupphiyoonaa goggiyoonoyichiye bi gettiibeeto.

1 Qorontoosi 14:32

Keemechinaꞌochi ayaano keemechinaꞌoyich hajjee beetone.

Efesooni 3:5

Ebiyoo wonnee yemeenooch bare shiijjereenaꞌo waan ashi bushiishoyich aricheyaanoone; tunebaani and yaafeeti bi mishiraachechinaꞌonaa keemechinaꞌonoyich bi Ayaanoona gaxxitone.

1 Tasaloonqi 2:11

Bi taatittinoonaa bi oogee yiiroonoochee ittoshi qoodeyemmoyich ittoshin ceeggiti Yeerin emirikkiibeeti beemona ittoshi beeyemmoyich, ittoshin ciiccaabee, kupphiibee, xalla gettaabee, nihoo bi bushiishoyich tunii beetoommon, ittoshi ikkikkoyich no tuniyoon ariibeeto ittoshine.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

1 Tasaloonqi 5:20

Keemoon qallayiyaahote.

2 Tasaloonqi 3:12

Eboshiyoommi asheenaꞌo yiti shuuneree boonoshi hajjee koshon boonoshi maayemmoyich, no Doono Yesuus Kiristoosichi yakkirecho tunaꞌa gettaabeeto noone; manjiiꞌaanoo ciiccaabeeto noone.

1 Ximootiyoosi 2:1

Illa bulliyee shiichiree, Yeerin oogiibee, yaafeeti keqqaalli beemon diggoona no beeyemmoyich, asho bullich, taateenaꞌoyich, iraasheenaꞌonaa ukkireenaꞌo bullinoyich Yeerin ittoshi qollemmonaa corootemmonoyich, ittoshi maaggemmonaa galletemmonoyich boyaabeeto taane.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.