Mishiraachechinaꞌo 15:3 - Kafa Linguistics Project

³ Ebich hini kaachetinaꞌon kittinnee guuphi asheenaꞌo deennii Yerusaalem daachiiheete. Boonoshiyoo hammii Finqee showoonaa Shamaaree showoonon besheebee, Aageteenaꞌo Yeer waan wottoon gettiyeete. Kittinnee maneenaꞌo ishin waayeꞌi oogichii emiriyeete.

Mishiraachechinaꞌo 15:3 ပူးပေါင်းရင်းမြစ်များ

Luqaasi 15:32

Tunebaani “Qititone, aalletone” iyaꞌa ta gabiti hini ne manoo kashoona wotteꞌi danetone; ebich gifiree maayoon gediree emiraanoon aabichiree qajjehone?’ iꞌi gettiye” iye.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 13:52

Arooba Yesuusichi dabbeenaꞌo oogichii emiriyeete; Yaafe Ayaanoonoo ceenniyeete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 15:1

Ikkikke asheenaꞌo Yihudee showoochee Antsooka hammiꞌi, “Muusichi Sheeree doyoona ittoshi dokireyaan gaata, wodoon hakkaachote” iꞌi kittinnee maneenaꞌoyich dojjiyeete.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 15:4

Yerusaalem boonoshi shagaa, kittinnee guuphi asheenaꞌo, geeneenaꞌonaa mishiraachechinaꞌona boonoshin iibbiiheete. Hini wocheetinaꞌo Yeeri boonoshina tookkii tuneꞌi bi tuniiti mooyo bullin yibbaateheete.

Mishiraachechinaꞌo 17:15

Phawuloosin deennitinaꞌo Ateeni katemooch beddaahaa shakkiiheete. Boonoshi shakkiitoyee gubb, “Sillaasinaa Ximootiyoosina kaateree ta waan wobeete” iꞌi Phawuloosi boonoshina wochehe.

Mishiraachechinaꞌo 20:38

oogichii boonoshi ayinito, “Ebiyee gubb ta aafoon beegaachemmo ittoshine” bi itoyichiye. Aroochee markabooch bi kechimmi wottoon deenniyeete.

Mishiraachechinaꞌo 21:5

Tunebaani no hammemmi aabo bedaa hammehon; kittinneenaꞌo bulli boonoshi maachoonaa bushiishoona tookkii katemoyee maach beddaahaa noon deenniyeete. Baharee gashooch gutenaꞌa no corootitoyee gubb,

Mishiraachechinaꞌo 28:15

Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.

Mishiraachechinaꞌo 8:14

Arooba Yerusaalem beeti mishiraachechinaꞌo Shamaaree asheenaꞌo Yeerichi qaaroyich deꞌa geton waayeꞌi, Pheexiroosinaa Yowannisinon boonoshi waan daachiiheete.

Roomi 15:24

katinoon ittoshi waan hamma gibenaabeeto taane. Isipaanee showooch hamibee ikkot ittoshin beeggemmo taane; shiichiree ittoshina daneree giisheche aaboon ittoshi waan koteree ta emiritoyee gubb, arooch hammemmo taane; wottoo ta gommoyich taan deggemmo ittoshi tunoon gibenaabeeto taane.

1 Qorontoosi 16:11

koniyoona biin hoxaaye. Maneenaꞌon tookkiree ta waan woyemmo bi tunetoyich, iriteyaanoon bi woyemmoyich deenote.

1 Qorontoosi 16:6

Aree hillooch ta hammemmi xaaꞌoo aabiichona tuneba taan ittoshi deenaa ta gommon ta yechemmoyich, diqqich ittoshi waan yagoon qayaachemmo taane; woyee yooyon ittoshi waanaa kichoon qayaachemmo taane.

2 Qorontoosi 1:16

Ta gabito, ittoshi waanina besheree Makidoonee showooch hamonaa Makidoonee showoochee wotteree ittoshi waan shagonoyichiye; aroochee Yihudee showooch ta hammemmoyich taan ittoshi deggemmoyichiye.

Titoosi 3:13

Wottoo sheeree ariyechi Zenaasinaa Aphiloosinon gommoochaa boonoshi iriteyaachemmoyich ne hakkimmo bullin tuniibe; boonoshich qaawiibeeti mooyo bullin boonoshich ceechibe.