Mishiraachechinaꞌo 15:16 - Kafa Linguistics Project

^16-18 ‘Wonnee yemeenoochee tiijjiꞌi, ebi mooyo bullin shuuneebeeti Doono Yeeri ishichiye: “Ebiyee gubb, bare asheenaꞌo bulli, Aageteenaꞌo daggoochee ta hajjoo tunebeete iyaꞌa ta ceeggeti asheenaꞌo bulli Doono Yeeri taan boonoshi qaawemmoyich boonoshi waan wottemmo taane. Arooba dihiti Daawiti kexon wochiree haggemmo taane; tiisheton koceree andiriyemmo taane; wochinnoon tiijjiree neechemmo taane” ii beetone.’

Mishiraachechinaꞌo 15:16 ပူးပေါင်းရင်းမြစ်များ

1 Taateenaꞌo 12:16

Israꞌeeleenaꞌo bulli taatoo boonoshi mooyon waayee qayon beeggiꞌi, ishichii wochiyeete: “Daawit waanee no danemmi mooyo amoone? Iseyi bushoo waanee no woraashemmi mooyo aalloone. Israꞌeeleenaꞌote, ittoshi duukkaani duukkaanooch wottebote; Daawito, and ne hajjee kexon quyebe” iyeete. Ebina Israꞌeeleenaꞌo boonoshi duukkaani duukkaanooch wotteheete.

Erimiyaasi 12:15

Boonoshin ta waaxxetoyee gubb, wochiree maaremmo taane; boonoshi ikkikkoon boonoshi showoonaa boonoshi hajjoonooch wochiree deebemmo taane.

Zakaariyaasi 13:8

Showee toommooch beeti ashoochee, keejje kishoochee gutte kishoo yexaa aallemmone; tunebaani ikke beeroo echemmone.