Mishiraachechinaꞌo 14:1 - Kafa Linguistics Project

¹ Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete.

Mishiraachechinaꞌo 14:1 ပူးပေါင်းရင်းမြစ်များ

Maariqoosi 7:26

Biyoo Sooriyee showooch beeti Finqechee, Giriikee noonoon yibbaataabeeti ureene. Areyoo Yesuusin “Ta bushee toommoochee yinnoon yoohe” iyaꞌa qollahan.

Yowannisi 12:20

Ebi baarooba Yeerich goyinneya Yerusaalem hammiti asheenaꞌo daggooch ikkikke Giriikeenaꞌo beeheete.

Yowannisi 7:35

Ebich Ayihudee ukkireenaꞌo boonoshinaa boonoshina “No biin daneyaachemmoyich, hini uro amooch hammane bi ii beeto? No macceenaꞌo shaceꞌi beeti Giriikeenaꞌochi katemeenaꞌooch hamiree Giriikee asheenaꞌoyich dojjoyich tunehe?

Mishiraachechinaꞌo 11:21

Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 13:43

Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 13:5

Salamiisi katemooch beebee, Ayihudeenaꞌo kiceebeeti kexooch giyiꞌi, Yeerichi qaaroon dojjiyeete. Arooba Yowannisi boonoshin deggii beehe.

Mishiraachechinaꞌo 13:51

Ebina Phawuloosinaa Barnabaasina boonoshi baateexi quttoon tebbeechii tiyiꞌi, Iqooniyooni katemooch hammiyeete.

Mishiraachechinaꞌo 14:19

Arooba ikkikke Ayihudeenaꞌo Fesidee showooch beeti Antsooki katemoonaa Iqooniyooni katemoonoochee tiyiꞌi, Lisxiri katemooch waaheete; asheenaꞌon kocciꞌi Phawuloosin xaqqoona yexxiyeete. Boonoshich qitito bi shaahaa, katemoyee maach geechii kichii duppiyeete.

Mishiraachechinaꞌo 14:2

Tunebaani ebin qajjiti Ayihudeenaꞌo Aageteenaꞌon kocciꞌi, boonoshi mulloon Yesuusi toommooch tooꞌiiti asheenaꞌon oogichi boonoshi shixxemmoyich tuniiheete.

Mishiraachechinaꞌo 14:21

Phawuloosinaa Barnabaasina Deribi katemooch mishiraachee qaaroon gettiꞌi, meeti asheenaꞌon Yesuusichi dabbeenaꞌo tuniiheete. Ebiyee gubb Yesuusichi dabbeenaꞌo mulloon kupphiibee, boonoshi mulloon bi toommooch boonoshi tooꞌiiti Yesuusina manjiree boonoshi beeyemmoyich ciicciibee, “Yeerichi taatittineech gimoyich wodde iritoon beego nooch qaawiihe” iibee Lisxirinaa Iqooniyooninooch, Fesidee showooch beeti Antsooki katemoochoo wotteheete.

Mishiraachechinaꞌo 16:1

Aroochee Phawuloosi Sillaasina tookkii Deribi katemoonaa Lisxiri katemoonooch hammiye. Lisxira Ximootiyoosi getteebeeti ikke Yesuusichi dabboo beehe. Bi indee bi mulloon Yesuusi toommooch tooꞌiiti Ayihudecheene; bi nihoo wotta Giriikee ashoone.

Mishiraachechinaꞌo 16:2

Ximootiyoosi Lisxirinaa Iqooniyooninooch beeti kittinnee maneenaꞌona naadeetone.

Mishiraachechinaꞌo 17:12

Ebich boonoshi waanee meetinaꞌo boonoshi mulloon Yesuusi toommooch tooꞌiiheete; wotta Giriikeenaꞌo daggoochee aricheti meeti genneenaꞌonaa anaaminaꞌona boonoshi mulloon Yesuusi toommooch tooꞌiiheete.

Mishiraachechinaꞌo 17:17

Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe.

Mishiraachechinaꞌo 17:4

Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.

Mishiraachechinaꞌo 18:4

Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.

Mishiraachechinaꞌo 18:8

Ayihudeenaꞌo kiceebeeti kechi ukkiroo Qerisiphoosi bi kechi asho bullina tookkii bi mulloon Doono Yesuusi toommooch tooꞌiihe. Wotta meeti Qorontoosi asheenaꞌo Phawuloosi gettiton waayee, boonoshi mulloon Yesuusi toommooch tooꞌiiꞌi aacona afaalleeheete.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 19:17

Hini mooyon Efesoon beeti Ayihudeenaꞌonaa Giriikeenaꞌo bullina waayeheete; oogichiinoo shattiyeete; Doono Yesuusichi shigoonoo oogiiheete.

Mishiraachechinaꞌo 19:8

Ebiyee gubb, Phawuloosi Ayihudeenaꞌo kiceebeeti kexooch giyiꞌi, aafoon kupphee gajjiteebee, keejje agen bedoon Yeerichi taatittineechon gettiye.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Mishiraachechinaꞌo 21:28

Aroochee ishichiyeete: “Israꞌeelee asheenaꞌote, noon gaachebote! Bulli xaaꞌooch beeti asheenaꞌo bulli no macceenaꞌonaa no sheeroonon, hini yaafee kexonoo boonoshi hoxemmoyich kocciibeeti uro hinine. Andoo daakkiꞌi Giriikee asheenaꞌon yaafee kexooch giijjiꞌi, hini yaafe xaaꞌoon eeꞌiitone” iꞌi cookeeheete.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 10:12

Ayihudoonaa Aagetoonochi daggooch barbarittino aalloone; ikke Doono bullichi Doonone. Corootoonoo biin qollee beetinaꞌo bullich beshaa beshiiꞌi immii beetone.

Galaati 2:3

Taanna tookkii beeti Titoosi Giriikee asho bi tunetaanoona, dokireebe getaaneenaꞌone.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Qolaasiyaasi 3:11

Ebich and Giriikee ashoonaa Ayihudee ashoona geto, dokireetonaa dokireyaanoona geto, shiqqoonaa woheexi yaroona geto, guuchi yaroonaa doonji yaroona geti barittino aalloone; Kiristoosi bulli mooyone; bullinoo tookkiiniye.

2 Ximootiyoosi 3:11

ta duꞌoonoo, ta xuuxoonoo gaawichaꞌa beeggeto neene. Antsookaa, Iqooniyooninaa Lisxirinoochaa ta toommooch shaggiti duꞌoon ta haaꞌiyoon ariibeeto neene; Doono Yesuusiyoo ebi bulliichee taan wodiitone.