6 Ebiyee gubb, Qoophiroosee showoo bullin guuddii, Phaafi katemooch shaggiꞌi, Bariyaasi getteebeeti Ayihudee allaamoon daneheete; aroo koote keemechone.
“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.
Saaꞌooli Doono Yeerich gibeneyoo bi qajjitoyich qitiye. Doono Yeerichi getoon ceechaanoone. Beshoonoo qititi ashoona yibbaatee beeti waanee ciicoon qaawiye.
“Qaaxechi ure bi beegaata, kashoona bi beeyemmoyich daaggiyaahine.
“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.
Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.
Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.
‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.
“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.
Ebiyee gubb, Yesuusinaa bi dabbeenaꞌona Yaariki katemooch shaggiyeete. Wotta boonoshi dofee asheenaꞌona tookkii Yaariki katemoochee kechii boonoshi beetaa, Xemeyoosichi bushoo aaf dooge Barixemeyoosi, gijjoon qolleebee gommi gashooch kotee beehe.
Phawuloosinaa biinna tookkii beetinaꞌona markaboona, Phaafee tiyiꞌi, Fenfula beeti Feriga hammiyeete. Aroochee Yowannisi boonoshi waanee bariꞌi Yerusaalem wottee hammiye.
Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.
Eboshiyoommi asheenaꞌo Kiristoosichi mishiraachechinaꞌon shaahiya boonoshi qelloon shaddiibeeti koote mishiraachechinaꞌonaa dawushechi shuunechinaꞌonane.
Yaaneesinaa Yambareesina Muusichi mooyon happiya qiiccoommon, ebi asheenaꞌo tachii gaboon hakkaaneenaꞌo tuneꞌi dacheebee, Kiristoosi toommooch mullee tooꞌiyoochee dihitinaꞌo tuneꞌi, iberoon happiya qiiccee beetinaꞌone.
Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.
Cooxo yechehe; cooxo aafoochaa gaakkechi shuunoon bekkiibee, cooxochi malletoo geddetinaꞌon, biin shaahiitaa shuuneetoyich goyinnetinaꞌonoo muricciiti koote keemecho biinna tookkii yechehe. Gutteenaꞌoo kashoona beebee waageroo micciibeeti qaaqqee baharooch duppeheete.