Mishiraachechinaꞌo 13:5 - Kafa Linguistics Project

⁵ Salamiisi katemooch beebee, Ayihudeenaꞌo kiceebeeti kexooch giyiꞌi, Yeerichi qaaroon dojjiyeete. Arooba Yowannisi boonoshin deggii beehe.

Mishiraachechinaꞌo 13:5 ပူးပေါင်းရင်းမြစ်များ

1 Taateenaꞌo 19:21

Elisayiyoo bi hilloochee wottehe; gutte gattoon daammii guuriꞌi, meenon gattee qiicoona kiijjiye. Asheenaꞌoyichoo immiye; boonoshiyoo maaheete. Biyoo tiyiꞌi, Eliyaasin dabbii hammiye; biichoo maddehe.

1 Taateenaꞌo 19:3

Eliyaasiyoo shattiꞌi bi kasheen wodiyoyich, Yihudee showooch beeti Beershaab tiyii hammiye; bi aafee bushoon arooch echiihe.

2 Taateenaꞌo 3:11

Aroochee Yoshafaaxi, “Doono Yeerin biinna no echemmi, Doono Yeerichi keemecho hiniich aalle?” iꞌi echehe. Israꞌeelee taatoochi ginee iraasheenaꞌoochee ikkoo, “Eliyaasi kishooch aacon hakketi, Shafaaxi bushoo Elisayi hiniich beetone” iꞌi wochiye.

Keyo 24:13

Ebich Muusi Israꞌeelee ukkireenaꞌoyich ishichiye: “Ittoshi waan wottaa no waammi wottoon hiniich beebote. Harooninaa Huurina ittoshina tookkii beetinaꞌone; ittoshinaa ittoshina daggooch kaaro tiyigaata, boonoshi waan hambote” iye. Muusiyoo biin gaacheebeeti Yaasina tookkii Yeerichi guudi toommooch kecha tiyiye.

Maatiyoosi 20:26

Tunetaa ittoshi daggooch ebiyoommon tunaaye. Ittoshi daggoochee koniyoona ‘Oogoo tunebona’ ito, wochee bushoochoommon ittoshich shuunebe.

Mishiraachechinaꞌo 12:12

Pheexiroosi bi mullo yeshaa, meeti asheenaꞌo kiceeꞌi, Yeerin boonoshi qolleebeeti, Maariyami kexooch hammiye; hini are Maariyamiyoo Maariqoosi getteebeeti Yowannisi indeene.

Mishiraachechinaꞌo 12:25

Barnabaasinaa Sawulina boonoshi wocheeton bechiꞌi, Yerusaalemee Antsooka Maariqoosi getteebeeti Yowannisin yechiꞌi wotteheete.

Mishiraachechinaꞌo 13:14

Boonoshi wotta Ferigina besheꞌi, Fesidee showooch beeti Antsooka shaggiyeete. Arooch beebee, shambetooba boonoshi kiceebeeti kexooch giyiꞌi koteheete.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 14:1

Iqooniyoon beeti Ayihudeenaꞌo kiceebeeti kexooch Phawuloosinaa Barnabaasina tookkii giyiyeete; Yeerichi qaaroon kaachiꞌi boonoshi gettitoyich, Ayihudeenaꞌonaa Aageteenaꞌonochi daggoochee meeti asheenaꞌo boonoshi mulloon Yesuusi toommooch tooꞌiiheete.

Mishiraachechinaꞌo 15:37

Barnabaasiyoo Maariqoosi getteebeeti Yowannisi boonoshina tookki bi hammemmoyich qaawiye.

Mishiraachechinaꞌo 17:17

Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe.

Mishiraachechinaꞌo 18:4

Shambeti shambetooba Ayihudeenaꞌo kiceebeeti kexooch giyiꞌi, boonoshina tookkii yibbaatee beehe; arooch beeti Ayihudeenaꞌonaa Giriikeenaꞌona bi yibbaateebeeti mooyo iberoo bi tunoon boonoshi iberiyemmoyich qiiccee beehe.

Mishiraachechinaꞌo 19:22

Ebich biin deggiibeeti gutte asheenaꞌo Ximootiyoosinaa Erasxoosinon Makidoonee showooch daachiichii, aroo Isiyee showooch daakkiꞌi kotehe.

Mishiraachechinaꞌo 19:29

Katemoo bulli dulleehe; boonoshiyoo Makidoonee showoochee waati Gaayoosinaa Arsixirokoosina getteebeeti, Phawuloosina tookkii gommon shaꞌeebeeti asheenaꞌon manjii yechiꞌi, ikke mulloona iitee xaaꞌooch yongeheete.

Mishiraachechinaꞌo 19:8

Ebiyee gubb, Phawuloosi Ayihudeenaꞌo kiceebeeti kexooch giyiꞌi, aafoon kupphee gajjiteebee, keejje agen bedoon Yeerichi taatittineechon gettiye.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Qolaasiyaasi 4:10

Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.

2 Ximootiyoosi 4:11

Luqaasi baachiye taanna tookkii beeto. Maariqoosi shuunoona taan gaachaabeeto bi tunetoyich, biinoo yeshi wobe.