Mishiraachechinaꞌo 13:48 - Kafa Linguistics Project

⁴⁸ Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 13:48 ပူးပေါင်းရင်းမြစ်များ

Shoddo 138:2

Ne yaafee kexo waan goyinnemmo taane; ne shoodoonaa ne gibeneyoonoyich neen galletemmo taane; ne shigoonaa ne qaaroonon bulliyee beshoon ne oogiitoyich neen galletehoye.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Maatiyoosi 28:16

Ebiyee gubb, aaraa ikke Yesuusichi dabbeenaꞌo bi gettiti Galiilee showooch beeti geppooch hammiyeete.

Luqaasi 7:8

Ta wotta tayee dambeenaꞌoyich hajjeebeeto taane; tayee desh beeti ginee naayinaꞌo wotta taach hajjee beetinaꞌone. Ikkoon ‘Hambe’ ta getigaata, hammii beetone; baroon wotta ‘Wobe’ ta getigaata, waa beetone; ta guunonoo ‘Ebin tuniibe’ ta getigaata, tunii beetone” iye.

Yowannisi 10:16

Hini maggooch giyaani bare bageenaꞌo taach beetinaꞌone. Boonoshinoo wotta deebo taach qaawiihe; ta qaaroonoo waayemminaꞌone; ikke qiddoo boonoshin ikkochiree quyemmone.

Yowannisi 11:52

Bi qitemmo, shaceꞌi baribare showooch beeti Yeerichi bushiisheenaꞌon wotta ikkooch bi kicemmoyichalli, Ayihudeenaꞌoyich baach toonoone.

Mishiraachechinaꞌo 13:12

Arooba Qoophiroosee iraashoo tuneti mooyon beeggiꞌi, “Doono Yesuusichon ittoshi dojjiibeeti doyoo bulli manjoone” iꞌi worganeebee bi mulloon Yesuusi toommooch tooꞌiihe.

Mishiraachechinaꞌo 13:42

Phawuloosinaa Barnabaasina Ayihudeenaꞌo kiceebeeti kexoochee kechii beetaa, asheenaꞌo “Hini mooyon waabeeti shambetooba guttinnoon nooch getote” iꞌi qolleheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 15:31

Boonoshiyoo shemmeꞌi areexi ciicoona oogichii emiriyeete.

Mishiraachechinaꞌo 2:41

Aroochee Pheexiroosi gettiti yibbaatoon waayeꞌi, iberiitinaꞌo aacona afaalleeheete. Ebina keejje hum bede asheenaꞌo Yesuusichi asheenaꞌo toommooch daakkeeheete.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 20:13

Phawuloosi “Asoos beddaahaa baatoona hammemmo taane; ittoshi markaboona tayee shiichibote” iꞌi gettiye. Nowoo Asoosaa Phawuloosina daneꞌi tookkii hamoyich gabiyon. Ebich markaboona shiichaꞌa hammaa Asoos shaggehon.

Mishiraachechinaꞌo 22:10

“Tawoo ‘Ta Doonocho, aabichibote?’ iyo. “Doono taach, ‘Tiyiree Damaasiqa gibe; Yeeri ne tuniyemmoyich bi maacciti mooyo bullin aroochaa waayemmo neene’ iye.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 8:8

Ebich Shamaara beeti asheenaꞌo oogichii emiriyeete.

Roomi 11:7

Aroochee amo tunehe? Israꞌeeleenaꞌo boonoshi qaawiti mooyon daneyaaneenaꞌone; tunebaani kaachetinaꞌo daneheete; echetinaꞌochi mullo muumehe.

Roomi 13:1

Asho bulli biyee damba tuneti iraasheenaꞌoyich deꞌa gete. Ebiyoo Yeeri daaggaanoon iraashittino aallo bi tunetoyich, qeejjiibeeti iraasheenaꞌonoo iraashiito Yeeri bi tunetoyichiye.

Roomi 8:28

Yeerin shunnii beetinaꞌoyich, bi gaboommona Yeeri ceeggitinaꞌoyich tuneebeeti mooyo bulli gaaweto bi tunemmoyich Yeeri tuniyoon ariibeeto noone.

1 Qorontoosi 16:15

Ta maneenaꞌote! Isxifanoosinaa bi kechi asheenaꞌona Akaayee showoochee Kiristoosi toommooch mullee tooꞌiyoona qaabbeenaꞌo boonoshi tunoon, wotta kittinneenaꞌon gaacheya boonoshi qelloon beshiiꞌi immitinaꞌo boonoshi tunoon ariibeeto ittoshine.

Efesooni 1:11

Wotta Yeeri bi daaggoona shiichiꞌi bullin tuniiya gabiꞌi bi maaccitoommon, bi gaboommona, biicho no tunemmoyich Kiristoosina noon kaacciye.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

2 Tasaloonqi 3:1

Illa no maneenaꞌote! Ittoshi waan bi tunetoommon, Doonochi qaaro kaateree bi gaminnemmonaa bi oogemmonoyich nooch corootibote.