Mishiraachechinaꞌo 13:46 - Kafa Linguistics Project

⁴⁶ Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 13:46 ပူးပေါင်းရင်းမြစ်များ

Shaahiyoo 28:1

Gonde asho, koniyoona biin yoohaanoon wocciye; tunebaani cadiqo daaheroochoommon keqqaalloon beehe.

Isiyaasi 55:5

Israꞌeelee Yaafoo, ne Nuggishoo Doono Yeeri ta, neen ta oogiitoyich, ne ariyaani aageteenaꞌon ceeggemmo neene; neen ariyaani aageteenaꞌo ne waan wocibee woyemminaꞌone” iye.

Hiziqeeli 2:5

Hukkechinaꞌo boonoshi tunetoyich boonoshi waayetaa woyee waayo qajjitaa keemecho boonoshi daggooch bi beemon ariyemminaꞌone.

Maatiyoosi 10:6

Tunebaani bago aalloommon aalleti Israꞌeeleenaꞌo waan hambote.

Maatiyoosi 21:41

Boonoshiyoo wochiꞌi, “Hini gonde asheenaꞌon guuri ciichemmone; woyinee aafoonoo bi goori gooroona biich deebemmi bare quyechinaꞌoyich immemmone” iyeete.

Maatiyoosi 21:43

“Ebich ittoshich gettoye: Yeerichi taatittine ittoshi kishoochee tiijjaa bi aafoon aafeebeeti maccoyich icheyemmine.

Maatiyoosi 25:46

“Boonoshiyoo bulli yemeenee shiwerooch, cadiqeenaꞌo wotta shimaajji taatittineech giyiree bulli yemeenoon beeyemminaꞌone” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 1:11

Bi asheenaꞌo waan waahe; bi hajjee asheenaꞌo biin qajjiyeete.

Yowannisi 4:22

Ittoshi, ittoshi ariyaanoyich goyinneebeeto ittoshine; tunebaani no, no arii beetoyich goyinnaabeeto noone. Ebiyoo wodoo bi daneebeeto Ayihudeenaꞌo waanaa bi tunetoyichiye.

Mishiraachechinaꞌo 13:14

Boonoshi wotta Ferigina besheꞌi, Fesidee showooch beeti Antsooka shaggiyeete. Arooch beebee, shambetooba boonoshi kiceebeeti kexooch giyiꞌi koteheete.

Mishiraachechinaꞌo 13:26

“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.

Mishiraachechinaꞌo 13:5

Salamiisi katemooch beebee, Ayihudeenaꞌo kiceebeeti kexooch giyiꞌi, Yeerichi qaaroon dojjiyeete. Arooba Yowannisi boonoshin deggii beehe.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 3:26

Yeeri bi Bushoon kaacciꞌi, ittoshi ikkikkoon gonde ittoshi shuunoochee bi wochoona bi diiremmoyich, shiichiꞌi ittoshich deejjitone” iye.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Mishiraachechinaꞌo 9:20

Boonoshina tookkii beebee, Ayihudeenaꞌo kiceebeeti kexinaꞌoochaa Yesuusi Yeerichi Bushoo bi tunoon gettii beehe.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 2:10

Tunebaani gaawe mooyon tunii beetinaꞌo bullich, shiichiree Ayihudeenaꞌoyich, daakkiree Aageteenaꞌoyich, oogee yiiroonaa naadoona, diggoonoo tunemmone.

Yibbaatoo 32:21

Nuggishoo tuneyaani gaacaalleenaꞌoyich goyinnehote; qanaateree ta kaaremmoyichoo tuniihote. Ebich gaacaalli aagetoona ittoshin qanaatiyemmo taane; shalligaalli aagetoona ittoshin ippiyemmo taane.

Filipphisiyoosi 1:14

Kittinnoo tuneti maneenaꞌo daggoochee meetinaꞌo ta cucheyee naboona beshoon Doono Yeerin gibenetinaꞌone; shataanoonoo Yeerichi qaaroon getoyich aafichoyee beshoon aafoon kupphee beetinaꞌone.

Hibireena'o 11:34

qaaqqee giidoon aalliiheete; goraadoona qitoochee muricciyeete; hakka guuteenaꞌo boonoshi tunetaanoona kuppheheete; ginee koyoona kuppheenaꞌo tuneheete; bare showee ginee naayinaꞌon kochii yookkiyeete.