Mishiraachechinaꞌo 13:43 - Kafa Linguistics Project

⁴³ Kiceeti asho shaccetoyee gubb, Ayihudeenaꞌonaa Ayihudeenaꞌo waan wotteꞌi Yeerich qeyii beetinaꞌonochi daggoochee meeti asheenaꞌo Phawuloosinaa Barnabaasinon dabbiyeete. Phawuloosinaa Barnabaasina hini asheenaꞌon “Yeeri ittoshich immiti wojjoona manjiree beebote” iꞌi ciicciyeete.

Mishiraachechinaꞌo 13:43 ပူးပေါင်းရင်းမြစ်များ

Maatiyoosi 23:15

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Ikke uroon ittoshi waan wochoyich baharoonaa showoonon guuddiyote. Ashoon ittoshi danetoyee gubb ittoshi toommooch kindemmoyee beshe shiweree qaaqqee nalloon bi toommooch kindiihote.

Mishiraachechinaꞌo 11:23

Biyoo hammii Yeeri bi wojjoon hini asheenaꞌoyich bi imon beeggiꞌi emiriye; boonoshi bullin, ceeni mulloona manjiree, Doono Yesuusichoo gibeneeree boonoshi beeyemmoyich ciicciye.

Mishiraachechinaꞌo 13:50

Tunetaa Ayihudeenaꞌo “Yeerich qeyehone” ii beeti gaannechi genneenaꞌonaa katemeexi ogooge asheenaꞌonon kocciꞌi, Phawuloosinaa Barnabaasinochi toommooch kaaroon tiijjiꞌi, boonoshi showoochee kichiyeete.

Mishiraachechinaꞌo 14:3

Ebich Phawuloosinaa Barnabaasina Doono Yesuusichi mooyon aafoon kuppheꞌi gettiibee, arooch meeti agenoon koteheete. Doono Yesuusi boonoshi kishoona meeti worganikkiti malletoonaa gaakkechi shuunoonon bekkiibee, bi immemmi wojjeechon boonoshi gettiti wocho iberoo bi tunoon manjii beehe.

Mishiraachechinaꞌo 16:14

Kiceeꞌi waayeebeeti genneenaꞌo daggooch Liidi getteebeeti, Yeerich qeyaabeeti ikke ure beehan. Biyoo Tiyaxirooni katemoochee waaꞌa, aaxxe gatiyechi damere qoreddoon giixaa beetine. Arooba Phawuloosi gettii beeton manjiiree bi ellemmoyich, Yeeri bi mulloon qechiye.

Mishiraachechinaꞌo 17:17

Ebich Ayihudeenaꞌo kiceebeeti kexoochaa Ayihudeenaꞌonaa Yeerich qeyiibeeti bare asheenaꞌona tookkii, wotta bulli aaboon gabiyoochaa bi danemmi asheenaꞌona tookkii yibbaatee beehe.

Mishiraachechinaꞌo 17:34

Tunetaa ikkikke asheenaꞌo Phawuloosina tookkii ikkotteꞌi, boonoshi mulloon Yesuusi toommooch tooꞌiiheete. Eboshi daggooch Arifaagoos kiceeti Giriikee nallechinaꞌoochee ikkoo tuneti Diyonasiyoosi getteebeeti uro, wotta Demaariisi getteebeeti ikke ureenaa bareenaꞌona beetinaꞌone.

Mishiraachechinaꞌo 17:4

Ebich boonoshi daggoochee ikkikkeenaꞌo bi gettiti qaaroon iberiiꞌi Phawuloosinaa Sillaasina tookkii ikkotteheete; wotta Yeerich qeyiibeeti, meeti Giriikeenaꞌonaa are katemoochee aricheti genneenaꞌona boonoshina tookkii ikkotteheete.

Mishiraachechinaꞌo 18:7

Aroochee Ayihudeenaꞌo kiceebeeti kexoochee kechiꞌi, Titiyoos Yusxoosi getteebeeti, Yeerich qeyiibeeti uroo kexooch giyiye; bi kexoo Ayihudeenaꞌo kiceebeeti kechi gaꞌoochiye.

Mishiraachechinaꞌo 2:10

Firigee, Fenfulee, Gibitsee, Qereni gafee gaꞌooch beeti Liibiyee waati no, Roomee waati iibbe Ayihudo noonnaa Ayihudeenaꞌo waan wotteti noonna, Qerixeesee, Arabee showoocheenoo waati no, Yeeri shuuneti gaakkechi shuunoon no showi showee noonoona boonoshi yibbaatetaa waayaabeeto noone” iyeete.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

Roomi 11:6

Kaacceyoo Yeerichi wojjoona bi tunegaata ashi shuunoona toonoone getone. Ashi shuunoona bi tunemmo gaata, wojjoo ibere wojjoo bi tuno echetone getone.

Roomi 3:24

Yeeriyoo axaaxoochee biisheebeeti Kiristoos Yesuusina, baad cikki bi wojjoona boonoshin cadiqiyemmone.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Roomi 5:21

Illa axaaxoo qitee gommona bi taatetoommon, wotta Yeerichi wojjoo no Doono Yesuus Kiristoosichi naboona Yeeri nooch immiibeeti cadiqee gommona bulli yemeenee kashooch yaabiibee taatee beetone.

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

2 Qorontoosi 6:1

Illa Yeerina tookkii shuuneebeeto tunaꞌa ittoshin no qollaabeeto, ittoshi deqqiti Yeerichi wojjoon duuboon ittoshi tuniyaachemmoyichiye.

Galaati 5:1

Sheeroyich guunon tunee hajjeeꞌi beemoochee Kiristoosi noon biishee kichitone. Illa manjiree neexebote; wochinnoon guuchittinee waanjoona xandeyaahote.

Galaati 5:4

Sheeroon ceechoona cadiqiya ii beeti ittoshi Kiristoosiyee bariꞌi, bi wojjoochee kechiꞌi dihito ittoshine.

Efesooni 2:8

Bi toommooch ittoshi mullee tooꞌiyoona Yeeri bi wojjoona ittoshin wodiitone; ebiyoo bi immiti wojjoonalli ittoshi shuunoona toonoone;

Filipphisiyoosi 3:16

Tunetaa ebiich beddaahaa noon bechiti are gommona hambone.

Filipphisiyoosi 4:1

Oogichii shunnaa ta sharaataabeeti ta maneenaꞌote! Ta emiroonaa ta naadee gubbichoona ittoshine. Shucheti ta maneenaꞌote! Ittoshich ta gettetoommon ebiyoommon no Doono Yesuusina manjiree neexebote.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

Titoosi 2:11

Ebiyoo, asho bullin wodiyoon hakkemmi Yeerichi wojjoo bi gaxxeetoyichiye.

Hibireena'o 12:15

Koniyoona Yeerichi wojjoon qayiree gubb bi wotteyaachemmoyich, meetinaꞌon eeꞌiyemmi, caammiibeeti xepphoommi amee mooyolla kaama diciree kittinnee guuphon bi xuuxiyaachemmoyich,

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

1 Pheexiroosi 5:12

Ittoshin ciiccaabee, hini wojjoo ibere Yeerichi wojjoo bi tunoon ittoshich miixaabee, gibeneeti manoommon ta tuniiti Sillaasichi kishoona hini qamini wochoon ittoshich kooraa daachiibeeto taane. Ebi are Yeerichi wojjoona manjiree neexebote.

2 Pheexiroosi 3:14

Ebich ta shunechinaꞌote! Ebi mooyinaꞌon quyebee, Yeeri aafooch kiinaallo, bachaallo, tuneree mullee diggoona beebee ittoshi danemmoyich kupphebote.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

2 Yowannisi 1:9

Kiristoosi dojjiti doyoochee kechiꞌi baroo waan hammii beetonaa manjaanoonoyich Yeeri aalloone; Kiristoosi dojjiti doyoona manjii beetoyich Nihoo Yeerinaa bi Bushoona beetinaꞌone.