Mishiraachechinaꞌo 13:38 - Kafa Linguistics Project

³⁸ “Illa ta maneenaꞌote! Ittoshi axaaxoyich maaroon ittoshi danemmo Yesuusina tuno ittoshich bi getteyoon ariibote.

Mishiraachechinaꞌo 13:38 ပူးပေါင်းရင်းမြစ်များ

Shoddo 130:4

Tunebaani ne waan maaroo beetone; ebich oogoon neech immehone.

Shoddo 130:7

Bi shoodo bulli aabeecho tunetoyich, beshiti wodiyoo bi waan beetoyich, Israꞌeelo, Doono Yeerin gibenebe.

Shoddo 32:1

Bi xuꞌo echeti, bi axaaxoo oppeeti asho diireetone.

Erimiyaasi 31:34

Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.

Hiziqeeli 36:32

Ebin ta tuniyemmo ittoshicha getiree tunee bi qayo ittoshich arichebe. Israꞌeelee asheenaꞌote, ittoshi gommoyich yeelle cooneebote; ebin getteto Nuggishoo Doono Yeeri taane.

Daaneeli 3:18

Tunebaani taatoocho, noon wodiyoon bi qayi gaatoona, ne nuggisheenaꞌoyich goyinneyaachemmo, aachoochee shuuniyaꞌa ne neechiti misiloyichoo goyinneyaachemmo no tuno neech aricheton tunebe” iyeete.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Zakaariyaasi 13:1

“Ebiyooba Daawitichi kechi asheenaꞌonaa Yerusaalemi asheenaꞌonon axaaxoonaa eeꞌoonoochee xalliyemmi aachi xuupho qecheyemmone” iye.

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Mishiraachechinaꞌo 10:43

Wotta keemechinaꞌo bulli ‘Boonoshi mulloon bi toommooch tooꞌii beetinaꞌo bulli bi shigoona Yeer waanee axaaxee maaroon danemminaꞌone’ iꞌi miixetinaꞌone” iye.

Mishiraachechinaꞌo 2:14

Arooba Pheexiroosi aaraa ikkeenaꞌona tookkii neexeechii bi qaaroon oogichiꞌi ishichiye: “Ayihudeenaꞌote, wotta Yerusaalem beeti asheenaꞌote, ittoshi bulli hini mooyon ta getaa, ibere mulloona elle waayebote.

Mishiraachechinaꞌo 2:38

Pheexiroosi wochiꞌi, “Axaaxee gommoochee Yeer waan wottebote. Yeeri ittoshi axaaxoon bi maaremmoyich, ittoshi ikkikkoona Yesuus Kiristoosichi shigoona aacona afaalleebote; Yaafe Ayaanee wojjoon deqqemmo ittoshine.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

Mishiraachechinaꞌo 4:10

ittoshi yooddiiti, Yeeriyoo qitoochee bi tiijjiti, Naazireetechi Yesuus Kiristoosichi shigoona wodiꞌi ittoshi aafooch bi neexo ittoshi bullinaa Israꞌeeleenaꞌo bullinoyich aricheto tunebe. Biyoo,

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Qolaasiyaasi 1:14

Nowoo ebi bi Bushoona biisheeto noone; ebi getoo no axaaxoyich maaroon daneto noone.

Hibireena'o 8:6

Tunebaani and Yeeri gibenikkiti beshe gibenoona manjiti beshe wogoona Yesuusi shoobbecho bi tunetoommon, ebiyoommon Yeeri beshaa beshe qeeshee guudee maddoon biich immitone.

Hibireena'o 9:22

Sheerooch kooreetoommon, giisheche mooyoyee beshetaa bulli mooyo damoona xallehe. Damoo ufeyaanoon ashi axaaxoo maareyaache.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.