Mishiraachechinaꞌo 13:36 - Kafa Linguistics Project

³⁶ Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Mishiraachechinaꞌo 13:36 ပူးပေါင်းရင်းမြစ်များ

Halloo 3:19

Showoochee halleeto neene; ebich showooch wottemmo neene; ne kecheti showooch ne wottemmi wottoon, aayi caajjeree koshon maayemmo neene” iye.

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

1 Taateenaꞌo 2:10

Aroochee Daawiti qitii bi qaabbechinaꞌo waan xaꞌeeꞌi Daawiti Katemooch duukkehe.

1 Kiinoo 11:2

Besheti yemeenooch, Saaꞌooli taateꞌi beehooba, Israꞌeeleenaꞌon ginee koyee xaaꞌoochaa yaabito neene. Ne Nuggishoo Doono Yeeriyoo neech, ‘Ta asheenaꞌo tuneti Israꞌeeleenaꞌon qiddemmo neene; boonoshichoo iraashoo tunemmo neene’ itone” iyeete.

1 Kiinoo 17:11

Qitaꞌa ne qaabbechinaꞌo waan ne xaꞌeehooba, ne bushiisheenaꞌo daggoochee ikkoon taatiyemmo taane; bi taatittinoonoo manjiyemmo taane.

1 Kiinoo 18:14

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Kiinoo 29:28

Gaannoonaa oogoonon daneꞌi, geenee baayeꞌi qitiye. Bi bushoo Solomooniyoo bi xaaꞌooch kereeꞌi taatehe.

2 Kiinoo 12:16

Roboꞌami qitii bi qaabbechinaꞌo waan xaꞌeeꞌi Daawiti Katemooch duukkehe. Bi bushoo Abiyi bi xaaꞌooch kereeꞌi taatehe.

2 Kiinoo 21:1

Yoshafaaxi qitiꞌi bi qaabbechinaꞌo waan xaꞌeehe. Boonoshi duukketi, Daawiti Katemooch duukkehe. Bi bushoo Yehoraami bi xaaꞌooch kereeꞌi taatehe.

2 Kiinoo 26:23

Uziyaahi qitiꞌi bi qaabbechinaꞌo waan xaꞌeehe. “Qeddee shaddee biiyechone” iꞌi taateenaꞌochi oppee maashee gaꞌooch beeti xaaꞌooch biin duukkiyeete. Bi bushoo Yotaami bi xaaꞌooch kereeꞌi taatehe.

2 Kiinoo 9:31

Solomooni qitiꞌi bi qaabbechinaꞌo waan xaꞌeehe; bi nihoo Daawiti Katemooch duukkehe. Bi bushoo Roboꞌami bi xaaꞌooch kereeꞌi taatehe.

Iyoobi 17:14

Maashee oppoon, ‘Ta nihoocho’ ta meenon maayemmi hipperoonoo, ‘Ta indeene; ta maneene’ geti ceeggemmo taane.

Iyoobi 21:26

Boonoshi guttiyona qitii duukkeheete; hipperoo boonoshi qeddoon bullehe.

Shoddo 49:14

Bagoochoommon qitemminaꞌone; qiddoo quyoommon qitoo boonoshin quyemmone; okk hach getaanoon maash hammemminaꞌone; boonoshi ashittino oogee xaaꞌoochee daamaa, oppoochaa oqqemmone.

Shoddo 49:9

Maash hamaanoon bulli yemeenoon beemoyich, amoonolla bi qoccitaa bedaache.

Maatiyoosi 25:16

Uuche makilitoon deqqito daammii giixeꞌi bare uuche makilitoon shiijjiye.

Yowannisi 11:39

Yesuusi “Xaqqoon tiijji bayote” iye. Qititi uroochi manee Maaritti “Ta Doonocho, bi duukketo hanaach awudde qemone; and shaaꞌo qayaachemmone” iyan.

Mishiraachechinaꞌo 13:22

Biin bi kindiitoyee gubb, Daawiti boonoshi toommooch bi taatemmoyich kaacciye. Biichon ishichiꞌi miixehe: ‘Ta mullooch giyiti ashoon daneto taane; biyoo ta gaboo bullin ceechemmi, Iseyichi bushoo Daawitine’ iye.

Mishiraachechinaꞌo 2:29

“Ta maneenaꞌote! No qaabbechi Daawiti qitii duukkoon, bi duukketi masho hanaach beddaahaa hiniich beemonoo ittoshich xalla geton hakkiyoye.

Mishiraachechinaꞌo 20:27

Ebiyoo Yeerichi gaboochee amoonolla echiyaanoon bullin ittoshich ta gettetoyichiye.

Mishiraachechinaꞌo 7:60

Guteneꞌi, “Ta Doonocho, hini axaaxoon boonoshi toommooch haddiyaahine” iꞌi oogichii cookiye. Ishichiichii qitiye.

Mishiraachechinaꞌo 8:1

Arooba Sawuli “Asheenaꞌo Isxifanoosin boonoshi wuxoo tatoone” itone. Ebi arooba Yerusaalem beeti Yesuusichi asheenaꞌo toommooch oogeti duꞌo waahe. Mishiraachechinaꞌoyee damba Yesuusichi asheenaꞌo bulli Yihudee showoonaa Shamaaree showoonooch shaceheete.

1 Qorontoosi 15:18

Ishigaata, boonoshi mulloon Kiristoosi toommooch tooꞌiichii qititinaꞌo aalletinaꞌone getone.

1 Qorontoosi 15:6

Aree hillooch uuche balloyee beshe bi dabbeenaꞌoyich ikke wottoon bekkehe. Eboshi daggoochee meetinaꞌo hanaach beddaahaa kashoona beetinaꞌone; tunetaa ikkikkeenaꞌo qititinaꞌone.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.