Mishiraachechinaꞌo 13:34 - Kafa Linguistics Project

³⁴ Yeeri qitoochee bi tiijjito, guttinnoon qitiree bi ashittino oꞌaachemmoyichiye. Ebich Yeeri ‘ “Yaafeeti wojjoon neech immemmo taane” iyaꞌa Daawitich gibenikkito taane; hini are gibenoon iberoon ittoshich ceechemmo taane’ itone.

Mishiraachechinaꞌo 13:34 ပူးပေါင်းရင်းမြစ်များ

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Mishiraachechinaꞌo 13:30

Tunetaa Yeeri qitoochee biin tiijjiye.

Mishiraachechinaꞌo 13:33

Guttinnee yaafe shoddoochaa ‘Ne, ta Bushoo neene; hanaach neen shiyeto taane’ getaa bi kooreetoommon, Yeeri qitoochee Yesuusin tiijjiꞌi, hini bi gibenikkiti gibenoon boonoshi bushiishoo nooch ceechitone.

Mishiraachechinaꞌo 13:37

Tunebaani hini Yeeri qitoochee tiijjito bi meeno oꞌaanoone.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Roomi 6:9

Kiristoosi qitoochee bi tiyitoyee gubb, illa qitaachemmo bi tunoon, qitoo biin hajjaachemmo bi tunoonoo ariibeeto noone.