Mishiraachechinaꞌo 13:3 - Kafa Linguistics Project

³ Arooba coomii corootii boonoshi itoyee gubb, hini gutte asheenaꞌochi toommooch boonoshi kishoon kotiiheete. Aroyee gubb deennii daachiiheete.

Mishiraachechinaꞌo 13:3 ပူးပေါင်းရင်းမြစ်များ

Haddoo 27:23

Aroochee Doono Yeeri biich gettitoommon, bi kishoon bi toommooch kotiiꞌi ukkiriihe.

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Mishiraachechinaꞌo 1:24

ishichiꞌi corootiyeete: “Bullichi mulloon ariibeeti no Doonocho, Yihudi bi shuunoon deqqa hammiibee, duppii bi hammiti xaaꞌooch mishiraachechinaꞌona tookki bi shuunemmoyich ne kaacceton hini gutteenaꞌo daggoochee aabi gaata nooch bekkiibe” iyeete.

Mishiraachechinaꞌo 13:2

Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 13:4

Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.

Mishiraachechinaꞌo 14:23

Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete.

Mishiraachechinaꞌo 14:26

Aroochee wocheeton ciichiichii, shiichiꞌi Yesuusichi asheenaꞌo Yeeri bi wojjoona boonoshin bi quyemmoyich, biich boonoshi adereti, Sooriyee showooch beeti Antsooka markaboona hammiyeete.

Mishiraachechinaꞌo 15:40

Tunetaa Phawuloosi Sillaasin kaacciye; kittinnee maneenaꞌo Doonochi wojjoyich biin boonoshi aderetoyee gubb, kechii hammiye.

Mishiraachechinaꞌo 6:6

Eboshin mishiraachechinaꞌo aafooch deebii neechiyeete. Mishiraachechinaꞌo hini are kaacceti asheenaꞌoyich boonoshi corootitoyee gubb, kishoon boonoshi toommooch kotiiheete.

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.

1 Ximootiyoosi 4:14

Yeeri gettiti mooyo keemmee beetaa, kittinnee guuphi geeneenaꞌo ne toommooch boonoshi kishoon kotiihooba, neech icheꞌi ne toommooch beeti Yeerichi wojjoona shuuneyaanoon qajjaahine.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

2 Ximootiyoosi 1:6

Ebich neech ta shalligichaabeeto, ta kishoon ne toommooch ta kotiihooba ne daneti Yeerichi wojjoon qaaqqoon shoohoommon ne shookkemmoyichiye.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

3 Yowannisi 1:6

Boonoshiyoo hiniich kiceeti kittinnee guuphi asheenaꞌo aafooch neexeꞌi boonoshin ne shunon miixetinaꞌone. Andoo Yeerin ne emirikkemmoyich, boonoshi gommoyich shoho tunee ne gaachegaata, gaawe shuunoon shuunemmo neene.

3 Yowannisi 1:8

Ebich iberee shuunoon qoodeyecho no tunemmoyich, ebiyoommi asheenaꞌon no iibbiyoo bede mooyone.