Mishiraachechinaꞌo 13:25 - Kafa Linguistics Project

²⁵ Yowannisiyoo bi shuunoon ciicha beddiꞌi tiyii asheenaꞌon ‘Taan konine ii beetote?’ iꞌi echehe. ‘Ta, “Woyemmone” iꞌi ittoshi quyeebeeti uro toono taane. Tunebaani bi ta hillooch waa beetone; ta bi caammee cuyoon biishoyichona bedaano taane’ iye.

Mishiraachechinaꞌo 13:25 ပူးပေါင်းရင်းမြစ်များ

Maatiyoosi 3:11

“Tawoo axaaxee gommoochee Yeerichi gommooch ittoshi wottoon bekkiyoyich, ittoshin aacona afaalliibeeto taane; tunebaani bi caammoonolla shaagoyich ta bedaano ta hillooch waabeeto, tayee beshe kupphoone; aroo Yaafe Ayaanoonaa qaaqqoona ittoshin afaallemmone.

Maariqoosi 1:7

Wotta arooba “Yittaꞌa bi caammee cuyoon biich ta bedaani tayee besho ta hillooch waa beetone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 1:34

Tawoo ebin ta aafoona beeggeto taane; biyoo Yeerichi Bushoo bi tunoon miixeto taane” iye.

Yowannisi 1:36

Neexeebee, Yesuusin hammii bi beetaa beeggiꞌi, “Ebiyoche, Yeerichi Bago!” iye.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Yowannisi 7:18

Bi qellee gaboona gettiibeeto, ashi waanee oogoon qaawiibeeti ashoone; tunetaa biin wocheton oogiiya qaawiibeeto, aroo ibere moochechone; xummittino bi mullooch aalloone.

Mishiraachechinaꞌo 13:36

Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.

Mishiraachechinaꞌo 19:4

Phawuloosiyoo “Yowannisi biyee gubb woyemmi Yesuusi toommooch mulloon boonoshi tooꞌiyemmoyich are asheenaꞌoyich gettiibee, axaaxee gommoochee Yeer waan boonoshi wottoon bekkiibeeti afaallooniye aacona bi afaallito” iye.

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

2 Ximootiyoosi 4:7

Gaaweti qiiccoon qiicceto taane; ciirooch beddaahaa dihaanoon wocceto taane; Kiristoosi toommooch mullee tooꞌiyee doyoonoo manjiiꞌa quyeto taane.

Yaaꞌoo 11:7

Miixee boonoshi ciichitoyee gubb, oppee hoonoochee kechemmi cooxo boonoshina koyemmone; boonoshin koyi wochemmone; wuxishoo gettemmone.