Mishiraachechinaꞌo 13:23 - Kafa Linguistics Project

²³ “Wotta ‘Hini uroochi yaroochee Israꞌeeleenaꞌoyich wodiyecho tunemmo kechemmone’ iꞌi bi gibenikkiti gibenoona Yesuusi waatone.

Mishiraachechinaꞌo 13:23 ပူးပေါင်းရင်းမြစ်များ

2 Saameeli 7:12

Qitaꞌa ne qaabbechinaꞌo duukketooch ne duukkehooba, ne gutenoochee kechiti ne bushoon taatiyemmo taane; bi taatittinoonoo manjiyemmo taane.

Shoddo 132:11

Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 43:11

Ta, Doono Yeeri taane; tayee besh wodiyecho aalloone.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Isiyaasi 7:13

Isiyaasiyoo ishichiye: “Daawitichi yareenaꞌote, waayebote. Ashoon ittoshi taahiito giishetaa wotta ta Nuggishoon taahiiya iyote?

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Amootsi 9:11

Doono Yeeri ishichiye: “Ebi arooba, kexo dihoommon dihiti Daawitichi taatittinoon tiijji neechemmo taane; tiisheti uxeroon wochinnoon uxereree andiriyemmo taane; wochinnoon hagiree wonnee bi goorooch wochemmo taane.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 1:1

Abrahamichi bushoonaa Daawitichi bushoona tuneti Yesuus Kiristoosichi shiijjee yoodo ebine:

Maatiyoosi 1:21

Anaami bushoon shiyemmine; aroo bi asheenaꞌon boonoshi axaaxoochee wodiyemmo bi tunetoyich, bi shigoon Yesuusi getiree shigiyemmo neene” iye.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Maatiyoosi 22:42

“Kiristoosichon amoon gabii beetote? Bi konichi bushoone?” iꞌi echehe. Boonoshi wochiꞌi, “Daawitichi bushoone” iꞌi wochiyeete.

Yowannisi 4:42

Ureyichoo “And no mulloon bi toommooch no tooꞌiito, ne noonoochee no waayetoyich toonoone; no qelloona no bi noonoochee waayaꞌa, iberoon alemooch beetinaꞌo bullin Wodiyecho bi tunoon no ariitoyichiye” iyeete.

Yowannisi 7:42

Yaafe Macaafoochaa ‘Kiristoosi taatoo Daawiti yaroochee, Daawiti beebee echeti katemoo Beetilehemee kechemmone’ getteyaache?” iyeete.

Mishiraachechinaꞌo 13:32

“Ebich Yeeri qaabbechinaꞌoyich bi gibenikkiti mishiraachee qaaroon ittoshich getta waato noone.

Mishiraachechinaꞌo 2:30

Tunetaa Daawiti kashoona beebee, keemecho bi tunetoyich, Yeeri ‘Ne yaroochee ikkoon ne taatee qeenooch kotiyemmo taane’ iꞌi bi wogeti wogoon bi ariitoyich,

Mishiraachechinaꞌo 3:26

Yeeri bi Bushoon kaacciꞌi, ittoshi ikkikkoon gonde ittoshi shuunoochee bi wochoona bi diiremmoyich, shiichiꞌi ittoshich deejjitone” iye.

Mishiraachechinaꞌo 4:12

“Wodoo baroo koni waaneenona daneyaache; noon wodiyoon hakkemmo, asheenaꞌoyich Yeer waanee icheti shigo shimaayoyee desh baroo aalloone” iye.

Roomi 1:3

Ebi mishiraachoo Daawiti yaroochee meenona shiijjeti, yaafittinee Ayaanoona qitoochee bi timona Yeerichi Bushoo bi tuno ooge giidoona bekketi, Yeerichi Bushoo no Doono Yesuus Kiristoosichone.

Roomi 11:26

Ebiyoommon Yeeri Israꞌeeleenaꞌo bullin wodiyemmone. Ishichaa bi kooreetoommon: “Wodiyecho Tsiyoonee keyiree, Yaaqobichi yareenaꞌo daggoochee axaaxittinoon wokkiyemmone.

Titoosi 1:4

Kiristoos Yesuusi toommooch mulloon no tooꞌiyoona ibere ta bushoo tuneti Titoosich: Nihoo Yeerinaa noon Wodiyechi Kiristoos Yesuusina waanee wojjoonaa diggoona neech tunebe.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

2 Pheexiroosi 1:11

Ebina no Doononaa noon Wodiyechonon tuneti Yesuus Kiristoosichi bulli yemeenee taatittineech gimi hakkoo ittoshich ichemmone.

2 Pheexiroosi 2:20

No Doononaa noon Wodiyechona tuneti Yesuus Kiristoosin ariiꞌi, hini alemee eeꞌe shuunoochee boonoshi kechitoyee gubb, wochinnoon are eeꞌe shuunoona olleeꞌi boonoshi yechegaata, aafi boonoshi beemoyee beshoon gubbi beemo sheeqqito tunemmone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 4:14

Nihoo Yeeri bi Bushoon hini alemooch beetinaꞌon Wodiyecho bi tunemmoyich wochee bi deejjoon beeggeto noone; ebich miixaabeeto noone.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.