Mishiraachechinaꞌo 13:2 - Kafa Linguistics Project

² Eboshi coomiꞌi Doonoch goyinnee boonoshi beetaa, Yaafe Ayaano “Barnabaasinaa Sawulinon ta ceeggeti shuunoyich bariibote” iye.

Mishiraachechinaꞌo 13:2 ပူးပေါင်းရင်းမြစ်များ

1 Kiinoo 16:4

Daawitiyoo Doono Yeerichi taabootee aafoochaa boonoshi maddemmoyich, Israꞌeelee Nuggishoo Doono Yeerin boonoshi oogiyemmoyich, boonoshi galletemmonaa naademmonoyich ikkikke Leweenaꞌon ukkiriihe.

Daaneeli 9:3

Ebich dookoon tahaa, tullee toommooch kotaꞌa, coomii, corootii, qollaabee ta aafoon ta Doono, ta Nuggishoo waan wochiyo.

Maatiyoosi 17:21

[Coomii corootaanoon, ebiyoommi yinnoon yooho cir hakkeyaache]” iye.

Maatiyoosi 6:16

Daakkiꞌi Yesuusi ishichiye: “Ittoshi coomii beegaata, boonoshi maacoon xalloo shaahiibeeti asheenaꞌochoommon muusheneyaahote. Boonoshiyoo coomecho boonoshi tunoon asheenaꞌo beeggemmoyich boonoshi achoon shiimeyaaneenaꞌone. Iberoon ittoshich gettoye: Boonoshi shuunoon deqqitinaꞌone.

Maatiyoosi 9:38

Illa maayi Doono qecceyemmi maayo beeti budooch qeciree kicemminaꞌon bi daachiyemmoyich corootibote” iye.

Luqaasi 10:1

Ebiyee gubb, Doono Yesuusi aaraa gutte bi dabbeenaꞌoyee bare shabaa gutteenaꞌon ukkiriihe; gutti guttoo tuniiꞌi, bi hammemmi katemoonaa gafoo bullinooch biyee shiichiree boonoshi shaggemmoyich daachiihe.

Luqaasi 2:37

Ebiyee gubb, bi eeno shinnaa awudde nato beddimmi wottoon xuumee tunaꞌa beebee geenahan; xumoonaa areddoonon coomoonaa corootoona Yeerichi maddaabee, yaafee kexoochee baraa ariyaaneene.

Mishiraachechinaꞌo 10:19

Areegaata Pheexiroosi koteꞌi bi beeggiti yaaꞌoon gabii bi beetaa, Yaafe Ayaano “Ebiyoche, keejje asheenaꞌo neen qaawii beeteete.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 13:3

Arooba coomii corootii boonoshi itoyee gubb, hini gutte asheenaꞌochi toommooch boonoshi kishoon kotiiheete. Aroyee gubb deennii daachiiheete.

Mishiraachechinaꞌo 13:4

Ebich Barnabaasinaa Sawulina Yaafe Ayaanoona wocheeꞌi baharee gashooch beeti Seleeqi katemooch hammiyeete. Aroochee markaboona Qoophiroos hammiyeete.

Mishiraachechinaꞌo 14:26

Aroochee wocheeton ciichiichii, shiichiꞌi Yesuusichi asheenaꞌo Yeeri bi wojjoona boonoshin bi quyemmoyich, biich boonoshi adereti, Sooriyee showooch beeti Antsooka markaboona hammiyeete.

Mishiraachechinaꞌo 20:28

Yaafe Ayaano yaabii qeejjechi geeno tuniiꞌi ittoshin ukkiriitone; illa ittoshi qellich, wotta qiddoo bi bagoon bi quyoommon Yeerichi asheenaꞌon shiimeꞌi quyoyich, ittoshi qelloon ariibote! Bi hajjee damoona bi biisheti Yeerichi kittinnee guuphon quyebote.

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Mishiraachechinaꞌo 6:4

No, corootoonaa Yeerichi qaaroon dojjoonoyich no mulloon ikkochibone” iyeete.

Mishiraachechinaꞌo 8:29

Arooba Filipphoosin Yaafe Ayaano “Gaari toommooch beeti uro waan giddebe” iye.

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:1

Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 10:15

Wocheyaanoon aabichiree getteheete? Ebiyoo “Mishiraachee qaaroon gettiibeeti asheenaꞌochi womo am shaahoon emirikkitone” getaa bi kooreetoommoniye.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

1 Qorontoosi 12:11

Ebi bullin shuuneebeeto, are ikke Yaafe Ayaano baachiye. Are Yaafe Ayaano bi hajjee daaggoonane kittinneenaꞌoyich boonoshi qelli qelloona wojjoon bi qoodii beeto.

1 Qorontoosi 7:5

“Giisheche aabee wottoon corootibone” ii echeeꞌi ittoshi tuniiti aaboyee besh, ittoshinaa ittoshina woonneyaahote. Qellee hakkee qayona Sheexaanoo ittoshin bi dachaachemmoyich, wochinnoon ikkottebote.

2 Qorontoosi 11:27

Wodde aayonaa yulloona, wodde wottoon tokketee muccoona, shaacoona, shachewoona, beeho; abete kashoona qeyaa heecheto taane; ta tahemmo aalletaa wodde wottoon aqqoo taan wuxitone.

2 Qorontoosi 6:5

Yexxeto noone; cucheto noone; dofee asheenaꞌo no toommooch caagee boonoshi tiyaa iriteeto noone; shuunoona maraateto noone; tokketoon mucceto noone; shaaceto noone.

Galaati 1:15

Tunebaani ta indee maacooch ta beetaa taan biich bariiꞌi bi wojjoona taan ceeggito Yeerine.

Efesooni 3:7

Yeeri bi hakkoona bi shuunetoommon taach bi immiti wojjoona mishiraachee qaaroon getoyich Kiristoosichi maddecho tunehoye.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Qolaasiyaasi 4:17

Arikiphaasichoo “ ‘Ne shuunemmoyich Doono neech bi immiti maddoon ceechoyich ne qelloon ariibe’ itone” getote.

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.

2 Ximootiyoosi 4:11

Luqaasi baachiye taanna tookkii beeto. Maariqoosi shuunoona taan gaachaabeeto bi tunetoyich, biinoo yeshi wobe.

2 Ximootiyoosi 4:5

Tunebaani ne, bulli mooyona ne qelloon quyebe; xuuxo shagiyooba kupphebe; mishiraachee qaaroon getonoo kuxxaaye. Kiristoosich maddoyich ne waanee qaaweemmi mooyo bullin ceechiree maddebe.

Hibireena'o 5:4

Haroonin qeeshee guudo bi tunemmoyich kaaccito, Yeerine; Yeeri kaaccitoyee beshetaa, koniyoona qeeshee guudoon tunee oogoon bi qellich qaawi danemmo aalloone.

1 Saameeli 2:11

Aroochee Eliqaani Raama beeti bi kexooch wotteꞌi hammiye. Tunebaani bushoo Saameeli Shilooha echeꞌi, qeeshoo Eeli aafooch tunee, Doono Yeerich maddee beehe.