Mishiraachechinaꞌo 13:12 - Kafa Linguistics Project

¹² Arooba Qoophiroosee iraashoo tuneti mooyon beeggiꞌi, “Doono Yesuusichon ittoshi dojjiibeeti doyoo bulli manjoone” iꞌi worganeebee bi mulloon Yesuusi toommooch tooꞌiihe.

Mishiraachechinaꞌo 13:12 ပူးပေါင်းရင်းမြစ်များ

Maatiyoosi 27:54

Areegaata balle ginee iraashoonaa biinna tookkii Yesuusin quyee beetinaꞌona showee qewoonaa tuneti mooyonon beeggiꞌi, “Iberoon hini uro Yeerichi Bushoone!” iꞌi oogichii shattiyeete.

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Luqaasi 7:16

Asheenaꞌo bulli oogichii shattiꞌi boonoshinaa boonoshina “Yeeri ooge keemechon no daggoochee kaacciꞌi neechitone” iyeete. Wotta “Yeeri bi asheenaꞌon ciinnitone” iibee Yeerin galleteheete.

Yowannisi 7:46

Kellechinaꞌoo “Hini uroochoommon koniyoona yibbaatee ariyaanoone” iꞌi wochiyeete.

Mishiraachechinaꞌo 13:48

Aageteenaꞌo ishin waayeꞌi, emiriibee Doono Yeerichi qaaroon oogiiheete. Yeeri bulli yemeenee kashoon boonoshi danemmoyich, bi kaaccitinaꞌo bulli boonoshi mulloon Yesuusi toommooch tooꞌiiheete.

Mishiraachechinaꞌo 13:49

Ebich Doonochi qaaro are showoo bulliich gaminniye.

Mishiraachechinaꞌo 13:7

Bi beetoo, Sarigiyoos Phawuloosi getteebeeti mullechi, Qoophiroosee iraashoona tookkiiniye. Hini iraashoo Barnabaasinaa Sawulina waanee Yeerichi qaaroon waayoyich boonoshin bi kexooch ceekkiihe.

Mishiraachechinaꞌo 13:8

Tunebaani Bariyaasi woyee Giriikee noonoona Elimaasi getteebeeti allaamoo, hini Qoophiroosee iraashoo mishiraachee qaaroon bi iberiyaachemmoyich, Phawuloosinaa Sillaasinochi yibbaatoon kootiiya qiiccehe.

Mishiraachechinaꞌo 15:35

Tunebaani Phawuloosinaa Barnabaasina bare meeti asheenaꞌona tookkii Doonochi qaaroon dojjiibee, gettiibeenoo Antsooka koteheete.

Mishiraachechinaꞌo 15:36

Giisheche aaboyee gubb Phawuloosi tiyiꞌi Barnabaasin “Eke wotteree, Doonochi qaaroon no getteti katemeenaꞌooch beeti asheenaꞌon hamiree beegone. Aabichiꞌi boonoshi beeto gaata ariibone” iye.

Mishiraachechinaꞌo 18:12

Arooba Gaaliyoosi Akaayee showee iraashoo tuneꞌi bi beetaa, Ayihudeenaꞌo ikkotteꞌi waa Phawuloosin yechiyeete. Nallee gabberooch koteti nallechinaꞌo waan daammiyeete.

Mishiraachechinaꞌo 19:10

Phawuloosi Isiyee showooch beeti Ayihudeenaꞌonaa Giriikee asheenaꞌo bullina Yeerichi qaaroon boonoshi waayemmi wottoon, gutte natt bedoon eechii beehe.

Mishiraachechinaꞌo 19:20

Ebiyoommi gommona Doonochi qaaro gaminnii, wudoonoo danee hammiye.

Mishiraachechinaꞌo 19:38

Illa Demexiroosinaa biinna tookkii beeti gooshukkeenaꞌona boonoshi taggemmi asho bi beegaata, nallechinaꞌo nalliibeeti aabo beetone; arooba waaree taggebeete.

Mishiraachechinaꞌo 19:7

Ebi asheenaꞌo bulla aaraa gutta bedeenaꞌone.

Mishiraachechinaꞌo 28:7

Aree gaꞌooch are buure showee iraashoo Foofiloosi gettee beetochi showoo beehe. Aroo noon iibbiiꞌi emiroona keejj qeejjiye.

Mishiraachechinaꞌo 6:10

Tunetaa bi gettiibeeti ariyoonaa Ayaanoonon habbiyoon hakkaaneenaꞌone.

Mishiraachechinaꞌo 8:25

Pheexiroosinaa Yowannisina asheenaꞌoyich manjiiꞌi boonoshi miixetonaa Doonochi qaaroon boonoshi gettitonoyee gubb, Yerusaalem wotteebee Shamaaree showooch beeti meeti katemooch mishiraachee qaaroon gettiyeete.