Mishiraachechinaꞌo 13:11 - Kafa Linguistics Project

¹¹ Andoo Doono magge mooyon ne toommooch deebemmone; aaf doogo tunemmo neene; aabee bekkoon ikke wotteenolla beegaachemmo neene” iye. Bekkech areegaata bi aafo quboochoommon kaappii manderehe; aroochee bi kishoona yeshi yaabemmi ashoon shafee qaawiye.

Mishiraachechinaꞌo 13:11 ပူးပေါင်းရင်းမြစ်များ

Halloo 19:11

Aroochee maaxona beeti asheenaꞌon, giishoochee oogooch beddaahaa, bullichi aafoon daayiiheete; ebich kechi kelloon daneya qaawiibee mucceꞌi maraateheete.

2 Taateenaꞌo 6:8

Sooriyee taatoo Israꞌeeleenaꞌona koyee beehe. Bi ginee iraasheenaꞌona tookkii echeeꞌi, “Ebi, ebi xaaꞌooch ta kaamboon gedi kotemmo taane” iye.

Iyoobi 19:21

“Ta nuucheenaꞌote, taach ariqqebote; Yeerichi kishoo taan bi yexxitoyich, taach ariqqebote.

Shoddo 32:4

Areddoon tuneba xumoon, ne kishoo ta toommooch bi maggetoyich, qaawee gaamoo shuuꞌiiti mooyochoommon, ta hakkoo shoohimiye.

Shoddo 38:2

Ne shango taan kochitone; ne mochoo taan kephetone.

Keyo 9:3

Doono Yeeri ta mochoo gaddooch beeti ne gijjoo bullin, eboshiyoo ne haresheenaꞌonaa kureenaꞌonon, ne gaaleenaꞌonaa miiminaꞌonon, ne bageenaꞌonaa emmisheenaꞌonon, giidechi naxoona yexxemmone.

Isiyaasi 29:10

Doono Yeeri tokketee ayaanoon ittoshi toommooch minjitone; keemechinaꞌo aafoon kaappitone; yaaꞌoon beeggii beetinaꞌochi qelloon oppetone.

Yowannisi 9:39

Yesuusiyoo “Ciinaaneenaꞌo ciinaa, ciinnii beetinaꞌo doogaa, nalloona boonoshi barbaremmoyich, ta hini alemooch waato taane” iye.

Mishiraachechinaꞌo 9:17

Ebich Hanaani hammiꞌi are kexooch giyiye; Sawuli toommooch bi kishoon kotiiꞌi, “Ta manoo Sawulo! Wochinnoon ne aafo ciinnemmonaa Yaafe Ayaanoona ne ceennemmonoyich, ne waan Doono taan deejjitone. Biyoo hiniich ne waa beetaa, gommoochaa neech bekketi Yesuusine” iye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Hibireena'o 10:31

Beeyechi Yeerichi kishooch dihoo am shaahe shattiiti mooyone!

2 Pheexiroosi 2:17

Eboshi gaacaalli, shuuqqiti aachi xuuphoomminaꞌone; yubee yongo yongeꞌi shaccii aalliibeeti quboomminaꞌone; boonoshinoo dunne manderoo quyee beetone.

1 Saameeli 5:11

Yeeri boonoshin oogichiꞌi bi naxetoyich, wotta qitoo katemoo bullin woddiiꞌi bi keqqichitoyich, asheenaꞌo Filsixeemee taateenaꞌo bullin ceeggii kiciꞌi ishichiyeete: “Israꞌeelee Nuggishoochi taabootoon daachiibote; noonnaa no asheenaꞌonon bi wuxaachemmoyich, bi xaaꞌooch wottebe” iyeete.

1 Saameeli 5:9

Arooch boonoshi daammitoyee gubb, Doono Yeeri are katemeexi asheenaꞌon naxehe. Boonoshi toommoochoo oogeti keqqoon deebiye. Giisho oogoo getaanoon, are katemeexi asheenaꞌo toommooch gaabee biiyoon deebiꞌi boonoshin yexxiye.