Mishiraachechinaꞌo 12:7 - Kafa Linguistics Project

⁷ Bekkech Doonochi maraakoo bekkehe; cuyee kexoochoo bekko bekkehe. Hini are maraakoo Pheexiroosin shuurikkii tiijjiꞌi, “Kaate tibe” iye. Bekkech Pheexiroosi cucheti sansalato bi kishoochee holliye.

Mishiraachechinaꞌo 12:7 ပူးပေါင်းရင်းမြစ်များ

2 Saameeli 22:29

Doono Yeero, ne ta ceechoo neene; ta Nuggishoo ta manderoon bekkii beetone.

1 Taateenaꞌo 19:5

Biyoo are michi baatooch teeqqehe; tokketoo biin yechiye. Diqqoona maraakoo biin shuurikkiꞌi biich, “Tiyiree mame” iye.

1 Taateenaꞌo 19:7

Doono Yeerichi maraakoo wochinnoon waa, biin shuurikkiꞌi, “Ne hammemmi gommo woho bi tunetoyich, tiyiree mame” iye.

Shoddo 107:14

Manderoochee, dunne manderoocheenoo boonoshin kichiye; boonoshi qoqqaannoonoo boonoshich tiichiye.

Shoddo 116:16

Doono Yeero, ne guuno taane; ne gonneechi bushoo ne guuno taane; ta cuyoon biichetine.

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 34:7

Doono Yeerin shattii beetinaꞌochi guudoona bi maraakoo kotemmone; boonoshinoo wodiyemmone.

Shoddo 68:6

Yeeri shiqqoon shiishecho tuniyemmone; qoppeenaꞌo biicheree emiroona boonoshi beeyemmoyich tuniyemmone; tunebaani hukkechinaꞌo michiibeeti barahooch beeyemminaꞌone.

Isiyaasi 37:30

“Hiziqiyaaso, ebi neech malletoo tunebe: Hini natooch bi aalla colleton, gubbi natooch bi ochoon maayemmo ittoshine; aroochee keejjinnee natooch maayoon shoohiree qeccemmo ittoshine; woyinoonoo bechiree, bi aafoon maci maayemmo ittoshine.

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Erimiyaasi 40:1

Yerusaaleminaa Yihudee showoonoochee Baabloonee showooch kecaa hammii beetinaꞌona tookkii sansalatoona biin cuchii bi daamiyooba, quyee naayinaꞌochi iraashoo Naabuzaridaani Raamaa Erimiyaasin bi biichitoyee gubb, Doono Yeeri bi qaaroona Erimiyaasich gettiye.

Hiziqeeli 43:2

Aroochee Israꞌeelee Nuggishoo Yeerichi oogee yiiroo aabi-keyo waanee waahe; bi qaaro ooge aacochoommon buugii beehe; bi oogee yiiroochee tiyitona showoo aaxxee bekkehe.

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Daaneeli 6:22

Bi aafoochaa xalloo tunaꞌa ta danetoyich, ne aafoochaanoo ta tuniiti xuꞌo aallo bi tunetoyich, ta Nuggishoo bi maraakoon deejjiꞌi daahereenaꞌochi kookkoon bi hiccitoyich, taan amoonolla hallaaneenaꞌone” iye.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Imbaaqoomi 3:11

Awureebee kindiibeeti ne shangee conjoochee, wacciibeeti ne ginee aaxxoochee tiyitona, aabeenaa ageneena boonoshi beetooch neexee doojjiyeete.

Imbaaqoomi 3:4

Bi waa beegaata, xeeyo phaqqoommon phaqqii beetone; bi giidoo qereeꞌi beeti bi kishoochee, bekko koojjii bekkee beetone.

Maatiyoosi 2:13

Xojjenee hiddechinaꞌo hammitoyee gubb, Doonochi maraakoo gumona daneꞌi, Yooseefin “Heroodisi hini gaggere bushoon wuxiyoyich qaawii beetone; ebich tiyiree gaggeroonaa bi indeenon yeshiree, Gibits maxxebe; neech ta gettemmi wottoon, arooch kotebe” iye.

Luqaasi 2:9

Doonochi maraakoo ebi qiddeenaꞌoyich bekkehe; Doonochi oogee yiiree bekko boonoshi guudoona waccii bekkehe; boonoshiyoo oogichii shattiyeete.

Luqaasi 24:4

Ebichi naboyich boonoshi shaammii beetaa, diqqich gutte asheenaꞌo phaqqiibeeti tahoon taheꞌi boonoshi gaꞌooch neexeheete.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

Mishiraachechinaꞌo 12:6

Taatoo Heroodisi “Pheexiroosin yaach asheenaꞌo aafooch kichibona” iꞌi bi gabiti xumich, Pheexiroosi cuyee kexooch bi yoochinaa bi qanninooch gutte ginee naayinaꞌona tookkii sansalatoona qoqqaaneeꞌi beebee, tokketoo biin yeshaa tokketehe. Wotta kellechinaꞌo kellooch cuyee kexon quyee beeheete.

Mishiraachechinaꞌo 12:8

Aroochee maraakoo “Edderee ne caammoon gede” iye. Pheexiroosiyoo biich getteton tuniihe. “Ne tahoon taheree taan dabbibe” iye.

Mishiraachechinaꞌo 16:26

Aroochee diqq cuyee kexo shuurimmi wottoon, oogeti showee qewo tunehe. Bekkech cuyee kechi kelleenaꞌo bulli qecheeheete; cuchetinaꞌo bullichi cuyo biishehe.

Mishiraachechinaꞌo 2:24

Tunebaani Yeeri qitee maaxoon aalliiꞌi, qitoochee biin tiijjiye; ebiyoo qitoo biin yechii neechoon hakkoo bi qajjitoyichiye.

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

Mishiraachechinaꞌo 9:3

Aroochee hammiibee Damaasiqa bi katinnimmona, diqq shimaayoochee bekko bi guudoona waccii aaxxehe.

Hibireena'o 1:14

Maraakeenaꞌo bulliyoo Yeeri wodiyemmi asheenaꞌon boonoshi gaachemmoyich wochee beetinaꞌo, Yeerichoo maddeebeeti ayaaneenaꞌo tooneenaꞌone?

Yaaꞌoo 18:1

Ebiyee gubb, ooge hakkechi bare maraakoo shimaayoochee kindii beetaa beeggeho; bi oogee yiiroochee tiyitona showee toommooch bekko tunehe.