Mishiraachechinaꞌo 12:3 - Kafa Linguistics Project

³ Ebina Ayihudeenaꞌo emiroon beeggiꞌi, daakkii Pheexiroosin wotta yechiihe. Ebi tuneto, Shittoo Giyaani Kochi Baaroobane.

Mishiraachechinaꞌo 12:3 ပူးပေါင်းရင်းမြစ်များ

Shoddo 76:10

Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

Keyo 23:15

Shittoo Giyaani Kochi Baaroon baaribe. Abiibi agenooba Gibitsee ne kechetoyich, neech ta gettetoommon, ebi are agenooch maacheeti baaree aabooba, shabaatte qemon shittoo giyaani koshon mame. “Koniyoona shokke kishoon ta aafooch giddaaye.

Maatiyoosi 26:17

Shittoo Giyaani Kochi Baaree batti batti aabooba bi dabbeenaꞌo Yesuus waan giddeꞌi, “Beshee Baaree maayoon ne maayemmoyich aabiich no qanniyoon shunnenne?” iꞌi echeheete.

Yowannisi 12:43

Ebiyoo Yeeri boonoshin oogiyoyee beshoon asho boonoshin oogiyemmoyich boonoshi qaawitoyichiye.

Yowannisi 19:11

Yesuusiyoo wochiꞌi, “Yeeri daaggaan gaata, ta toommooch amoonolla tuniyoon hakkaachesho neene; ebich neech taan beshiiꞌi immitochi axaaxoo beshoone” iye.

Yowannisi 21:18

Iberoon neech gettoye: Gurimaashoo ne beehooba, ne kishoona tahaꞌa ne shunnemmooch hammaa beehine. Tunebaani ne geenehooba, ne kishoon yaggemmo neene; baroo neech tajjemmone; ne shunaanooch neen daammemmone” iye.

Mishiraachechinaꞌo 12:4

Taatoo Heroodisi Pheexiroosin yechiꞌi, cuyee kexooch cuchiye. Awudde awudde asho beeti awudde guuphi ginee naayinaꞌoyich quyebote iꞌi beshii immiye. Beshee Baaroyee gubb asheenaꞌo aafooch kichiya gabiye. Kichiya bi gabiti naboo, Pheexiroosi toommooch boonoshi nallemmoyichiye.

Mishiraachechinaꞌo 2:14

Arooba Pheexiroosi aaraa ikkeenaꞌona tookkii neexeechii bi qaaroon oogichiꞌi ishichiye: “Ayihudeenaꞌote, wotta Yerusaalem beeti asheenaꞌote, ittoshi bulli hini mooyon ta getaa, ibere mulloona elle waayebote.

Mishiraachechinaꞌo 20:6

Wotta Shittoo Giyaani Kochi Baaroyee gubb, Filipphisiyoosee markaboona tiyaꞌa, uuche qemona boonoshi beeti Xiroꞌada shaggehon. Arooch boonoshina tookkaa shabaatte qemon kotehon.

Mishiraachechinaꞌo 24:27

Gutte nato ceennitoyee gubb, Phoriqiyoos Fisxoosi getteebeeto Filikisichi keroon iraashehe. Filikisi Ayihudeenaꞌon emirikkoyicha iꞌi, Phawuloosin bi beeti cuyee kexooch qajjiye.

Mishiraachechinaꞌo 25:9

Tunetaa Fisxoosi Ayihudeenaꞌon emirikkoyicha iꞌi, Phawuloosin “Yerusaalem hamiree hini mooyoyich ta aafoochaa taggoon qaawaa beetine?” iꞌi echehe.

Mishiraachechinaꞌo 4:13

Arooba kiceeti Ayihudee nallechinaꞌo Pheexiroosinaa Yowannisina aafoon kuppheꞌi boonoshi yibbaatoon beeggiꞌi, dojjechona tookkii boonoshi dicci qayonaa ogooge asheenaꞌo boonoshi tunee qayonon shalligiꞌi worganeheete; ebiyee aaf Yesuusina tookkii boonoshi beemon ariiheete.

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

1 Tasaloonqi 2:4

Tunebaani Yeeri mishiraachee qaaree getti shuunoon nooch guudii bi immemmoyich gibeneeto tunaꞌa no danetoyich, arooniye no gettaabeeto; no gettaa beegaata emirikkoyich no qaawaabeeto, no mulleexi gaboon maqqiꞌi ariibeeti Yeerinalli, ashoon toonoone.