Mishiraachechinaꞌo 12:23 - Kafa Linguistics Project

²³ Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

Mishiraachechinaꞌo 12:23 ပူးပေါင်းရင်းမြစ်များ

2 Taateenaꞌo 19:35

Aroobee xum Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

2 Kiinoo 32:21

Doono Yeeriyoo Asooree taatoochi kaambooch bi maraakoon daachiiꞌi, ginee anaaminaꞌon, ginee iraasheenaꞌonaa ukkireenaꞌonon bi aalliyemmoyich tuniihe. Ebina Asooree taatoo giisheꞌi bi showooch wottehe. Bi nuggishoo kexooch bi giyimmona, bi gutenoochee kechiti bi bushiisheenaꞌo aroochaa goraadoona biin wuxiyeete.

Iyoobi 19:26

biiyo ta qeddoon bi ciichitaanona, kashoona beechi Yeerin beeggemmo taane.

Iyoobi 7:5

Ta ashittino bullin hipperoo bajjii deqqitone; ta achoo qucee yaashetone; mayeꞌi, giyoo ufee beetone.

Shoddo 115:1

Nooch tuneyaanoon, Doono Yeero, nooch tuneyaanoon, ne shoodoonaa ne gibeneyoonoyich, ne shigoyich oogo tunebe.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 12:12

“Tawoo aroobee xum Gibitsee showee daggoona beshemmo taane; ashoochee gutenee bushiishoon, gijjoochee shiichii shiijjeti qaabboo bullin wuxemmo taane; Gibitseenaꞌo goyinneebeeti nuggisheenaꞌo bulli toommooch nallemmo taane. Ta, Doono Yeeri taane.

Keyo 12:23

Doono Yeeri Gibitseenaꞌon wuxiya Gibitsee showoona beshemmone. Kellee dambee shagoonaa gutte qoomoonooch huutteti damoon beegiichi, are kexon besheree hammemmone. Biyoo wuxii aalliyechi maraakoo ittoshi kexooch giyiree, ittoshi gutenee bushiishoon bi wuxemmoyich daaggaachemmone.

Keyo 12:29

Aroobee xumi gutte qellimooch, Doono Yeeri taatee qeenooch koteti Faroonichi gutenee bushoochee tiijjiꞌi, oppee cuyee kexooch cuchetochi gutenee bushooch beddaahaa, Gibits beeti gutenee bushiishoo bullinaa shiichii shiijjeti qaabbe gijjoo bullinon wuxiye.

Keyo 9:17

And beddaahaa ne qelloon yeepphaꞌa, ta asheenaꞌon gawukkoon qajjeto neene.

Shaahiyoo 12:8

Asho bi ariyoona galleteehe; tunebaani xumme gabechi asho hoxeehe.

Isiyaasi 14:11

Ne oogoonaa ne ximbee qaaroona maash kinditone; ne qeyi beeroo pilo, ne tahoo hipperoo tunemmone’ getteminaꞌone.

Isiyaasi 37:23

Koniniye ne hoxaa naaggeto? Koni toommoochiye ne goohito? Koni toommoochiye geecoona aafoon ne ciixxeto? Israꞌeelee Yaafoo Yeeri ta toommoochiye.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Isiyaasi 66:24

“Keyi hamibee ta toommooch hukkoon shuuneti asheenaꞌochi dubenoon beeggemminaꞌone; boonoshi hipperoo qitaachemmone; boonoshi qaaqqoo tahaachemmone; meeno taheto bullina ciigeyemmone” iye.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 28:9

Neen wuxemminaꞌo aafoochaa “Ta, nuggishoo taane” gettenne? Tunebaani neen wuxemminaꞌo kishooch ne dihiyooba asho nealli nuggishoo ne tunee qayo arichemmone.

Mishiraachechinaꞌo 12:22

Hini are asheenaꞌo waayeꞌi, “Hini nuggishoochi qaaroani ashi qaaro toonoone” iibee cookeeheete.

Mishiraachechinaꞌo 5:19

Boonoshi cuchiiti aroobee xum, Doonochi maraakoo cuyee kechi kelleenaꞌon qechii boonoshin maach kichiꞌi,

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

1 Saameeli 25:38

Aashire qemoyee gubb, Doono Yeeri Naabaalin naxetaa qitiye.