Mishiraachechinaꞌo 12:21 - Kafa Linguistics Project

²¹ Ebi taajjeeti taajjooba, taatoo Heroodisi bi taatee tahoon tahee, bi taatee qeenooch kechii koteꞌi kiceeti dofee asheenaꞌoyich yibbaatehe.

Mishiraachechinaꞌo 12:21 ပူးပေါင်းရင်းမြစ်များ

1 Taateenaꞌo 22:10

Israꞌeelee taatoonaa Yihudee taatoo Yoshafaaxina taatee tahoon taheꞌi, Shamaari uxeree kellee gaꞌooch beeti maayi buchi xaaꞌooch boonoshi taatee qeeni qeenooch kotee beeheete. Keemechinaꞌo bulliyoo boonoshi aafoochaa keemoon keemmii beeheete.

Iyoobi 15:21

Keqqichiibeeti qaaroon bi waamona waayemmone; diggoone bi geti beetaa, bokkoo bi toommooch woyemmone.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Isiyaasi 5:14

Ebich maasho bi maacoon gamichii, haawutteꞌi boonoshin quyee beetone; Yerusaalemi ogoogeenaꞌonaa sharaareenaꞌonon aroochaa dullii cangechee beetinaꞌona tookki qooxxemmone.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

Mishiraachechinaꞌo 12:20

Ebiyee aaf Xiroosi asheenaꞌonaa Sidooni asheenaꞌonon oogichii kaaretone. Ebich and ikke mullo tuneꞌi tiyii, shiichii taatoochi gabberechi Filatuus waan waaꞌi, “Noon geenebe” iꞌi boonoshi qolletaa, boonoshich deꞌa iye. Ebina taatoo waan hammiꞌi, shunebone ii qolleheete. Shunoyich boonoshi qaawiti naboo, taatoo Heroodisi beeti showoo maayoon kemeꞌi boonoshi daammiibeeti showoo bi tunetoyichiye.

Mishiraachechinaꞌo 12:22

Hini are asheenaꞌo waayeꞌi, “Hini nuggishoochi qaaroani ashi qaaro toonoone” iibee cookeeheete.

Mishiraachechinaꞌo 24:1

Uuche qemoyee gubb, qeeshee guudo Hanaani ikkikke geeneenaꞌonaa ikke Xerixeloosi getteebeeti moochi ariyechona tookkii Yerusaalemee Qesaariya hammiye; iraashoo Filikisi aafooch giddeꞌi, Phawuloosin taggeheete.

Mishiraachechinaꞌo 25:23

Dechara taatoo Agripphinaa bi mechee Bariniiqina asheenaꞌona deenneeꞌi, ginee iraasheenaꞌonaa katemeexi ogoogeenaꞌona tookkii waa moochi waayoyich, asheenaꞌo kiceebeeti kexooch giyiyeete. Aroyee gubb Fisxoosi Phawuloosin wochiihe.