Mishiraachechinaꞌo 12:17 - Kafa Linguistics Project

¹⁷ Tunetaa Pheexiroosi kishee malletoona yibbaateyaahote iꞌi tiyii, Doono cuyee kexoochee aabichiꞌi biin bi kichito gaata boonoshich gettiye. “Ebin Yaaqobinaa bare kittinnee maneenaꞌonoyich getote” iꞌi boonoshich gettiichii, aroochee kechii bare xaaꞌooch hammiye.

Mishiraachechinaꞌo 12:17 ပူးပေါင်းရင်းမြစ်များ

Shoddo 146:7

Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

Shoddo 66:16

Yeerin shattii beetinaꞌote, ittoshi bulli waaree waayebote; Yeeri taach tuniiton gettemmo taane.

Maatiyoosi 10:23

Arooba ikke katemoochaa ittoshin boonoshi duꞌiigaata, bare katemooch maxxebote. Iberoon ittoshich gettoye: Ashi Bushoo waammi wottoon Israꞌeelee showeexi katemoo bulliich bedaachemmo ittoshine.

Maariqoosi 6:3

Hini uro anaaxoo toone? Maariyamichi bushoo toone? Bi maneenaꞌo Yaaqobi, Yoosi, Yihudinaa Simoonina tooneenaꞌone? Wotta bi maache maneenaꞌo noonna tookkii beetinaꞌo tooneenaꞌone?” iꞌi hoxeheete.

Luqaasi 1:22

Aroochee kechiꞌi boonoshich yibbaatemmon mawiihe. Ebich yaafee kexoochaa yaaꞌoon beeggito bi tunoon ariiheete. Biyoo bi kishoona malletee bekkii beehe; miimeton tuneꞌi beehe.

Yowannisi 10:40

Arooba Yesuusi shiichiꞌi Yowannisi aacona afaalliibee echeti xaaꞌoo Yoordaanoosi aachee beqach wochinnoon hammiꞌi arooch kotehe.

Yowannisi 11:54

Ebich aroyee gubb Yesuusi Ayihudeenaꞌo daggooch xalla bekkeꞌi shaꞌeyaanoone; tunebaani aroochee tiyiꞌi barahee gaꞌooch beeti showoo, Efreemi getteebeeti katemooch hammiye; arooch bi dabbeenaꞌona tookkii kotehe.

Yowannisi 13:24

Ebich Simoon Pheexiroosi are uroon qillifeꞌi, “ ‘Koniniye ne gettaabeeto?’ getiree Yesuusin echebe” iye.

Yowannisi 7:1

Ebiyee gubb, Yesuusi Ayihudee ukkireenaꞌo biin wuxiya boonoshi qaawii beetoyich, Yihudee showoona shaꞌoon shunaanoone; ebich Galiilee showoona shaꞌee beehe.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 12:16

Tunebaani Pheexiroosi uxeree kelloon daakkii daakkii qoppiye. Ebich asheenaꞌo tiyii qechii beeggiꞌi, boonoshi gettemmon mucceheete.

Mishiraachechinaꞌo 12:18

Dechara ginee naayinaꞌo “Pheexiroosi amooch aallehe?” iꞌi oogichii caageheete.

Mishiraachechinaꞌo 13:16

Ebich Phawuloosi tiyiꞌi kishee malletoona ellebote bi itoyee gubb, ishichiye: “Hini Israꞌeeleenaꞌote, wotta Yeerich hajjeebeeti Aageteenaꞌote, waayebote!

Mishiraachechinaꞌo 15:13

Boonoshi yibbaatoon boonoshi ciichitoyee gubb, Yaaqobi tiyiꞌi ishichiye: “Ta maneenaꞌote! Elle waayebote!

Mishiraachechinaꞌo 16:40

Phawuloosinaa Sillaasinoo cuyee kexoochee kechiꞌi, Liidi kexooch giyiyeete. Arooch beeti kittinnee maneenaꞌon kupphiiꞌi tiyii, katemoon gawukkii hammiyeete.

Mishiraachechinaꞌo 19:33

Arooch beeti Ayihudeenaꞌo Iskindiroosin xuqqiꞌi aaf kichiyeete; asheenaꞌo daggoochee ikkikkeenaꞌo “Ebinaa ebinon gete” iꞌi bi toommooch cookeeheete. Biyoo kechiꞌi asheenaꞌo ellemmoyich kishoona malleteꞌi taggooch qaawiye.

Mishiraachechinaꞌo 21:18

Dechara Phawuloosi noonna tookkii Yaaqob waan hammiye; kittinnee guuphi geeneenaꞌo bulliyoo arooch beetinaꞌone.

Mishiraachechinaꞌo 21:40

Hume ginee iraashoo daaggaa, Phawuloosi boonoshi kaambooch kichiibeeti daqqooch kechii neexeechii, kishee malletoona asheenaꞌon ellebote iye. Asheenaꞌo shashewimiꞌi elleheete. Aroo Hibiree noonoona ishichiꞌi yibbaatehe:

Mishiraachechinaꞌo 28:15

Are Roomi kittinneenaꞌo no womon waayeꞌi Apiyoosi Gabiyoonaa Keejje Iibbee Kexo getteebeeti xaaꞌoonooch beddaahaa noonna daneya waaheete. Phawuloosi boonoshin ciinniꞌi tiyii Yeerin galletehe; bi mulloo kupphehe.

1 Qorontoosi 15:7

Aree hillooch Yaaqobich, daakkiꞌi mishiraachechinaꞌo bullich bekkehe.

Galaati 1:19

Tunebaani no Doonochi manoo Yaaqobiyee damba mishiraachechinaꞌo daggoochee koninolla beegaano taane.

Galaati 2:12

Yaaqob waanee wocheeti asheenaꞌo bi waan womoyee shiichiꞌi Aageteenaꞌona tookkii maa beehe; tunetaa ebi wocheeti asheenaꞌo waahooba “Dokireyoo qaawiihe” ii beeti asheenaꞌon shattii gubb shokiꞌi, Aageteenaꞌo waanee bariye.

Galaati 2:9

Wotta Yeeri taach bi immiti wojjoon ariiꞌi giimboon shaahiꞌi bekkeebeeti Yaaqobi, Pheexiroosinaa Yowannisina boonoshi qanne kishoon imona noonna tookkii boonoshi tunoon bekkiiheete; taannaa Barnabaasina Aageteenaꞌo waan hammemmoyich, boonoshiyoo Ayihudeenaꞌo waan boonoshi hammemmoyich tuniiheete.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.