Mishiraachechinaꞌo 11:27 - Kafa Linguistics Project

²⁷ Aroobee yemeenooch keemechinaꞌo Yerusaalemee Antsooka hammiyeete.

Mishiraachechinaꞌo 11:27 ပူးပေါင်းရင်းမြစ်များ

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Luqaasi 11:49

Ebich Yeerichi shalligoo ishichiye: ‘Boonoshi waan keemechinaꞌonaa mishiraachechinaꞌonon daachiyemmo taane; boonoshi daggoochee ikkikkeenaꞌon wuxemminaꞌone; ikkikkeenaꞌon duꞌiyemminaꞌone’ itone.

Mishiraachechinaꞌo 11:20

Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.

Mishiraachechinaꞌo 11:22

Ebiyee gubb, Yerusaalem beeti kittinnee guupho hini woroon waayeꞌi, Barnabaasin Antsooka daachiihe.

Mishiraachechinaꞌo 13:1

Are Antsooki kittinnee guuphi asheenaꞌo daggooch keemechinaꞌonaa Yeerichi qaaree dojjechinaꞌona beeheete. Boonoshiyoo Barnabaasi, Aaꞌo getteebeeti Simooni, Qerenechi Luqiyoosi, Galiilee iraashoo Heroodisina tookkii dicciti Minaahi, Sawuli eboshine.

Mishiraachechinaꞌo 14:26

Aroochee wocheeton ciichiichii, shiichiꞌi Yesuusichi asheenaꞌo Yeeri bi wojjoona boonoshin bi quyemmoyich, biich boonoshi adereti, Sooriyee showooch beeti Antsooka markaboona hammiyeete.

Mishiraachechinaꞌo 15:22

Ebiyee gubb, mishiraachechinaꞌonaa geeneenaꞌona kittinnee guuphi asheenaꞌo bullina tookkii tuneꞌi, boonoshi kaacciti asheenaꞌon Phawuloosinaa Barnabaasina tookkii Sooriyee showooch beeti Antsooka daachiyoyich gabiyeete. Ebich kittinnee maneenaꞌo daggoochee geeno tuneti, Barisiyaani getteebeeti Yihudinaa Sillaasinon kaacciyeete.

Mishiraachechinaꞌo 15:30

Wocheyechinaꞌo Yerusaalemi kittinneenaꞌo bullin diggiiꞌi, hini koorichoon yechii Antsooka hammiyeete. Hammii shaggii kittinnee guuphi asheenaꞌon kiciꞌi koorichoon immiyeete.

Mishiraachechinaꞌo 15:32

Yihudinaa Sillaasina wotta keemechinaꞌo boonoshi tunetoyich, kittinnee maneenaꞌon wodde ciicoona ciicciꞌi kupphiiheete.

Mishiraachechinaꞌo 18:22

Qesaariya shaggiꞌi tiyii Yerusaalem hammiꞌi, arooch beeti kittinnee guuphon bi diggiitoyee gubb, Sooriyee showooch beeti Antsooka hammiye.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Mishiraachechinaꞌo 21:4

Arooch kittinneenaꞌon qaawaa danaꞌa, boonoshina tookkaa shabaatte qemon kotehon; boonoshiyoo Yaafe Ayaanoona yaabeeꞌi Phawuloosin “Yerusaalem hammaaye” iyeete.

Mishiraachechinaꞌo 21:9

Biichoo keemoon keemmiibeeti awudde maache bushiisheenaꞌo beeheete; boonoshiyoo gidiideenaꞌone.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

1 Qorontoosi 12:10

wotta are Yaafe Ayaano ikkoyich gaakkechi mooyon shuunee hakkoon, baroyich wotta keemoon keemmi hakkoon, baroyich wotta ayaaneenaꞌon baribariiꞌi ariyee hakkoon, baroyich wotta baribare noonoona yibbaatee hakkoon, baroyich wotta are baribare noonoona yibbaateeton biichii wokkeellee hakkoon immiye.

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

1 Qorontoosi 14:32

Keemechinaꞌochi ayaano keemechinaꞌoyich hajjee beetone.

Galaati 2:11

Aroochee Pheexiroosi Antsooka bi waahooba, bi tuniiti mooyo tato tuno bi qajjitoyich, xalla biin ittibatehoye.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.