Mishiraachechinaꞌo 11:26 - Kafa Linguistics Project

²⁶ qaawii daneꞌi Antsooka deebiye. Gutteenaꞌoo ikke naton arooch beeti kittinnee guuphi asheenaꞌona tookkii kiceebee, meeti asheenaꞌoyich Yeerichi qaaroon dojjiyeete. Arooba batti batt Yesuusichi dabbeenaꞌo Antsookaa kittinneenaꞌo getaa ceekkeheete.

Mishiraachechinaꞌo 11:26 ပူးပေါင်းရင်းမြစ်များ

Isiyaasi 65:15

Ittoshi shigoon ta kaaccetinaꞌo waanaa maxxaaroyich tuniyemmo ittoshine; Nuggishoo Doono Yeeri ta, ittoshin wuxemmo taane; tunebaani ta guuninaꞌon bariti shigoona ceeggemmo taane.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Yowannisi 2:2

Yesuusinaa bi dabbeenaꞌona wotta are gaarooch ceekkeꞌi hammitinaꞌone.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 11:20

Tunetaa boonoshi daggoochee Qoophiroosee showoonaa Qereni katemoonoochee waati ikkikkeenaꞌo Antsooka hammiꞌi, Doono Yesuusichi mishiraachee qaaroon Aageteenaꞌoyich wotta gettiyeete.

Mishiraachechinaꞌo 11:22

Ebiyee gubb, Yerusaalem beeti kittinnee guupho hini woroon waayeꞌi, Barnabaasin Antsooka daachiihe.

Mishiraachechinaꞌo 11:27

Aroobee yemeenooch keemechinaꞌo Yerusaalemee Antsooka hammiyeete.

Mishiraachechinaꞌo 11:29

Arooba Yesuusichi dabbeenaꞌo boonoshi qelli qelloona boonoshi hakkee wottoon gijjoon kichiꞌi, Yihudee showooch beeti maneenaꞌoyich daachiya echeeheete.

Mishiraachechinaꞌo 14:20

Tunebaani Yesuusichi dabbeenaꞌo waa biin giichiꞌi neexemmona, tiyiꞌi katemooch giyiye. Dechara Barnabaasina tookkii Deribi katemooch hammiye.

Mishiraachechinaꞌo 14:23

Are katemeenaꞌooch beeti kittinnee guuphinaꞌo bulli toommooch geeneenaꞌon kaacciꞌi boonoshi ukkiriitoyee gubb, coomii corootiꞌi, boonoshi mulloon bi toommooch boonoshi tooꞌiiti Doono Yesuusich beshii immiyeete.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 14:28

Arooch Yesuusichi dabbeenaꞌona tookkii meeti aaboon koteheete.

Mishiraachechinaꞌo 18:27

Are Aphiloosi Akaayee showooch hamma bi gabaa, kittinnee maneenaꞌo bulli hambe iꞌi kupphiiheete. Biin boonoshi iibbiyemmoyich, kittinneenaꞌoyich wochoon kooriꞌi daachiiheete. Arooch shaggiꞌi tiyii, Yeer waanee boonoshi daneti wojjoona Yesuusi toommooch mulloon tooꞌiiꞌi arooch beetinaꞌon oogichii gaachehe.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Mishiraachechinaꞌo 20:1

Cangecho aqqetoyee gubb, Phawuloosi Efesooni kittinneenaꞌon ceeggiꞌi kupphiyee ciicoon ciicciye; boonoshin diggiiꞌi Makidoonee showooch hamma kechiye.

Mishiraachechinaꞌo 20:30

Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane.

Mishiraachechinaꞌo 21:4

Arooch kittinneenaꞌon qaawaa danaꞌa, boonoshina tookkaa shabaatte qemon kotehon; boonoshiyoo Yaafe Ayaanoona yaabeeꞌi Phawuloosin “Yerusaalem hammaaye” iyeete.

Mishiraachechinaꞌo 26:28

Agripphiyoo Phawuloosin, “Hini qamini saatooch taan kittinnoo tuniiya gabaa beetine?” iye.

Mishiraachechinaꞌo 6:1

Aroobee yemeenooch Yesuusichi dabbeenaꞌo meettii meettii boonoshi qeyimmona, Giriikee noonoon yibbaateebeeti Ayihudeenaꞌo Yihudee showooch shiijjeti Ayihudeenaꞌo toommooch guruuxiyeete. Ebiyoo qemi qemona boonoshi deggiibeeti degoochee Giriikee noonoon yibbaateebeeti xuume maacheenaꞌoyich boonoshi guutiitoyichiye.

Mishiraachechinaꞌo 6:5

Asheenaꞌo bulli ishin waayeꞌi emiriyeete. Ebich Yesuusi toommooch mullee tooꞌiyoona, Yaafe Ayaanoonoo ceenniti uro Isxifanoosin, Filipphoosin, Phirookiroosin, Niqaaroonin, Xemoonin, Pherimoonin, Ayihudeenaꞌo waan wotteti Antsookechi Niqolawiyoosin kaacciyeete.

Mishiraachechinaꞌo 9:19

maayoonoo maaꞌi kupphehe. Aroyee gubb Sawuli Damaasiqa beeti Yesuusichi dabbeenaꞌona tookkii giisheche aaboon kotehe.

Mishiraachechinaꞌo 9:38

Liidi Yoopphi katemoyich katino bi tunetoyich Yooppha beeti Yesuusichi asheenaꞌo Pheexiroosi Liida bi beemon waayeꞌi, gutte asheenaꞌon wochee daachiiꞌi kaate boonoshi waan bi woyemmoyich Pheexiroosin qolleheete.

1 Qorontoosi 11:18

Shiichiree ta gettemmi mooyo, ittoshi kiceebeeti daggooch gajjiteyoo beemon ta waayetoyichiye; ebi gajjiteyoo qatoochaa iberoo tunoon tuushaano taane.

1 Qorontoosi 12:12

Ashittino ikkoo bi tunetaanoona, meeti quumechone; ashittinee quumo meeto tuneebee ikke ashittinoon bi tunoommon, Kiristoosiyoo wotta ebiyoommone.

1 Qorontoosi 14:23

Illa kittinneenaꞌo ikkooch kiceechii, boonoshi bulla baribare noonoona boonoshi yibbaatee beetaa, boonoshi beetooch ariyaani asheenaꞌo woyee Kiristoosi toommooch mulloon tooꞌiyaaneenaꞌo giyigaata, “Hini asheenaꞌo geyetinaꞌone” getaacheheete?

1 Qorontoosi 4:17

Ebichi naboyich shucheti, gibeneeti, Doono Yesuusina ta bushoo tuneti Ximootiyoosin ittoshi waan wochaabeeto taane. Bulli xaaꞌooch beeti kittinnee guuphinaꞌo bullich ta dojjaabeeti doyoommon, Kiristoos Yesuusina taach beeti kashee gommon aroo ittoshich shalligichemmone.

Yaaqobi 2:7

Ittoshi ceekketi gaawe Kiristoosichi shigoon naaggii beetinaꞌo boonoshi tooneenaꞌone?

1 Pheexiroosi 4:14

Kiristoosicho ittoshi tunetoyich ittoshin boonoshi naaggitaa, diireeto ittoshine; ittoshi diireetoo, oogee yiiree Ayaano, ebiyoo Yeerichi Ayaano, ittoshi toommooch bi beetoyichiye.

1 Pheexiroosi 4:16

Tunebaani kittinnoo bi tunetoyich xuuxo bi toommooch shagigaata, are shigoona bi ceekketoyich Yeerin galleteballi, yeellaye.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.