Mishiraachechinaꞌo 11:21 - Kafa Linguistics Project

²¹ Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 11:21 ပူးပေါင်းရင်းမြစ်များ

2 Kiinoo 30:12

Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

Iziri 7:9

Bi Nuggishoo gaawe aafoona biin bi ciinnitoyich, Baabloonee showoochee batti batti agenee ikkinnee qemooba tiyiꞌi, uuchinnee agenee batti batti qemooba Yerusaalem shaggiye.

Iziri 8:18

No Nuggishoo gaawe aafoona noon bi ciinnitoyich, no waan boonoshi deebito, Israꞌeeli bushoo, Lewi bushoo, Mahili yaroochee tuneti shalligechi asho Sherebiyin, bi bushiisheenaꞌonaa bi xibeenaꞌonon geddii aaraa shimitteenaꞌoniye;

Nehimi 2:18

Ta Nuggishoo gaawe aafoona taan bi ciinon, wotta taatoo taach gettiti mooyonoo boonoshich getteho. Boonoshiyoo “Tiyiree wochinnoon shuunebone” iyeete. Ebi gaawe shuunoon shuunoyich kuppheꞌi tiyiyeete.

Nehimi 2:8

Wotta yaafee kechi gaꞌooch beeti xaqqee uxeree kelleenaꞌoyich, katemee uxeroyich, ta beeyemmi kexoyichoo mixon taach bi immemmoyich, taatoochi shaaroon (kubboon) quyeebeeti Asaafich koorichoo kooreebe” iyo. Ta Nuggishoo gaawe aafoona taan bi ciinnitoyich, taatoo ta qolleton immiye.

Isiyaasi 53:1

No gettaa beeton koni iberiite? Doono Yeerichi mochoo konich bekkete?

Isiyaasi 59:1

Doono Yeerichi mochoo wodiyoon mawiyaanoone; bi waamo waayoyich ulleyaanoone.

Luqaasi 1:66

Ebin waayetinaꞌo bulli “Ishigaata, hini bushoo gubb amoon tunehe?” iibee hini mooyon boonoshi mullooch kotiiheete; ebiyoo Doonochi giidoo biin gaachee bi beetoyichiye.

Mishiraachechinaꞌo 11:24

Yaafe Ayaanoona ceennitonaa gaabbaanoon mulloon Yeeri toommooch tooꞌiibeeti deꞌe uroonane. Arooba meeti asheenaꞌo Doono waan wotteheete.

Mishiraachechinaꞌo 15:19

“Illa and ta nallemmo, Aageteenaꞌo daggoochee Yeer waan wottetinaꞌon no iritiyaachemmoyichiye.

Mishiraachechinaꞌo 2:47

Yeerin galleteebee asheenaꞌo bullina naadee beeheete. Doonoo wodemminaꞌon qemi qemona boonoshi toommooch daakkii beehe.

Mishiraachechinaꞌo 4:4

Tunebaani Yeerichi qaaroon waayetinaꞌo daggoochee meetinaꞌo boonoshi mulloon Yesuusi toommooch tooꞌiiheete. Yesuusi toommooch mulloon tooꞌiiti anaaminaꞌo aafichinaꞌona tookkii uuche hum bedoon tuneheete.

Mishiraachechinaꞌo 5:14

Boonoshi mulloon Doono Yesuusi toommooch tooꞌiiti meeti anaaminaꞌonaa maacheenaꞌona aafichoyee beshoon Yesuusichi asheenaꞌo daggooch daakkeeheete.

Mishiraachechinaꞌo 6:7

Yeerichi qaaro gaminnii gaminnii hammiye; Yerusaalem beeti Yesuusichi dabbeenaꞌo meettii meettii waaheete. Qeesheenaꞌo daggoochee meetinaꞌo mishiraachee qaaroyich deꞌa iꞌi Yesuusi toommooch mulloon tooꞌiiheete.

Mishiraachechinaꞌo 9:35

Liidinaa Shaarooninooch beetinaꞌo bulli hini are woditi uroon beeggiꞌi, Doono Yesuus waan wotteheete.

1 Tasaloonqi 1:5

Ittoshi waan no waahooba mishiraachee qaaroon ittoshich no getteto, xiishaꞌa no iberiyoon bekkiyoonaa Yaafe Ayaanee giidoona no shuunoonalli, noonoona baach toonoone. Ittoshina tookkaa no beehooba, ittoshich gabaabee aabichaꞌa no beeto gaata ariibeeto ittoshine.