Mishiraachechinaꞌo 10:4 - Kafa Linguistics Project

⁴ Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

Mishiraachechinaꞌo 10:4 ပူးပေါင်းရင်းမြစ်များ

2 Kiinoo 32:24

Ebiyooba Hiziqiyaasi biiyee mawiiꞌi qitooch beddiye; biyoo Doono Yeer waan corootiye. Doono Yeeriyoo biich yibbaatehe; malletoonoo biich immiye.

2 Kiinoo 6:33

ne beeyi xaaꞌoo tuneti shimaayoochaa waayebe; neen bi qolleto bullin biich tuniibe. Ebiyoo showee toommeexi asheenaꞌo bulli ne shigoon ariiree, ne asheenaꞌo tuneti Israꞌeeleenaꞌo neech boonoshi shatoommon, neech boonoshi shattemmonaa ta haggeti hini kexooch ne shigo beemon boonoshi ariyemmonoyichiye.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 20:3

Ne buuro bullinoo shalligibe; ne deejjoonoo gaawe aafoona ciine.

Isiyaasi 43:26

Taach shalligichibe; eke taggebone; ne mooyon gidiidee, ne xallittinoon bekkiibe.

Isiyaasi 45:19

Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Maatiyoosi 26:13

Andoo iberoon ittoshich gettoye: Asheenaꞌo hini mishiraachoon boonoshi gettimmi showee toommo aabiichona biin shalligoyich aree shuuneton wotta gettemminaꞌone” iye.

Luqaasi 1:29

Maariyamiyoo are maraakoo gettiton waayaꞌa keqqiyan. “Ebi amee diggiyoone?” iyaꞌa bi mulloona kichii kindiiꞌa gabiyan.

Luqaasi 24:5

Hini are genneenaꞌo keqqoona shateꞌi showooch boonoshi ciinnii beetaa, are asheenaꞌo boonoshich ishichiyeete: “Kashechon qititinaꞌo daggoochee amoyichiye ittoshi qaawiibeeto?

Mishiraachechinaꞌo 10:31

‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 14:9

Hini uro Phawuloosi yibbaatoon koteꞌi ellee beehe. Phawuloosi biin manjii ciinnii, wodoyich mulloon Yeeri toommooch tooꞌiito bi tunoon beeggiꞌi,

Mishiraachechinaꞌo 22:10

“Tawoo ‘Ta Doonocho, aabichibote?’ iyo. “Doono taach, ‘Tiyiree Damaasiqa gibe; Yeeri ne tuniyemmoyich bi maacciti mooyo bullin aroochaa waayemmo neene’ iye.

Mishiraachechinaꞌo 3:4

Pheexiroosi Yowannisina tookkii manjii uroon ciinniꞌi, “Kaama noon ciine” iye.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaaꞌoo 8:4

Ixaanee cufoo yaafeenaꞌochi corootoona tookkii ebi maraakoo kishoochee Yeeri aafooch kechiye.

1 Saameeli 3:10

Doono Yeeri waa arooch neexeꞌi, aafichoommon “Saameelo! Saameelo!” iꞌi ceeggiye. Saameeliyoo “Ne guuno ta, waayaabeeto taane; gete” iye.