Mishiraachechinaꞌo 10:38 - Kafa Linguistics Project

³⁸ Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 10:38 ပူးပေါင်းရင်းမြစ်များ

2 Kiinoo 17:9

Boonoshiyoo Doono Yeerichi Sheeree Macaafoon yechiꞌi, Yihudee katemoo bulliich hammiꞌi, asheenaꞌon dojjii beeheete.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Maatiyoosi 12:15

Yesuusi boonoshi shalligoon ariiꞌi aroochee bare xaaꞌooch tiyii hammiye. Dofee asheenaꞌo biin dabbiꞌi hammiyeete; biiyechinaꞌo bullinoo wodiihe.

Maatiyoosi 12:28

Tunebaani ta Yeerichi Ayaanee giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.

Maatiyoosi 9:19

Yesuusiyoo tiyiꞌi bi dabbeenaꞌona tookkii uroon dabbiꞌi hammiye.

Maatiyoosi 9:35

Ebiyee gubb, Yesuusi Ayihudeenaꞌo kiceebeeti kexoochaa dojjiibee, Yeerichi taatittinee mishiraachee qaaroon gettiibee, asheenaꞌo toommooch beeti biiyo bullin wodiibee, katemoonaa gafoo bullinooch guuddii beehe.

Maariqoosi 6:6

Bi toommooch mulloon tooꞌiyoo boonoshi qajjitoyich worganehe. Ebiyee gubb, Yesuusi gafee toommona guuddiꞌi asheenaꞌoyich dojjii beehe.

Luqaasi 9:42

Bushoo batt Yesuus waan hammii bi beetaa, hini are yinno showooch dichiichii biin qaferiihe. Yesuusi yinnoon noggeꞌi bushoon wodiihe; bi nihoyichoo immiye.

Luqaasi 9:56

Aree hillooch Yesuusinaa bi dabbeenaꞌona bare gafooch hammiyeete.

Yowannisi 10:32

Yesuusi boonoshich “Ta Nihoo waanee wocheeꞌa wodde deꞌe mooyon ittoshich bekkiito taane; hini ta shuuneti shuunoochee aabichiye taan xaqqoona ittoshi yexxemmo?” iye.

Yowannisi 16:32

Waayebote! Ittoshi qelli qelloona ta ikkeeton dufiichi ittoshi kexi kexooch ittoshi shacemmi aabo woyemmone; andoo shaggitone. Tunebaani Nihoo Yeeri taanna tookkii bi tunetoyich, ta ikkeeto toono taane.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Yowannisi 6:27

Bulli yemeenee kashoon immemmi maayoyich shuunebotalli, aallemmi maayoyich shuuneyaahote. Hini besheyaani koshon ittoshich immemmo Ashi Bushoone. Ebiyoo Nihoo Yeeri taanna bi emiroon bi miixetoyichiye” iye.

Mishiraachechinaꞌo 10:37

Yowannisi ‘Aacona afaalleebote’ iibee aacona bi afaallitoyee gubb, Galiilee showoochee tiijjiꞌi, Yihudee showoo bulliich tuneti mooyon ariibeeto ittoshine.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Hibireena'o 1:9

Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.

1 Pheexiroosi 5:8

Ittoshi qelloon quyoona beebote; qaallibote. Ittoshi shixecho tuneti daabiloosi bi qooxxemmon qaawiꞌi, ciddiibeeti daaheroochoommon guuddii beetone.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 3:8

Tunebaani axaaxoon shuuneebeeto daabiloosi magechone. Daabiloosi shiichoochee tiijjiꞌi axaaxoon shuunee beetone. Yeerichi Bushoo bi waato daabiloosichi shuunoon happoyichiye.