Mishiraachechinaꞌo 10:36 - Kafa Linguistics Project

³⁶ Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 10:36 ပူးပေါင်းရင်းမြစ်များ

Shoddo 45:11

Taatoo ne malletoon shunnitone; ne doono bi tunetoyich biin oogiibe.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Shoddo 72:7

Bi yemeenooch cadiqittino gamine; agenee bi kotoochee aallemmi wottoon diggoo woddebe.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 57:19

Boonoshi noonoochee galletoon aafiyemmo taane; wohonaa katinoonooch beetinaꞌoyich diggoo tunebe; boonoshin wodiyemmo taane” iye Doono Yeeri.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Hosee'i 1:7

Tunebaani Yihudee asheenaꞌoyich ariqqemmo taane; boonoshi Nuggishoo Doono Yeeri ta, boonoshin wodiyemmo taane. Boonoshin ta wodiyemmo maꞌoona woyee goraadoona woyee koyoona woyee haresheenaꞌona woyee hareshechinaꞌona toonoone” iye.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Maatiyoosi 10:6

Tunebaani bago aalloommon aalleti Israꞌeeleenaꞌo waan hambote.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Luqaasi 1:79

No waan bi woyemmo, manderoonaa qitee yiiroonooch kotaabeeti nooch bekkiiya, diggee gommoochoo noon yaabiyane” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Mishiraachechinaꞌo 10:37

Yowannisi ‘Aacona afaalleebote’ iibee aacona bi afaallitoyee gubb, Galiilee showoochee tiijjiꞌi, Yihudee showoo bulliich tuneti mooyon ariibeeto ittoshine.

Mishiraachechinaꞌo 11:19

Isxifanoosi qitiyooba, tiyiti duꞌoona shaceti Yesuusichi asheenaꞌo Finqa, Qoophiroosinaa Antsookinooch beddaahaa hammiyeete; boonoshiyoo Yeerichi qaaroon Ayihudeenaꞌo ikkeetinaꞌoyichani bare asho konichona getaaneenaꞌone.

Mishiraachechinaꞌo 13:32

“Ebich Yeeri qaabbechinaꞌoyich bi gibenikkiti mishiraachee qaaroon ittoshich getta waato noone.

Mishiraachechinaꞌo 13:46

Tunebaani Phawuloosinaa Barnabaasina aafoon kuppheꞌi ishichiyeete: “Yeerichi qaaro shiichii ittoshich getteyoo qaawiihe. ‘Waayeꞌi deꞌa getaachone’ ittoshi getona ittoshi toommooch nallito ittoshine; ebich bulli yemeenee kashoon danoyich beddito tuneyaachemmo ittoshine. Illa no, Aageteenaꞌo waan hammaabeeto noone.

Mishiraachechinaꞌo 2:36

“Illa Yeeri hini ittoshi yooddiiti Yesuusin, Doononaa Kiristoosinon bi tuniyoon Israꞌeelee asho bulli manjiiree ariibe” iye.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Roomi 14:9

Ebiyoo qititinaꞌonoo kashechinaꞌonoo biicho tuniiree hajjoyich Kiristoosi qititoyichiye; wotta qitoochee bi tiyitoyichiye.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

1 Qorontoosi 15:27

“Yeeri mooyo bullin bi baatooch yittiiꞌi biich hajjiitone” getaa Yaafe Macaafooch kooreetone; tunebaani “Bulli biich yittiꞌi hajjeetone” geto, mooyo bullin yittiiꞌi Kiristoosich hajjiiti Yeeriyee damba baroo bulliniye getone; ebiyoo xalla arichetone.

1 Qorontoosi 15:47

Wonnee asho showoochee halleetone; showee ashoone. Guttinnee asho shimaayoochee kinditone.

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Qolaasiyaasi 1:20

masqalooch ufeti ebi bi Bushoochi damoona diggoon tuniiꞌi, showooch tuneba shimaayooch beeti mooyo bulli biinna tookki shunemmoyich tuniihe.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.