Mishiraachechinaꞌo 10:31 - Kafa Linguistics Project

³¹ ‘Qorinelooso, Yeeri ne corootoon waayetone; girechinaꞌon ne dego shalligichoo tuneꞌi bi aafooch shaggitone.

Mishiraachechinaꞌo 10:31 ပူးပေါင်းရင်းမြစ်များ

Isiyaasi 38:5

“Hamiree Hiziqiyaasich ishichibe: Ne qaabbechi Daawitichi Nuggishoo Doono Yeeri ishichiye: ‘Ne corootoon waayeto taane; ne acimoon beeggeto taane; ne eeni toommooch aaraa uuche naton daakkito taane.

Daaneeli 10:12

Biyoo taach ishichiye: “Daaneelo, shattaahine! Shalligoon daneya ne Nuggishoo aafooch ne qelloon ne giishiiti, batti batti aaboochee tiijjiꞌi, Yeeri ne qolloon waayetone. Tawoo ne qolloyich tunemmi wochoon yechaꞌa waato taane.

Daaneeli 9:23

Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Leweenaꞌo 2:9

Qeeshoo ebi maayi deejjoochee shalligichoyich tunemmi qoodoon deꞌiree qaaqqooch michaa giddeebeeti, Doono Yeeri taach gaawe cinnoon cinneebeeti deejjoon tuniiree deejjee gudoochaa michibe.

Leweenaꞌo 5:12

Ebin qeeshoyich giddiibe; qeeshoo shalligichoyich bi tunemmoyich ikke ushon tiijjibe. Ebin qaaqqooch michaa Doono Yeeri taach giddeebeeti deejjee toommooch gedi deejjee gudoochaa michibe. Ebiyoo axaaxee deejjoone.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 10:32

Ebich Yooppha ashoon wocheree, Pheexiroosi getteebeeti Simoonin ne waan ceege. Bi beeto, baharee gashooch beeti, gooqqee quccechi Simooni kexooch iibbittino koteꞌiniye’ iye.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Hibireena'o 6:10

Yeeri cadiqoone; yaafeenaꞌon ittoshi deggitoyich, and beddaahaanoo ittoshi deggii beetoyich, ittoshi shuuneti shuunoonaa biich ittoshi bekkiibeeti shunoonon batteyaache.

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,