Mishiraachechinaꞌo 10:22 - Kafa Linguistics Project

²² Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

Mishiraachechinaꞌo 10:22 ပူးပေါင်းရင်းမြစ်များ

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Maatiyoosi 1:19

Biin maakkiiti Yooseefi cadiqe uro bi tunetoyich, Maariyaminoo ashi aafooch yeelliyoon qaawoo bi qajjitoyich, aashoona shaagoon echiiya gabiye.

Maatiyoosi 2:12

Ebiyee gubb, Yeeri gumona “Wotteree Heroodis waan hammaahote” iꞌi bi gettitoyich, bare gommona boonoshi showooch wotteꞌi hammiyeete.

Maariqoosi 6:20

Ebiyoo Heroodisi Yowannisi cadiqoonaa yaafoona bi tunoon bi ariitoyich, biin shattiꞌi quyii bi beetoyichiye. Heroodisi Yowannisi getaa emiriibee waayee beehe; tunetaa bi waayeti mooyona oogichii gaabbii beehe.

Maariqoosi 8:38

Illa Ashi Bushoo ta wotta ta Nihoochi oogee yiiroona yaafe maraakeenaꞌona tookkaa ta waahooba, hini yahechonaa axaaxoona tuneti shiijjeroo daggooch taannaa ta qaaroonoyich yeellemmo bullina yeellemmo taane” iye.

Luqaasi 2:25

Arooba are Yerusaalem Simooni getteebeeti ikke uro beehe; aroo Yeeri Israꞌeeleenaꞌon bi goggiyemmi aaboon quyee beehe; biyoo cadiqo tuneꞌi Yeerich qeyiibeeti uroone; wotta Yaafe Ayaanechone.

Luqaasi 23:50

Arooba Ayihudee nallechinaꞌochi daggeexi ikkoo, Yooseefi getteebeeti deꞌe cadiqe uro beehe.

Luqaasi 9:26

Ashi Bushoo bi oogee yiiroona, bi Nihoonaa yaafe maraakeenaꞌonochi oogee yiiroona bi waahooba, biinnaa bi gettiti qaaroonoyich yeellemmo bullina, yeellemmone.

Yowannisi 13:20

Iberoon ittoshich gettoye: Ta wocheto koninolla shunniibeeto taan shunnii beetone; taanoo shunniibeeto taan wocheton shunnii beetone” iye.

Yowannisi 17:20

“Eboshi ikkeetinaꞌoyich baach tuneyaanoon, boonoshi gettiibeeti qaaroon waayoona ta toommooch mulloon tooꞌiyemminaꞌoyich wotta neen qollaabeeto taane.

Yowannisi 17:8

Ebiyoo taach ne getteto bullin boonoshich ta gettetoyichiye; boonoshiyoo waayetinaꞌone; ne waanee ta womon xiishoona ariitinaꞌone; taan wochaa ne deejjoonoo iberiitinaꞌone.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yowannisi 6:63

Kashoon immiibeeto Yeerichi Ayaanoone; ashi giidoo amoonolla hallaache. Ta ittoshich getteti qaaro ayaanoonaa kashoonane.

Yowannisi 6:68

Simoon Pheexiroosi wochiꞌi, “Ta Doonocho, koni waaniye no hammemmo? Bulli yemeenee kashee qaaro ne waaniye bi beeto.

Mishiraachechinaꞌo 10:2

Qorineloosi bi kechi asheenaꞌo bullina tookkii Yeerich qeyii beetone; biichoo hajjee beetone; iriteetinaꞌon oogichii gaacheebeeto, kuxaanoonoo Yeer waan corootii beeti uroone.

Mishiraachechinaꞌo 10:21

Aroochee Pheexiroosi tiyii asheenaꞌo waan kindiꞌi, “Ittoshi qaawiibeeti uro taane. Ittoshi waato, amoyichiye?” iye.

Mishiraachechinaꞌo 10:30

Aree hillooch Qorineloosi ishichiye: “Hanaachi keemooba yiixiye saati bedooch ebi gaata ta kexoochaa corootaa ta beetaa, wacciibeeti tahoon taheti uro ta aafooch neexeꞌi,

Mishiraachechinaꞌo 10:33

Ebich bekkech ashoon ne waan wochehoye; andoo ne womo gaawetone. Illa Doono neech gettito bullin ne waanee waayoyich no bulli ebiyoche, Yeeri aafooch kiceeto noone” iye.

Mishiraachechinaꞌo 10:6

Biyoo baharee gashooch beeti, gooqqee quccechi Simooni kexooch iibbittinoona koteꞌi beetone” iye.

Mishiraachechinaꞌo 11:14

Biyoo neennaa ne kechi asheenaꞌona wodemmi gommon gettemmone” iꞌi bi getaa waayehoye’ iꞌi nooch gettiye.

Mishiraachechinaꞌo 22:12

“Arooch Hanaani getteebeeti ikke uro beehe; Damaasiqa beeti Ayihudeenaꞌo bullina naadeeti, Yeerich qeyiibeeti, Muusichi Sheeroonoo quyeebeeti uroone.

Mishiraachechinaꞌo 24:15

Boonoshiyoo boonoshi qelloona gibenee beetoommon tawoo cadiqeenaꞌonoo, axaaxeenaꞌonoo qitoochee Yeeri tiijjemmo bi tunoon gibenaabeeto taane.

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.

2 Qorontoosi 5:18

Ebi bulli tuneto, Kiristoos waanaa tuneꞌi biinna tookkii noon shuniiti, shuniyee shuunoonoo nooch immiti Yeerinane.

Yibbaatoo 30:13

Wotta ‘Waayeree no ceechemmoyich, konine baharoyee beqach kimiree nooch deebemmo?’ ne getaachemmoyich, bi beeto baharee beqach toonoone.

1 Ximootiyoosi 3:7

Wotta gonde mooyona oonneeree daabiloosi shaachiti ollooch bi yecheyaachemmoyich, Kiristoosi toommooch mulloon tooꞌiyaani asheenaꞌo waanaa gaawe mooyona naadeeto tunebe.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.

Hibireena'o 11:2

Wonnee yemeenooch beeti asheenaꞌo naadoon boonoshi daneto ebinane.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

3 Yowannisi 1:12

Demexiroosich ashoo bulli miixee beetone; iberoo bi qelloona miixee beetone. Nowoo wotta miixaabeeto noone; no miixeti miixoo iberoo bi tunoon ariibeeto neene.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.