Mishiraachechinaꞌo 1:3 - Kafa Linguistics Project

³ Yesuusi wodde xuuxoona bi qititoyee gubb, mishiraachechinaꞌoyich xalla bekkeebee kashecho bi tunoon wodde gommona manjiihe. Aabbe qemon bekkeꞌi, Yeerichi taatittineechon boonoshich dojjii beehe.

Mishiraachechinaꞌo 1:3 ပူးပေါင်းရင်းမြစ်များ

1 Taateenaꞌo 19:8

Tiyiꞌi maahe; uchiinoo iye. Aree giidoona Doono Yeerichi guudooch, Kooreeb beddaahaa, aabbe areddoonaa aabbe xumoonon qaxiriye.

Maatiyoosi 21:43

“Ebich ittoshich gettoye: Yeerichi taatittine ittoshi kishoochee tiijjaa bi aafoon aafeebeeti maccoyich icheyemmine.

Maatiyoosi 28:9

Wocona hammii boonoshi beetaa, diqqoona Yesuusi boonoshina daneꞌi boonoshin diggiihe. Boonoshiyoo giddee bi baatoon yechiꞌi biich goyinneheete.

Maatiyoosi 4:2

Aroochaa aabbe areddoonaa aabbe xumoonon bi coomitoyee gubb shaacehe.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

Yowannisi 20:26

Shimitte qemoyee gubb, bi dabbeenaꞌo wochinnoon kechi daggooch beeheete; Toomaasiyoo boonoshina tookkii beehe. Kello tuggeechaa Yesuusi waahe; boonoshi daggoochoo neexeꞌi, “Diggoo ittoshich tunebe” iye.

Yowannisi 21:1

Ebiyee gubb, Yesuusi Xibaaridoosee baharee gashoochaa bi dabbeenaꞌoyich wochinnoon bekkehe; bi bekketoo eechiꞌiniye:

Yowannisi 21:14

Yesuusi qitoochee bi tiyitoyee gubb, bi dabbeenaꞌoyich bi bekketo hinina keejjinnoone.

Mishiraachechinaꞌo 13:31

Biinna tookkii Galiilee showoochee Yerusaalem waatinaꞌoyich wodde areddoon bekkehe. Boonoshiyoo and Israꞌeeleenaꞌoyich bi miixeenaꞌone.

Mishiraachechinaꞌo 19:8

Ebiyee gubb, Phawuloosi Ayihudeenaꞌo kiceebeeti kexooch giyiꞌi, aafoon kupphee gajjiteebee, keejje agen bedoon Yeerichi taatittineechon gettiye.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 28:31

Koniyoona biin bayaanoon Yeerichi taatittineechon gettiibee, aafoon kuppheꞌi Doono Yesuus Kiristoosichon dojjii beehe.

Mishiraachechinaꞌo 8:12

Tunebaani Filipphoosi Yeerichi taatittineechonaa Yesuus Kiristoosichi shigeechonon boonoshich mishiraachee qaaroon bi getaa waayeꞌi, boonoshi mulloon Yesuusi toommooch tooꞌiiti maacheenaꞌonaa anaaminaꞌona aacona afaalleeheete.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Yibbaatoo 9:18

Muusiyoo daakkiꞌi ishichiye: “Aroochee aafichoommon, aabbe areddoonaa aabbe xumoonon Doono Yeeri aafooch baroona showooch guufoye. Maayoon tuneba uyoon, amoonolla ta noonooch bechaano taane. Ebin ta tuniito, ittoshi shuuneti axaaxoo bullich, Doono Yeeri aafooch gondo tuneti mooyon shuunoona bi kaaremmoyich ittoshi tuniitoyichiye.

Yibbaatoo 9:9

Tawoo Doono Yeeri ittoshina tookkii bi giyiti wogo kooreeti yalle xaqqeenaꞌon deeboyich guudi toommooch ta keyiyooba, are guudi toommooch aabbe areddoonaa aabbe xumoonon yagiyo. Maayoon tuneba uyoon, amoonolla ta noonooch bechaano taane.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.