Mishiraachechinaꞌo 1:16 - Kafa Linguistics Project

¹⁶ “Ta maneenaꞌote! Ebiyee aaf Daawitin Yaafe Ayaano shalligichaa, Yesuusin yechiti asheenaꞌon dabbiiꞌi deebiti Yihudichi mooyon keemmitone. Hini bi keemmiti macaafee qaaro ceenn bedo bi tunetoyich ceennitone.

Mishiraachechinaꞌo 1:16 ပူးပေါင်းရင်းမြစ်များ

2 Saameeli 23:2

“Doono Yeerichi Ayaano ta gettemmon taach gettiye; bi qaaro ta noonooch tunehe.

2 Taateenaꞌo 15:12

Doono Yeeri Yehich, “Ne yareenaꞌo awudde shiijjerooch beddaahaa, Israꞌeelee taatee qeenooch kotemminaꞌone” iꞌi bi gettito, ebina ceenniye.

Shoddo 41:9

Ta gibeneti ta katini xiboo ta koshon taanna tookkii maato, ta toommooch tiyiye.

Maatiyoosi 26:14

Ebiyee gubb, aaraa gutte bi dabbeenaꞌoochee ikkoo tuneti Asqorootechi Yihudi, qeeshee ukkireenaꞌo waan hammiꞌi,

Maatiyoosi 26:47

Yesuusi ishin yibbaatee bi beetaa, bekkech aaraa gutteexi ikkoo Yihudi shaggiye. Biinna tookkii dofee asheenaꞌo goraadoonaa yeelloonon yechiꞌi waaheete. Boonoshiyoo qeeshee ukkireenaꞌonaa showee geeneenaꞌona waanee wochetaa waatinaꞌone.

Maatiyoosi 26:54

Ishigaata, Yaafe Macaafoochaa ‘Ebi tunemmone’ getteeto aabichiree ceennehe?” iye.

Maatiyoosi 26:56

Tunebaani ebi bulli bi tuneto, keemechinaꞌo kooriti Yaafe Macaafee qaaro bi ceennemmoyichiye” iye. Arooba bi dabbeenaꞌo bulli biin duppiichii aalleheete.

Maariqoosi 12:36

Daawiti bi qelloona Yaafe Ayaano biich shalligichaa, ‘Doono Yeeriyoo ta Doonon, “Ne etteenaꞌon ne baatee dechiich ta dichimmi wottoon ta qannooch kotebe” itone’ iye.

Maariqoosi 14:43

Yesuusi ishin yibbaatee bi beetaa, bekkech aaraa gutteexi ikkoo Yihudi shaggiye. Biinna tookkii dofee asheenaꞌo goraadoonaa yeelloonon yechiꞌi waaheete. Boonoshiyoo qeeshee ukkireenaꞌo, Muusichi Sheeree dojjechinaꞌonaa geeneenaꞌona waanee wochetaa waatinaꞌone.

Luqaasi 22:47

Yesuusi ishin gettii bi beetaa bekkech aaraa gutteexi ikkoo Yihudi meeti asheenaꞌon dabbiiꞌi shaggiye; aroochee shumma iꞌi Yesuus waan giddehe.

Yowannisi 10:35

Yaafe Macaafee qaaro shaddeyoon hakkaache; hini bi qaaroon waayetinaꞌon, Yeeri ‘Ittoshiyoo nuggishoo ittoshine’ bi itoyeena,

Yowannisi 13:18

“Ittoshi bullichon toonoone ta gettaabeeto; ta kaacceti asheenaꞌon ariibeeto taane. Tunebaani Yaafe Macaafoochaa ‘Taanna tookkii geecheꞌi maabeeto taan kocha tiyiye’ iibeeti qaaro ceeno qaawiihe.

Yowannisi 17:12

Boonoshina tookkaa showee toommooch ta beehooba, taach ne immeti ne shigoona ta boonoshin quyeto taane, shiweto taane. Yaafe Macaafooch kooreeto ceennemmoyich, aalloyich kaacheti are uroyee damba koniyoona aalleyaanoone.

Yowannisi 19:36

Ebi bi tuneto, “Bi shaawushoochee ikkolla tiisheyaachemmone” getteeti Yaafe Macaafooch kooreeti qaaro ceennemmoyichiye.

Mishiraachechinaꞌo 1:20

Pheexiroosiyoo daakkiꞌi, “Ebich Shoddee Macaafoochaa, ‘Bi beeyi xaaꞌoo shokko echebe; arooch koniyoona gafaaye,’ wotta ‘Bi ukkirittinoon baroo ukkirebe’ getaa kooreetone.

Mishiraachechinaꞌo 13:15

Muusichi Sheeroonaa keemechinaꞌo kooriti macaafoonoochee bi shemmeetoyee gubb, Ayihudeenaꞌo kiceebeeti kechi ukkireenaꞌo boonoshi waan ashoon daachiiꞌi, “No maneenaꞌote, asheenaꞌon kupphiyemmi qaaro beegaata, getote” iyeete.

Mishiraachechinaꞌo 13:38

“Illa ta maneenaꞌote! Ittoshi axaaxoyich maaroon ittoshi danemmo Yesuusina tuno ittoshich bi getteyoon ariibote.

Mishiraachechinaꞌo 15:13

Boonoshi yibbaatoon boonoshi ciichitoyee gubb, Yaaqobi tiyiꞌi ishichiye: “Ta maneenaꞌote! Elle waayebote!

Mishiraachechinaꞌo 15:7

Oogichii boonoshi yibbaatetoyee gubb, Pheexiroosi tiyiꞌi ishichiye: “Ta maneenaꞌote! Aageteenaꞌo ta noonoochee mishiraachee qaaroon waayeree Yesuusi toommooch mulloon boonoshi tooꞌiyemmoyich, Yeeri meeti natoyee aaf ittoshi daggoochee taan bi kaacon ariibeeto ittoshine.

Mishiraachechinaꞌo 2:23

Ebiyee Yeeri bi hajjee shalligoonaa bi ariyoona ittoshich beshiitaa bi ichemmoyich shiichiꞌi maaccitone; ittoshiyoo gonde asheenaꞌo kishoona yooddiiꞌi wuxiihote.

Mishiraachechinaꞌo 2:37

Asheenaꞌo ishin waayeꞌi, boonoshi mulloona xeejjii miijjiyeete. Pheexiroosinaa bare mishiraachechinaꞌonon “No maneenaꞌote, ebich and aabichibona?” iꞌi echeheete.

Mishiraachechinaꞌo 22:1

“Ta maneenaꞌonaa ta niheenaꞌonote! And hini ta taggaabeeti taggeechon ittoshich ta getaa elle waayebote” iye.

Mishiraachechinaꞌo 23:1

Arooba Phawuloosi Ayihudee nallechinaꞌon manjii ciinniꞌi, “Ta maneenaꞌote! Hanaach beddaahaa Yeeri aafoochaa ta shuuneti shuunoyich ta mullo taan ittibateyaache” iye.

Mishiraachechinaꞌo 23:6

Tunetaa Phawuloosi arooch beeti, Ayihudee nallechinaꞌo daggoochee qatinaꞌo Saduuqeenaꞌo, qatinaꞌoo Fariseenaꞌo boonoshi tunoon ariiꞌi, bi qaaroon oogichiꞌi, “Ta maneenaꞌote! Ta, Faariisee shiijjeroo tuneti Farisoo taane. Ebiyoo hanaach ittoshi aafooch ta giddeto, ‘Qititinaꞌo tiyemminaꞌone’ iyaꞌa ta gibenetoyichiye” iꞌi gettiye.

Mishiraachechinaꞌo 28:17

Keejje qemoyee gubb, Phawuloosi Room beeti Ayihudee ogoogeenaꞌon bi waan ceekkiihe. Boonoshi waa kiceetaa, ishichiye: “Ta maneenaꞌote! Ta, Ayihudeenaꞌonaa no qaabbechinaꞌo sheeroonochi toommooch ta gondeti gondo aalloone; tunetaa Yerusaalemee cuchiꞌi Roomechinaꞌo kishooch beshiiꞌi taan immiyeete.

Mishiraachechinaꞌo 28:25

Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:

Mishiraachechinaꞌo 7:2

Isxifanoosi wochiꞌi ishichiye: “Ta maneenaꞌonaa ta niheenaꞌonote, waayebote. Oogee yiirechi Nuggishoo, no nihoo Abrahami Karaan hammii koteyaan bi beetaa, Mesopotaamee showoochaa biich bekkeꞌi,

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

2 Pheexiroosi 2:21

Cadiqee gommon boonoshi ariitoyee gubb, boonoshich icheti yaafe getoochee gubb boonoshi wottoyee, are cadiqee gommon boonoshi ariyaan gaata, boonoshich gaaweshone.