Milikiyaasi 4:2 - Kafa Linguistics Project

² Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Milikiyaasi 4:2 ပူးပေါင်းရင်းမြစ်များ

2 Saameeli 23:4

biyoo maaddee yaaꞌeexi bekkoommo, qubo aalli maaddoona bekkeebeeti aaboommo, amiyo shaannitoyee gubb, mocee toommooch bekkeebeeti waccoommone’ iye.

Shoddo 103:3

Ne axaaxoo bullin maariibeeto ne biiyo bullin wodiibeeto,

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 61:5

Yeero, ta mookkoon waayehine; neech shattii beetinaꞌoyich ne tuniyaa beetoommon, iristoon taach immehine.

Shoddo 67:1

Yeeri noon maaribe; noonoo diiribe; bi aafoon no toommooch biriibe.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 85:9

Iberoochaa bi wodiyoo biin shattii beetinaꞌoyich katinoone; ebich bi oogee yiiroo no showooch ceennemmone.

Shaahiyoo 4:18

Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 35:6

Baata tiisheenaꞌo xiixxechoommon capphemminaꞌone; dudoochi heciyoo emiroona shoddemmone; aaco barahoochee kechemmone; aachi xuupho barahoochee xuupphemmone.

Isiyaasi 50:10

Ittoshi daggoochee, Doono Yeerin shattii beetonaa bi guunochi qaaroyich deꞌa ii beetona, konine? Manderoona shaꞌeebeeto, bekko biich bekkeyaano, Doono Yeerin gibenebe; bi gibenoonoo bi Nuggishoo toommooch gede.

Isiyaasi 53:5

Tunebaani bi, no xuꞌee naboona kochee mayehe; no axaaxee naboona yiikkeehe; bi naxeetaa no wodoon danehone; bi mayona no wodiyone.

Isiyaasi 9:2

Manderoona shaꞌeebeeti asho oogeti bekkoon beeggiye; qitee yiirechi showooch kotetinaꞌoyichoo, bekko bekkehe.

Erimiyaasi 17:14

Doono Yeero, ta galleto ne tunetoyich taan wodiibe; tawoo wodemmo taane; taan shiwebe; tawoo shiweyemmo taane.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Hiziqeeli 47:12

Aachi gashooch, okkinaa hachinooch aafo manjeebeeti mixinaꞌo beeyemminaꞌone; boonoshi waamo shoollaachemmone; boonoshi aafoo ooyaachemmone; yaafee kexoochee kechiti aacon danee beetinaꞌo boonoshi tunetoyich agen agenoona aafoon aafemminaꞌone; boonoshi aafo maayoon, boonoshi waamo attoon tunemmone” iye.

Hosee'i 6:1

Asheenaꞌo ishichiyeete: “Ittoshi waataa Doono Yeer waan wottebone. Bi noon tiichitone; bi noon guuci wodiyemmone. Bi noon mayiitone; bi noon wodiyemmone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

Luqaasi 1:50

Shiijjeroochee shiijjerooch beddaahaa Yeerichi ariqqo biin shattii beetinaꞌoyich beeyemmone.

Luqaasi 1:78

No Nuggishoo maaco shaacaani ariqqechone; ebich maaddee aabo keyoommon damba shimaayoochee keyiree no waan woyemmone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:4

Aroo bi qelloona kashechone; are kasho ashoyich bekkoone.

Yowannisi 1:8

Ebi bekkoochon miixeya waahalli, aroo bi qelloona are bekko toonoone.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

Yowannisi 9:4

Areddoo beetaa, taan wocheti Yeerichi shuunoon tuniyoo nooch qaawiihe; koniyoona shuunoon hakkaachemmi xumo woyemmone.

Mishiraachechinaꞌo 13:26

“Andoo hini Abrahamichi yaroo tuneti ta maneenaꞌote, wotta no daggooch beeti, Yeerich hajjeebeeti Aageteenaꞌote, Yeeri hini no wodemmi qaaroon nooch deejjitone.

Mishiraachechinaꞌo 13:47

No hammaabeeti naboo, Doono, ‘Showee toommo bulliich beddaahaa beeti asheenaꞌo neenna wodemmoyich, Aageteenaꞌoyich neen ceechoo tuniito taane’ iꞌi nooch bi gettitoyichiye” iyeete.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

2 Tasaloonqi 1:3

No maneenaꞌote! Yeeri toommooch mullee tooꞌiyoona oogichii ittoshi diccii beetoyich, ittoshi ikkikkoyich ittoshinaa ittoshina shuneebeeti shuno woddee woddee bi qeyii beetoyich, bulli aaboon ittoshi naboyich Yeerin galleto nooch qaawiibeeti mooyone; wotta ebiyoo no tuniiya bede mooyone.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 2:8

Tunebaani andire mooyon ittoshich kooraabeeto taane; ebi are mooyo Kiristoosi shuuneti mooyonaa ittoshi shuuneebeeti mooyona iberoo bi tuno bekketone. Bi bekkeebeetoo, manderoo beshee beetonaa ibere bekko harii bekkee bi beetonoyichiye.

Yaaꞌoo 11:18

Aageteenaꞌoo oogichii kaareheete; tunebaani ne kaaroo kindiye; qititinaꞌo toommooch ne nallemmi yemeeno shaggitone; neech maddeebeeti ne keemechinaꞌonaa ne shigoon oogiibeeti yaafeenaꞌonoyich, gishiisheenaꞌonaa ogoogeenaꞌonoyich, boonoshi shuunee gatiyoon ne qoccemmi, showoon aalliyechinaꞌon ne aalliyemmi, yemeeno shaggitone” iyeete.

Yaaꞌoo 2:28

biichoo haree xojjenoon immemmo taane.

Yaaꞌoo 22:16

“Ta Yesuusi kittinnee guuphinaꞌo tuneti ittoshich ebi bullin bi gettemmoyich ta maraakoon wocheto taane. Daawitichi colloonaa yaroona taane; aaxxeebeeti haree xojjenoommo taane” iye.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.