Milikiyaasi 4:1 - Kafa Linguistics Project

¹ Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Milikiyaasi 4:1 ပူးပေါင်းရင်းမြစ်များ

Iyoobi 18:16

Biyoo, dechi bi cammo qitiibeeti, tookki bi waamo shuuqqiibeeti mixoommon, tunemmone.

Shoddo 119:119

Showee toommeexi gondeenaꞌon guudoochoommon aalliyemmo neene; ebich ne qociyoon shunnehoye.

Shoddo 37:9

Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.

Keyo 15:7

Oogeti ne oogee yiiroona ne toommooch tiyitinaꞌon duppaabeeto neene. Ne kaaree shiixxoonoo kindiibeeto neene; galloon michoommon boonoshin michaa beetone.

Isiyaasi 40:24

Boonoshiyoo batt colleebeeti, cammon awureyaani bechoomminaꞌone; yongoon bi deejjimmona bekkech shuuqqemminaꞌone; maaxxoochoommon yongo boonoshin hidii daammiye.

Isiyaasi 41:2

“Aabi-keyo waanee ikkoon tiijjito, bi hammito bulliichaa wudoon daniito konine? Aageteenaꞌon bi aafooch beshiiꞌi immiye; taateenaꞌoo biich hajjeyemmoyich tuniihe; bi goraadoona boonoshin quttoon tuniihe; bi maꞌoonoo yongo daammiibeeti maaxxoon tuniihe.

Isiyaasi 47:14

Boonoshi galloomminaꞌone; qaaqqoo boonoshin michemmone; qaaqqee aaxxoochee boonoshin wodiyoon hakkaacheete; ebiyoo asho kachiibeeti gachoommo woyee asho bi aafooch koteebeeti qaaqqoommo toonoone.

Isiyaasi 5:24

Beshe Mawe Doono Yeerichi sheeroon boonoshi hoxetoyich, Israꞌeelee yaafoo gettitonoo boonoshi qallayitoyich, guudoon qaaqqoo mamoommon, galloon qaaqqee aaxxo michii aalliyoommon, boonoshi xeppho oqqemmone; boonoshi bungoo shuuꞌiree quttoochoommon kaama quttemmone.

Isiyaasi 9:18

Gonde shuunoo, guccinonaa angixonon michiibeeti qaaqqoommone; manje shaaroo micaa tuqii kaama kechiibeeti cufoommone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 21:32

Qaaqqoyich mixon tunemmo neene; ne damoo ne showoochaa ufemmone; wochinnoon shalligeyaachemmo neene; Doono Yeeri ta ebin getteto taane’ itone gete” iye.

Hiziqeeli 24:11

Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone.

Hiziqeeli 34:17

“ ‘Nuggishoo Doono Yeeri ta ishichiyoye: Ta bageenaꞌote, bagoonaa bagoonochi daggooch, bagee baaddeenaꞌonaa emmisheenaꞌonochi daggooch nallemmo taane.

Hiziqeeli 7:10

“Ebiyoche deco! Israꞌeeli aallee aabo shaggitone; xuꞌoonaa hukkoona woddetone; geecoo diccii oogetone.

Yoꞌeeli 2:1

Doono Yeerichi aabo waa beetone; ebiyoo katinnitone. Tsiyoonaa tiroon (waaringoon) hugote! Shametoonoo Doono Yeerichi yaafe geppoochaa hugote! Yihudee showooch beetinaꞌo bulli qewebeete.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Amootsi 2:9

“Ta asheenaꞌote, ittoshicha iyaꞌa yigoommi genjeenaꞌo, uxeree mixoommi manjeenaꞌo tuneti Amooree asheenaꞌon cammona waaxeree boonoshi aallemmoyich tuniihoye.

Abidiyi 1:18

Yaaqobichi kechi asheenaꞌo qaaqqoon, Yooseefichi kechi asheenaꞌo qaaqqee aaxxoon tunemminaꞌone. Esayichi kechi asheenaꞌo galloon tunemminaꞌone; galloon michoommon boonoshin michi aalliyemminaꞌone. Esayichi kechi asheenaꞌo daggoochee murici wodemmo daneyaachemmone” itone Doono Yeeri.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Sofoniyaasi 1:14

Shattiiti Doono Yeerichi aabo katinnitone; oogichiꞌi katinnitone; afaafineꞌi shaggitone. Ebi are aabo caammiti aabo tunemmone. Ebi arooba giidechi ginee naayo bi gibenemmon mucceree oogichi cookemmone.

Sofoniyaasi 1:18

Doono Yeerichi kaaree aabooba, boonoshi aachoonaa birewoona boonoshin wodiyoon hakkaachemmone. Qaaqqoo aaxxoommon aaxxeebeeti bi qanaatee kaaroona showoo bulli mici aallemmone. Showee toommooch beeti asheenaꞌo bulli toommooch diqqoona aalloon deebemmone.

Zakaariyaasi 14:1

Doono Yeerichi nallee aabo waa beetone. Boggechinaꞌo ittoshi waanee boonoshi boggiton ittoshi ciini beetaa qoodeyemminaꞌone.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Milikiyaasi 3:2

Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Milikiyaasi 4:5

“Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Luqaasi 19:43

Gonde moochechi aabo ittoshi toommooch woyemmone; ittoshi etteenaꞌo ittoshin kocha getiree ittoshi katemee guudoon iicheti showee gutoona uxereechi ittoshin kaappemminaꞌone; ittoshi guudoona guudiree bulli gommon hiccemminaꞌone.

Luqaasi 21:20

Yesuusi daakkiꞌi ishichiye: “Yerusaalemin ginee naayinaꞌo guuddii boonoshi giishaa ittoshi beegiyooba, arooba biich aallee shagon ariibote.

Luqaasi 6:23

“Ebiyee aaf boonoshi qaabbechinaꞌo ebiyoommon keemechinaꞌon duꞌiitinaꞌone; ebich ooge wojjoon shimaayoochaa Yeeri ittoshich immemmo bi tunetoyich, ittoshin boonoshi duꞌiimmi aabooba emiroona wucwucote; caphebote.

2 Tasaloonqi 1:8

Arooba qaaqqee aaxxoona waaree, Yeerin ariyoo qaawaaneenaꞌonaa no Doono Yesuusichi mishiraachee qaaroyich deꞌa getaaneenaꞌonochi toommooch nichoon kichemmone.

2 Pheexiroosi 3:7

Are qaaroona wotta and hini beeti showoonaa shimaayoona Yeerin oogiyaani asheenaꞌo aallemmi nallee aabooch beddaahaa qaaqqoyich quyeetinaꞌone.