Milikiyaasi 3:7 - Kafa Linguistics Project

⁷ Ittoshi qaabbechinaꞌochi yemeenoochee tiijjiꞌi ta sheeroochee ikito ittoshine. Aroonoo quyeyaano ittoshine. Ta waan wottebote; tawoo ittoshi waan wottemmo taane. “Tunebaani ittoshi ‘No wottemmo aabichireeshiye?’ ito ittoshine.

Milikiyaasi 3:7 ပူးပေါင်းရင်းမြစ်များ

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Erimiyaasi 16:11

Newoo boonoshich ishichibe: ‘Ittoshi qaabbechinaꞌo taan boonoshi qajjitoyichiye, iye Doono Yeeri. Bare nuggisheenaꞌon dabbiyeete; boonoshich maddeheete; goyinneheete; taanoo qajjitinaꞌone; ta sheeroonoo quyeyaaneenaꞌone.

Erimiyaasi 16:12

Ittoshiyoo ittoshi qaabbechinaꞌoyee beshe gondoon tuniito ittoshine; ittoshi bulliyolla babbereꞌi ittoshi gonde gaboo waan wotteto ittoshine; taachonoo waayeyaano ittoshine.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 7:25

Ittoshi qaabbechinaꞌo Gibitsee boonoshi kechitoochee tiijjii hanaach beddaahaa, qemi qemona ta maddechinaꞌo tuneti keemechinaꞌon ittoshich deejjii beehoye.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Hiziqeeli 2:3

Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone.

Hiziqeeli 20:13

“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Hiziqeeli 20:21

“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 20:8

“ ‘Tunebaani boonoshi taachon waayemmon qajjiichii ta toommooch hukkoon tiijjiyeete. Boonoshi bulliyona oogichii boonoshi shunniibeeti ciigiiti mooyon wokkiyaaneenaꞌone; Gibitsee showeexi shahalleenaꞌonoo qayaaneenaꞌone. Tawoo Gibitsee showooch boonoshi beetaa ta kaaroon kindiiya, ta neboonoo deejjiya gabito taane.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Zakaariyaasi 1:3

Tunebaani and ittoshich gettoye: Ta waan wottebote; tawoo ittoshi waan wottemmo taane.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 3:13

Doono Yeeri ishichiye: “Ta toommooch kupphe yibbaatoon yibbaateto ittoshine. “Tunebaani ittoshi ‘Ne toommooch ama iyaꞌa yibbaatehone?’ ito ittoshine.

Maatiyoosi 23:27

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Maachi maashee toommooch hagaa booroona dikkeeꞌi boonoshi malletetaanona, boonoshi maacooch qititi asheenaꞌochi shaawushoonaa eeꞌe mooyona ceenniti maashee toommeexi kexinaꞌon shaahoo ittoshine.

Luqaasi 15:16

Aroochaa gudininaꞌo maabeeti mooyoochee maaya qaatiibee shaacoona xuuxee beehe; tunebaani amoonolla biich immemmo aalloone.

Roomi 10:21

Tunebaani Israꞌeeleenaꞌochon, “Yeeri ‘Maaddoochee xum beddaahaa taach deꞌa getaani hukkechi asheenaꞌoyich ta kishoon yaggiyoye’ itone” iye.

Roomi 10:3

Ashoon Yeeri aabichiree bi cadiqiyemmo gaata tuushiichii, boonoshi qelli shuunoona cadiqoyich qaawiꞌi Yeer waanee daneebeeti cadiqoyich hajjeyaaneenaꞌone.

Roomi 7:9

Tawoo wonna sheeroo icheyaan beehooba, kashecho taane; tunebaani sheeroo gettiibeeti mooyo shagaa, arooba axaaxoo giidoon danehe; tawoo qitiyo.

Yibbaatoo 31:20

Boonoshi qaabbechinaꞌoyich imma ta wogeti, ejjoonaa eeyona xuupphiibeeti showooch boonoshin ta deebetoyee gubb, maa michiꞌi boonoshi aangitoyee gubb, taan qayi, taanna tookkii boonoshi giyiti wogoon biishiree, bare nuggisheenaꞌo waan wottemminaꞌone.

Yaaqobi 4:8

Yeer waan katinote; biyoo ittoshi waan katinnemmone. Hini axaaxechinaꞌote, ittoshi kishoon xalliibote. Gutte gabechinaꞌote, ittoshiyoo wotta ittoshi mulloon xalliibote.