Milikiyaasi 3:6 - Kafa Linguistics Project

⁶ Beshe Mawe Doono Yeeri ishichiye: “Doono Yeeri ta, shaddeyaachemmo taane. Yaaqobichi yareenaꞌote, ebich aalleyaano ittoshine.

Milikiyaasi 3:6 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 15:7

Aroochee Doono Yeeri Abraamich “Hini showoon ne woraashemmoyich neech imma, Kalideenaꞌo showooch beeti Uuri katemoochee neen kichiti Doono Yeeri taane” iye.

Halloo 22:16

ishichiye: “Doono Yeeri ta ishichaꞌa taanna wogaabeeto taane: Ebi mooyon ne tuniitoyich, ne bushoon, ikke mixxe ne bushoon, taach woonaano ne tunetoyich,

Shoddo 102:26

Boonoshi bulliyoo aallemminaꞌone; tunebaani ne beeyemmo neene; boonoshi bulliyoo qoreddoochoommon geenemminaꞌone; geeneti tahoochoommon shaddemmo neene; boonoshiyoo aallemminaꞌone.

Shoddo 102:27

Tunebaani ne halla neene; shaddeyaachine; ne beemi yemeenoyich ciiro aalloone.

Shoddo 102:28

Ne maddechinaꞌochi bushiisheenaꞌo diggoona beeyemminaꞌone; boonoshi shiijjeroo ne aafooch manjiree beeyemmone” iyo.

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Shoddo 78:57

Wotteꞌi boonoshi qaabbechinaꞌochoommon dawushechinaꞌo tuneheete; qungeti shangoochoommon gibeneyaaneenaꞌo tuneheete.

Isiyaasi 41:13

Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Isiyaasi 46:4

Ittoshi geenemmi wottoon ittoshi Nuggishoo taane; ittoshi bukkemmi wottoonoo, ittoshin miꞌemmo taane. Ittoshin hallito taane; ittoshin miꞌemmo taane; ittoshin shiimemmo taane; wodiyemmo taane.

Erimiyaasi 32:27

“Ta, meeno taheto bullichi Nuggishoo Doono Yeeri taane; iberoochaa taan mawemmi mooyo beete?

Daaneeli 6:26

Ta taatee showoo bullichi daggooch beeti asho bulli Daaneelichi Nuggishoo Yeerin bi shattemmonaa bi oogiyemmonoyich awaajjoon kichito taane. “Biyoo bulli yemeenoon beeti, beeyechi Nuggishoone; bi taatittinoon koniyoona ciroona aalliyoon hakkaanoone; bi hajjiibeetoo ciirooch beddaahaane.

Hosee'i 11:9

Ta kaaree shiixxoon ne toommooch kindiyaachemmo taane. Efreemin wochinnoon aalliyaachemmo taane. Ebiyoo boonoshi daggooch beeti, Yaafe Nuggishoo ta tunetoyich, asho tuno ta qajjetoyichiye. Naxoona ne waan waataachemmo taane.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Haddoo 23:19

Kootoon bi koottemmoyich, Yeeri asho toonoone. ‘Amoyich ebin tuniitote’ bi gettemmoyich, ashi bushoo toonoone. Bi gettiton, aroon tuniihe; bi gibenikkiton, aroon ceechiye.

Roomi 5:10

Yeerichi shixecho tunaꞌa no beetaa, bi bushoochi qitoona Yeerina tookkaa shuneto noone; illa and no shunetoyee gubb, Kiristoosi kashecho bi tunetoyich, wodemmo no tuno manjoone.

Filipphisiyoosi 1:6

Ebi gaawe shuunoon ittoshina shuunooch giyiti Yeeri, Yesuus Kiristoosi wotteree bi woyemmi aabooch beddaahaa are shuunoon shuune ciichemmo bi tunoon manjiiꞌa ariito taane.

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 22:13

Alfoonaa Oomeegoona, Aafichonaa Gubbichona, Shiichoonaa Tacona taane” iye.

1 Saameeli 15:29

Israꞌeeleenaꞌochi oogee yiiroo tuneti Yeeri kootaache; bi gaboonoo shaddaache. Bi gaboon bi shaddemmoyich, bi asho toonoone” iye.