Milikiyaasi 3:5 - Kafa Linguistics Project

⁵ “Ittoshi toommooch nalliya, ittoshi waan woyemmo taane; iicechinaꞌochi, shunimaayeenaꞌochi, kootoon wogee beetinaꞌochi, shuunechinaꞌochi shumaayoon bajjii beetinaꞌochi, xuumeenaꞌonaa nihaalleenaꞌonon xuqqii beetinaꞌochi, shiqqoon shiqqii beetinaꞌonaa taan shataaneenaꞌonochi toommooch nallemmo taane” iye Beshe Mawe Doono Yeeri.

Milikiyaasi 3:5 ပူးပေါင်းရင်းမြစ်များ

Halloo 20:11

Abrahamiyoo Abimeleekich ishichiye: “ ‘Hiniich Yeerin shattiibeeti asho aalloone; asheenaꞌo ta mecheyicha getiree taan wuxemminaꞌone’ iyaa ta gabitoyichiye.

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Iyoobi 31:12

Ebi aroo, michii aalliibeeti qaaqqoon taach tuneshone; ta yaaphoonoo aalliyeshone.

Iyoobi 7:2

Boonoshiyoo gaawe yiiroon qaawiibeeti guunoomminaꞌo, bi shuunee gatiyoon deqqa quyeebeeti gichechoomminaꞌo, tooneenaꞌone?

Shoddo 36:1

Axaaxecho gonde mooyon bi mulloona gabiye; Yeerin shato bi aafooch aalloone.

Shoddo 81:8

“Ta ashoocho, ta meeqqeqqoon waayebe; Israꞌeelo, taachon ne waayegaata amo beete!

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Keyo 1:17

Tunebaani ebi yechii shiijjechi genneenaꞌo Yeerin boonoshi shattitoyich, Gibitsee taatoo gettiti ebi mooyon tuniyaaneenaꞌone; anaami bushiishoon wuxaanoon qajjiyeete.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Keyo 20:7

“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Keyo 22:20

“Doono Yeeri tayee bare nuggishoyich deejjoon deejjiibeeto koniyoona wuxaa aallebe.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 57:3

“Hini qaaxechichi bushiisheenaꞌote, hini shunimaayoonaa yahechinochi yareenaꞌote, hach giddebote.

Erimiyaasi 23:10

Showooch shunimaayeenaꞌo ceennitinaꞌone; ufi naboona showoo baggitone; baraheexi moceenaꞌo shuuqqitinaꞌone; keemechinaꞌo gonde mooyon dabbiyeete; boonoshi hakkoonoo tateyaani boochoona gaachetinaꞌone.

Erimiyaasi 27:10

Ebiyoo ittoshi showoochee kecaa wohi showooch ittoshi hammemmoyich, tawoo ittoshin ta yookkemmonaa ittoshi aallemmonoyich koote keemoon boonoshi keemmii beetoyichiye.

Erimiyaasi 27:9

Ebich “Baabloonee taatoyich hajjeyaachemmo ittoshine” ii beeti ittoshi keemechinaꞌon, kaayechinaꞌon, gumon maaccechinaꞌon, qaaxechinaꞌonaa mareccee maaccechinaꞌonon waayeyaahote.

Erimiyaasi 29:23

Ebiyoo Israꞌeeleenaꞌo daggooch yeexeree mooyon boonoshi tuniitoyich, boonoshi giyeenaꞌochi mecheenaꞌona tookkii boonoshi shadditoyich, boonoshich ta getaani qaaroon ta shigoona kootoon boonoshi gettitoyichiye; ebinoo ta ariibeeto taane; miixoo taane” iye Doono Yeeri.

Erimiyaasi 42:5

Aroochee Erimiyaasich ishichiyeete: “Ne Nuggishoo Doono Yeeri neenna no waan bi deejjimmi qaaro bulliyoommona tuniyoo no qayigaata, Doono Yeeri no toommooch iberoonaa gibeneeti miixoona tunebe.

Erimiyaasi 5:2

‘Beeyechi Doono Yeeri beege’ ii boonoshi wogeebeeto kootooniye” iye.

Erimiyaasi 5:29

“Ta, Doono Yeeri ebi mooyinaꞌoyich boonoshin nax bedaachote? Ebiyoommi aageteenaꞌo toommooch, ta qelloona nichoon kichiya bedaachote?

Leweenaꞌo 19:13

“ ‘Neenoommi ne manoon xuqqaahine. Biin boggaahine. “ ‘Shuunoon ne shuuniiti ashi caajjee gatiyoon qocaanoon qeejjiyaahine.

Leweenaꞌo 20:10

“ ‘Ikke asho, ashi mecheena tookkii shunoo bi maagaata, uroonaa ureena boonoshi guttiyona qitibeete.

Leweenaꞌo 20:27

“ ‘Ittoshi daggoochee ikke asho, anaamo tuneba maachee, qititi ashoona tookkii yibbaateebeeto woyee allaamoo bi tunegaata, qitibe. Boonoshiyoo xaqqoona yexaa qitibeete. Boonoshi damoyich koniyoona echeyaachemmone’ itone gete” iye.

Leweenaꞌo 20:6

“ ‘Ikke asho, taan qajjiꞌi, qititi ashoona tookkii yibbaatee beetinaꞌonaa allaameenaꞌona waanee echii waayeya bi hamigaata, are ashoyich etto tunemmo taane. Bi asheenaꞌo daggoochee kichaa bi yookkeyemmoyich tuniyemmo taane.

Mikiyaasi 1:2

Haanoshite, aageteenaꞌote, ebin waayebote! Showoonaa bi daggooch beetinaꞌonote, ebin ellebote! Yeeri yaafe bi kexooch beechii, Nuggishoo Doono Yeeri ittoshi toommooch miixee beetone.

Imbaaqoomi 1:12

Yaafe ta Nuggishoo Doono Yeero, ne, bulli yemeenoon beeyechi Nuggishoo neene. No qitaachemmo noone. Doono Yeero, no toommooch boonoshi nallemmoyich Baablooneenaꞌon kaaccehine; no Xaqqee Inderoocho, noon boonoshi sheeremmoyich boonoshich giidoon immeto neene.

Zakaariyaasi 11:12

Aroochee ta boonoshich ishichiyo: “Ittoshich gaaweto tuneꞌi bi bekkegaata, ta shuunee gatiyoon taach qocote; tunebaani ittoshi qayenoo qayote” iyo. Boonoshiyoo ta shuunee gatiyoyich shaashe sheqeelee birewoon taach qocciyeete.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Milikiyaasi 2:14

Ittoshiyoo “No deejjoon deqqemmon bi qajjito amoyichiye?” geti echemmo ittoshine; ebiyoo ne bushittinee mecheyich ne wogeti wogoon ne biishon bi ariitoyichiye. Ne mechee neech nuucheenaa ne wogee mecheena tunaa bi beetaa, Doono Yeeri aafoochaa ne wogeti wogoon biicheto neene.

Milikiyaasi 2:17

Ittoshi yibbaatoona Doono Yeerin shewiito ittoshine. Ittoshiyoo “Aabichaꞌa biin shewiihone?” ito ittoshine. Biin ittoshi shewiito, “Gonde mooyon tuniibeeto bullin Doono Yeeri gaawe aafoona ciinnii beetone; biyoo boonoshina emirii beetone” ittoshi getonane. Biin ittoshi shewiito wotta, “Dayinnetechi Yeeri aaye?” iꞌi echoonane.

Luqaasi 23:40

Tunebaani bare ikkoo tiyiꞌi, “Bi toommooch nalleeti qitee nalloo ne toommooch wotta nalleetone. Illa amoyich Yeerin shataachine?

Roomi 3:8

Wotta ikkikkeenaꞌo “Gaawe mooyo woyemmoyich gondoon shuunebone” ii beeton shaahiiꞌi no shigoon gondii beetinaꞌone. Eboshi toommooch kindemmi nalloo tatoone.

Yibbaatoo 15:13

Gawukkaa ne daachii beegaata, shokke kishoon bi hammemmoyich tuniyaahine.

Yibbaatoo 18:10

Ne daggooch bi bushoon woyee bi busheen qaaqqooch goggiꞌi deejjiibeeto woyee allaamoo woyee kaayecho woyee mareccee maaccecho woyee qooroo,

Yibbaatoo 24:17

“Shiqqeenaꞌonaa nihaalleenaꞌonochi dayinnetoon dabiiyaahine. Xuumeechi tahoonoo yechiyoon tunii deqqaahine.

Yibbaatoo 27:19

“ ‘Shiqqeenaꞌochi, nihaalleenaꞌonaa xuumeenaꞌonochi dayinnetoon dabiibeeto uppeton tunebe’ geteete. “Asheenaꞌo bulliyoo ‘Ameena’ geteete.

Yibbaatoo 5:11

“ ‘Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.

Hibireena'o 13:4

Asho bulli shaageyoon oogiibe; shunimaayeenaꞌonaa yahechinaꞌonochi toommooch Yeeri nallemmo bi tunetoyich, kenoonaa mecheena ikkoo baroyich gibeneetinaꞌo tunebeete.

Yaaqobi 5:12

Ta maneenaꞌote! Bulliyee beshoon ebin gabibote: Shimaayoona tuneba showoona, amee mooyonolla wogeyaahote. Yeeri ittoshi toommooch bi nallaachemmoyich, ittoshi yibbaatoo eeha geto bi tunegaata, eeha baach getote. Toonoone geto bi tunegaata, toonoone baach getote.

Yaaqobi 5:4

Ittoshi maayoon qecciti shuunechinaꞌochi shumaayoon bajjii boggito ittoshine. Ittoshi toommooch boonoshi cookii beeton eke elebote. Ebi ittoshi maayoon qeccii beetinaꞌochi qaaroon Beshe Mawe Doono Yeeri waayetone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.