Milikiyaasi 3:2 - Kafa Linguistics Project

² Tunebaani aroo xuuroon wociibeeti qaaqqoommo, tahoon machii xalliibeeti saamunoommo bi tunetoyich, woyemmi aaboon haaꞌiyoon hakkemmo konine? Bi bekkehoobochi neexoon hakkemmo konine?

Milikiyaasi 3:2 ပူးပေါင်းရင်းမြစ်များ

Halloo 19:28

Sodoominaa Gomoorinon, wotta arooch beeti, bakkeexi showoo bullin dugilla ciinniꞌi, aroochee cufoo miceexi qaaqqee booddoo keyoommon, kechii beetaa beeggiye.

Iyoobi 28:1

“Iberoochaa xure birewoo iiyaa kechiibeeti, aachoo ukkeebeeti xaaꞌoo beetone.

Shoddo 130:3

Doono Yeero, axaaxoon ne yichimmo gaata, ta Doonocho, koni hakki neexeshone?

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 76:7

Doono Yeero, oogeton shattiito neene; ne kaarehooba, ne aafooch neexoon hakkemmo konine?

Shaahiyoo 25:4

Birewoochee osheroon hidibe; gooshukkoo aroona qiicoon shuunemmone.

Isiyaasi 1:18

Doono Yeeri ishichiye: “Ittoshi waataa ittibateebone. Ittoshi axaaxoo uchilloo ceelloommon bi ceelleteenona, kecho naccoommon naccemmone; damoo celloommon bi ceelleteenona, huuttoo naccoommon naccemmone.

Isiyaasi 33:14

Tsiyoon beeti axaaxechi asheenaꞌo shattiyeete; Yeerich qeyaaneenaꞌo qeweheete; boonoshiyoo “No daggoochee michiibeeti qaaqqee daggooch beemon hakkemmo konine? No daggoochee bulli aabooch michiibeeti qaaqqoona tookkii beemon hakkemmo konine?” iyeete.

Isiyaasi 4:4

Doono Yeeri Tsiyooni maache bushiisheenaꞌochi kiinoon machemmone; Yerusaaleminoo bi daggooch ufeti damoona bi wooretoochee, bi nalloonaa bi ayaanee hakkoona xalliyemmone.

Erimiyaasi 2:22

Yingaamona ne machetaanona, ne qellich saamunoon ne woddiitaanona, ne axaaxee kiino and beddaahaa ta aafoochiye” iye Doono Yeeri.

Hiziqeeli 22:14

Neen ta naxehooba kuppheree neexoon hakkenne? Ne mochoo kupphoon hakkehe? Doono Yeeri ta getteto taane; ebinoo tuniyemmo taane.

Daaneeli 11:35

Ebi yiiteenaꞌo daggoochee ikkikkeenaꞌo tepheeree dihemminaꞌone. Ebiichee tiyitona asheenaꞌo xalleenaꞌo, haattee kechitinaꞌonaa muricaalleenaꞌona tunemminaꞌone. Ebi mooyo bi tunemmo, Yeeri maacciti ciireexi yemeeno shaggimmi wottooniye.

Yoꞌeeli 2:11

Bi ginee naayinaꞌo aafoochaa, Doono Yeeri gigeebee, bi qaaroon waayiihe; bi ginee naayo mattiquttoone; ebi bi getoon ceechii beetinaꞌo giidechinaꞌone. Doono Yeerichi aabo oogeton shattii giiriitone; ebi aaboochee wodemmo konine?

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 25:10

“Kemeya boonoshi hammiichaa, woꞌee keno waahe. Qanniꞌi beeti uucheenaꞌo biinna tookkii gaaree kexooch giyiyeete; kello bekkech tuggeehe.

Maariqoosi 9:3

Bi taheti tahoo wacwacciye; showee toommooch koniyoona machiꞌi xalliyoo hakkaani naccittinoon naccehe.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 21:36

Illa hini shagg bedditi mooyoochee ittoshi muriccemmonaa Ashi Bushoo aafooch ittoshin neechemmi hakkoon ittoshi danemmonoyich corootibee, bulli aaboon qanniree quyebote” iye.

Luqaasi 3:17

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Luqaasi 3:9

And qofiyo mixinaꞌochi xepphooch kotetone; illa gaawe aafoon aafeyaani mixo bulli kucheree qaaqqooch duppeyemmone” iye.

Luqaasi 7:23

Ta mooyona axiraacheyaano bulli diireetone” iye.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

Yaaꞌoo 19:8

Bagoochi woꞌechoo muttee tuppoochee cicii yokketaa shippeti, wacciibeeti xalle tahoon bi tahemmoyich ichehe” iye. Ebi are muttee tuppoochee cicii yokketaa shippeti taho yaafeenaꞌo shuuneti cadiqee shuunee shaahiyoone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 6:17

Shattii giiriiti boonoshi kaaree shiixxee aabo waatone; konine neexoon hakkemmo?” iyeete.

Yaaꞌoo 7:14

Tawoo wochaꞌa biich “Ta doonocho, neene ariibeeto” iyo. Taach ishichiye: “Eboshi magge xuuxoochee waatinaꞌone; boonoshi tahoonoo Bagoochi damoona machiꞌi naccoo tuniitinaꞌone.

1 Saameeli 6:20

Ebina Beet Shemeeshi asheenaꞌo “Ebi Yaafe Nuggishoo Doono Yeeri aafooch neexoon hakkemmo, konine? No waanee bi wokkemmoyich, taabootoon koni waaniye no daachiyemmo?” iyeete.