Milikiyaasi 2:7 - Kafa Linguistics Project

⁷ “Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Milikiyaasi 2:7 ပူးပေါင်းရင်းမြစ်များ

2 Taateenaꞌo 16:11

Qeeshoo Uuriyiyoo taatoo Akaazi Damaasiqee biich bi deejjiti misiloommon deejjee gudoon shuunehe. Taatoo Akaazi wottoyee shiichiꞌi qanniihe.

2 Taateenaꞌo 16:16

Qeeshoo Uuriyi taatoo Akaazi biich gettito bulliyoommon tuniihe.

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

2 Kiinoo 31:4

Qeesheenaꞌonaa Leweenaꞌona boonoshi shuunee aabo bullin Doono Yeerichi sheeree maddooch boonoshi heechiyemmoyich, Yerusaalem beeti asheenaꞌo boonoshi qoodoon boonoshi immemmoyich, gettiye.

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Iziri 7:25

“Iziro, newoo ne waan beeti ne Nuggishoochi shalligoommona Efiraaxisee beqachi woraafooch beeti, ne Nuggishoochi sheeroon ariibeeti asheenaꞌo toommooch ukkireenaꞌonaa nallechinaꞌonon ukkiriibe; ebi sheeroon ariyaaneenaꞌoyichoo dojjibe.

Shaahiyoo 5:2

Ebiyoo gaawe gabecho ne tunemmonaa ne noonoo ariyoon bi yibbaatemmonoyichiye.

Dojjecho 5:5

Mookkaachaa ceechoo ne qayoyee, ne mookkeyaano gaata gaawiye.

Isiyaasi 42:19

Ta guunoyee besh wolloo konine? Ta daachiyemmi wocheyechoyee besh ulloo konine? Taach gibeneeti ashichoommon, wolleto, Doono Yeerichi guunochoommon wolloo konine?

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Erimiyaasi 15:19

Ebich Doono Yeeri ishichiye: “Ne wottegaata, neen wochemmo taane; ta aafoochoo neexemmo neene; qocechi yibbaatoon qocaalloyee bariyaꞌa ne yibbaategaata, ta noonoommon tunemmo neene. Boonoshi ne waan wottebeetani, ne boonoshi waan wotteyaahine.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 2:8

Qeesheenaꞌoo ‘Doono Yeeri aaye?’ getaaneenaꞌone; sheeree dojjechinaꞌoo taan ariyaaneenaꞌone; qeejjechinaꞌoo ta toommooch hukkeheete; keemechinaꞌoo, gaacaalli mooyon dabbiꞌi Baꞌaaloochi shigoona keemoon keemmiyeete.

Hiziqeeli 22:26

Bi qeesheenaꞌo ta sheeroon shaaddeheete; ta yaafee kechi mooyinaꞌon eeꞌiiheete; yaafeetonaa yaafeyaanoonon bariyaacheete; xalloonaa eeꞌoonochi daggooch beeti barbarittinoon dojjaacheete; ta shambetoon qallayiyeete; ebina boonoshi daggoochaa qallayehoye.

Hiziqeeli 7:26

Naxee toommooch naxo woyemmone; woree hilloochoo woroo woyemmone; keemechinaꞌo waanee yaaꞌoon qaawemminaꞌone; tunebaani sheeroo qeesheenaꞌo waanee, ciico geeneenaꞌo waanee aallemmone.

Daaneeli 11:33

“Asheenaꞌo daggooch beeti yiiteenaꞌo meetinaꞌoyich arichiyemminaꞌone. Giisheche aabee wottoon, boonoshi daggoochee ikkikkeenaꞌo ginoona koyaa qitemminaꞌone; qaaqqoonoo michaa qitemminaꞌone; boonoshi hajjiton bokkeree cuchemminaꞌone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Leweenaꞌo 10:11

Muusich ta getaa, bi gettiti qociyoo bullin Israꞌeeleenaꞌoyich dojjibote” iye.

Sofoniyaasi 3:4

Keemechinaꞌo geecechinaꞌonaa gibeneyaaneenaꞌonane; qeesheenaꞌo yaafoo tuneton eeꞌiiheete; sheeroonoo shaaddeheete.

Haagi 1:13

Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye.

Milikiyaasi 3:1

“Ebiyoche, gommon ta aafooch qanniyemmi ta wocheyechon daachiyemmo taane. Ittoshi qaawiibeeti Doono diqqoona yaafee kexooch woyemmone. Ittoshi qaatiibeeti wocheyecho waaree ittoshina tookkaa ta giyeti wogoon ittoshich awaajjemmone” iye Beshe Mawe Doono Yeeri.

Haddoo 27:21

Qeeshoo Elazaari Uriimoona ta daaggoon ariibeeto bi tunetoyich, biyoo Elazaarina degeebe. Biinnaa Israꞌeelee iitoo bullina Elazaarichi getoona keyeete; bi getoonoo gibeete” iye.

Yowannisi 13:20

Iberoon ittoshich gettoye: Ta wocheto koninolla shunniibeeto taan shunnii beetone; taanoo shunniibeeto taan wocheton shunnii beetone” iye.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Mishiraachechinaꞌo 16:17

Areyoo Phawuloosinaa noonnon dabbaabee, “Hini asheenaꞌo ittoshi wodemmi gommon ittoshich gettiibeeti Beshe Nuggishoo Yeerichi guuninaꞌone” iibee cookaa beehan.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

Galaati 4:14

Ta biiyo ittoshin oogeton iritiito bi tunetaanoona, taan hoxee tiyaareyaano ittoshine; tunebaani Yeerichi maraakoon iibbiyoommon, ebiyeenolla Kiristoos Yesuusin iibbiyoommoniye ittoshi iibbiito.

Yibbaatoo 21:5

Lewichi shiijjereenaꞌo tuneti qeesheenaꞌo wotta arooch hambeete. Ebiyoo asho ikkoo baroon xuꞌaa, taggeebeeti taggoon nallemminaꞌo boonoshi tunetoyichiye; wotta ne Nuggishoo Doono Yeeri biich boonoshi maddemmonaa bi shigoona boonoshi diiremmonoyich boonoshin bi kaaccitoyichiye.

Yibbaatoo 24:8

“Qeddee shaddee biiyoon ciinnii beetona qeesheenaꞌo tuneti Leweenaꞌo dojjiti mooyon ceechiree ne tuniyemmoyich, ne qelloon ariibe! Boonoshich ta gettetoommon ne tuniyemmoyich, ne qelloon ariibe!

1 Tasaloonqi 4:8

Illa ebi no dojjiti mooyon shixxiibeeti asho, bi shixxiibeeto, ittoshich bi Yaafe Ayaanoon immiibeeti Yeerinalli, ashoon toonoone.

1 Saameeli 2:17

Eeli bushiisheenaꞌo axaaxoo Doono Yeeri aafoochaa ebi shaahoon oogeti maggoo tunetone; ebiyoo Doono Yeerich giddeebeeti deejjoon boonoshi qallayii beetoyichiye.